ദാമ്പത്യജീവിതം സുന്ദരമാക്കണോ; ഉറപ്പായും ഉപാസനയുടെ ഉപദേശം നിങ്ങൾ അറിഞ്ഞിരിക്കണം; ഗുണം ചെയ്യും ഉറപ്പ്

Authored by: ഋതു നായർ|Samayam Malayalam•4 Oct 2025, 9:38 am

എന്നും ഇപ്പോഴും ആരാധകർക്ക് ഏറെ ഇഷ്ടമുള്ള മാതൃകയാക്കാൻ ഉതകുന്ന ദാമ്പത്യജീവിതമാണ് രാം ചരണും ഭാര്യ ഉപാസന കൊനിഡേലയും നയിക്കുന്നത്. പലപ്പോഴും അവരുടെ അതിശയകരമായ ജീവിതശൈലിയിലൂടെയോ ഹൃദയസ്പർശിയായ നിമിഷങ്ങളിലൂടെയോ വാർത്തകളിൽ ഇടം നേടാറുണ്ട്. ഒരു ദശാബ്ദക്കാലത്തെ ദാമ്പത്യബന്ധമാണ് ഇവരുടേത്. വിജയകരമായ ദാമ്പത്യത്തിനായി അമ്മ നൽകിയ ഉപദേശം ഉപാസന അടുത്തിടെ പങ്കുവച്ചിരുന്നു.

സന്തോഷകരമായ ദാമ്പത്യത്തിനായുള്ള ഉപാസനയുടെ അമ്മയുടെ ഉപദേശം ആണ് ഇത്രത്തോളം ആ ബന്ധത്തിന് അടിത്തറ എന്നാണ് താരം പറഞ്ഞത്.

കുറച്ചു കാലം മുമ്പ് ദി മസൂം മിനാവാല ഷോയിൽ സംസാരിക്കുമ്പോൾ ആണ് , ഉപാസന കൊനിഡേല വിവാഹത്തിൽ ആശയവിനിമയത്തിന്റെ പ്രാധാന്യ പറയുന്നത്, അതിന് അമ്മയുടെ ഉപദേശം തന്റെ ദാമ്പത്യത്തെ എത്രത്തോളം സ്വാധീനിച്ചു എന്ന് താരം പറഞ്ഞത്.

അവരുടെ വാക്കുകൾ കടം എടുത്താൽ, “ആഴ്ചയിലൊരിക്കൽ ഒരു ഡേറ്റ് നൈറ്റ് നടത്തണമെന്ന് എന്റെ അമ്മ ഞങ്ങളോട് പറയുമായിരുന്നു. നിങ്ങൾക്ക് അതിന്റെ പ്രാധാന്യം മനസ്സിലായിരുന്നില്ല, പക്ഷേ അത് വളരെ പ്രധാനമാണ്. കഴിയുന്നത്രയും ഞങ്ങൾ അത് ചെയ്യാൻ ശ്രമിക്കുന്നു.”

“ഫോണും ടിവിയും ഒക്കെ മാറ്റിവച്ചിട്ട് . പരസ്പരം കുറച്ചുസമയം സംസാരിക്കും. പരസ്പരം എന്തെങ്കിലും പ്രശ്നമുണ്ടെങ്കിൽ, ഞങ്ങൾ തീർച്ചയായും അതിനെക്കുറിച്ച് സംസാരിക്കും. ആശയവിനിമയം നമ്മൾ എപ്പോഴും ജീവിതത്തോട് ചേർത്തുവയ്ക്കുന്ന ഒന്നാണ്, മരിക്കുന്നതുവരെ ഞങ്ങൾ അത് തുടർന്നുകൊണ്ടേയിരിക്കും,” ഉപാസന കൂട്ടിച്ചേർത്തു.

ALSO READ: ഐശ്വര്യയുടെ മനം കവർന്ന ആദിത്യ! ഭർത്താവ്, ഏകമകൾ, മലയാളിയാണോ; ആദിത്യയും അമിതും നെയ്തെടുത്ത സുന്ദര ലോകം
ഈ ഡേറ്റ് നൈറ്റുകൾ, കാൻഡിൽ ലൈറ്റ് ഡിന്നർ, ഒരുമിച്ചു ഒരു സിനിമ കാണുക, പരസപരം ഇഷ്ടമുള്ള ഹോബി ചെയ്യുന്നതും അല്ലെങ്കിൽ അർത്ഥവത്തായ സംഭാഷണങ്ങൾ നടത്തുന്നതും ഒക്കെ സന്തുഷ്ടകരമായ ദാമ്പത്യബന്ധത്തിന്റെ അടിത്തറ ആണെന്നും താരം പറഞ്ഞു.

രാം ചരണിന്റെ അടുത്ത ചിത്രം

ശങ്കർ സംവിധാനം ചെയ്ത ഗെയിം ചേഞ്ചറിലാണ് രാം ചരൺ അവസാനമായി ഒരു പ്രധാന വേഷത്തിൽ അഭിനയിച്ചത്. രാഷ്ട്രീയ വ്യവസ്ഥയിൽ നീതി പുലർത്തുന്നതിനായി അഴിമതിക്കാരനായ ഒരു രാഷ്ട്രീയക്കാരനെ നേരിടുന്ന ഒരു ഐഎഎസ് ഉദ്യോഗസ്ഥനായാണ് ചരൺ അഭിനയിച്ചത്. കിയാര അദ്വാനി നായികയായ ചിത്രത്തിൽ എസ്‌ജെ സൂര്യ, അഞ്ജലി, സുനിൽ, ശ്രീകാന്ത്, ജയറാം തുടങ്ങി നിരവധി പേർ പ്രധാന വേഷങ്ങളിൽ അഭിനയിച്ചു.