തോൽവിക്ക്‌ ശേഷം അക്കാര്യം തുറന്ന് പറ‌ഞ്ഞ് സഞ്ജു സാംസൺ, രാജസ്ഥാൻ റോയൽസ് ക്യാപ്റ്റൻ മനസ്‌ തുറന്നത് ഇങ്ങനെ

Curated byഗോകുൽ എസ് | Samayam Malayalam | Updated: 14 Apr 2025, 3:28 am

Samayam Malayalamസഞ്ജു സാംസൺ

2025 സീസൺ ഐപിഎല്ലിൽ വീ‌ണ്ടും തോൽവി നേരിട്ടിരിക്കുകയാണ് രാജസ്ഥാൻ റോയൽസ്. ഞായറാഴ്ച വൈകിട്ട് നടന്ന മത്സരത്തിൽ ആർസിബിയോട് ഒൻപത് വിക്കറ്റിന്റെ കനത്ത പരാജയമാണ് സഞ്ജു സാംസണും സംഘവും ഏറ്റുവാങ്ങിയത്. മത്സരത്തിൽ ആദ്യം ബാറ്റ് ചെയ്ത റോയൽസ് 20 ഓവറിൽ 173/4 എന്ന‌ സ്കോർ നേടിയപ്പോൾ ആർസിബി വെറും 17.3 ഓവറുകളിൽ വിജയം നേടുകയായിരുന്നു‌. ഈ ‌സീസണിലെ ആറാം മത്സരത്തിൽ രാജസ്ഥാൻ റോയൽസ് വഴങ്ങുന്ന‌ നാലാമത് പരാജയമാണിത്.
തോൽവിക്ക് ശേഷം വളരെയധികം നിരാശനായി കാണപ്പെട്ട രാജസ്ഥാൻ റോയൽസ് നായകൻ സഞ്ജു സാംസൺ, തന്റെ ടീം ഇനിയും മെച്ചപ്പെടാനുണ്ടെന്ന് തുറന്ന് പറയുകയും ചെയ്തു. പവർപ്ലേയിൽ തന്നെ ആർസിബി മത്സരം കൈക്കലാക്കി യെന്നും ഇതിനൊപ്പം സഞ്ജു വ്യക്തമാക്കി. "വേഗത കുറഞ്ഞ ഈ വിക്കറ്റിൽ ടോസ് നഷ്ടമായി ആദ്യ 10 ഓവറിൽ വെയിലിന് കീഴിൽ ബാറ്റ് ചെയ്യുന്നത് ദുഷ്കരമാണെന്ന് ഞാൻ കരുതുന്നു. പവർപ്ലേയിൽ തന്നെ അവർ കളി കൈക്കലാക്കി എന്ന് ഞാൻ വിശ്വസിക്കുന്നു‌. നമ്മൾ ശരിക്കും മെച്ചപ്പേടേണ്ടതുണ്ട്, അക്കാര്യത്തിൽ സംശയമില്ല. സഞ്ജു പറഞ്ഞു.

Also Read: സഞ്ജുവിന് എന്തുപറ്റി! വമ്പൻ നാണക്കേട്, ആ മോശം ലിസ്റ്റിൽ രണ്ടാമത്; രാജസ്ഥാൻ റോയൽസ് ആരാധകർ നിരാശയിൽ

അതേ സമയം മത്സരത്തിൽ ആദ്യം ബാറ്റ് ചെയ്ത രാജസ്ഥാൻ റോയൽസ്‌ 20 ഓവറിൽ 173/4 എന്ന സ്കോറാണ് നേടിയത്. 47 പന്തിൽ 75 റൺസെടുത്ത ഓപ്പണർ യശസ്വി ജയ്സ്വാളായിരുന്നു രാജസ്ഥാന്റെ ടോപ് സ്കോറർ.‌ 10 ഫോറുകളും രണ്ട് സിക്സറുകളും അടങ്ങുന്നതായിരുന്നു ജയ്സ്വാളിന്റെ ഇ‌ന്നിങ്സ്. റിയാൻ പരാഗ് 22 പ‌ന്തിൽ 30 റൺസും, ധ്രുവ് ജൂറൽ 23 പന്തിൽ 35 റൺസും നേടി.

Also Read: സെഞ്ചുറിക്ക് ശേഷം പോക്കറ്റിൽ നി‌ന്ന് ആ പേപ്പറെടുത്ത് അഭിഷേക് ശർമ; ഈ ആഘോഷത്തിന് പിന്നിലെ രഹസ്യം ഇ‌ങ്ങനെ...

174 റൺസ് വിജയലക്ഷ്യം പി‌ന്തുടർന്ന ആർസിബി വെറും 17.3 ഓവറുകളിൽ വിജയത്തിൽ എത്തുകയായിരുന്നു. 33 പന്തിൽ 65 റൺസെടുത്ത ഫിൽ സാൾട്ടാണ് ആർസിബിയുടെ ജയം അനായാസമാക്കിയത്. അഞ്ച് ഫോറുകളും ആറ് സിക്സറുകളും അടങ്ങുന്നതായിരുന്നു താരത്തിന്റെ ഇന്നിങ്സ്. വിരാട് കോഹ്ലി 45 പന്തിൽ 62 റൺസ് നേടിയും, ദേവ്ദത്ത് പടിക്കൽ 28 പന്തിൽ 40 റൺസ് നേടിയും പുറത്താകാതെ നിന്നു.