ദിയ കൃഷ്ണ അത്രമേല്‍ ആസ്വദിക്കുന്ന ഒരു ജീവിതം; മനോഹരമായ ചിത്രങ്ങളുമായി താരപുത്രി!

കൃഷ്ണകുമാറിന്റെ മക്കളില്‍ ദിയ കൃഷ്ണയ്ക്കായി ഒരു പ്രത്യേക ആരാധകര്‍ തന്നെയുണ്ട്. വെറുമൊരു വ്‌ളോഗര്‍ എന്നതിനപ്പുറം ദിയ കൃഷ്ണയുടെ ഓരോ നേട്ടവും ആഘോഷിക്കുന്നവരാണ് ആ ആരാധകര്‍. താരപുത്രിയുടെ ബിസിനസ്സിനും കുടുംബ ജീവിതത്തിനും എല്ലാം എ പ്ലസ് മാര്‍ക്ക് തന്നെ ഈ ആരാധകര്‍ നല്‍കും. ഇത്രയേറെ സ്‌നേഹം ആരാധകരില്‍ നിന്നും ലഭിക്കുന്നതുകൊണ്ടു തന്നെ തന്റെ ഓരോ സന്തോഷ നിമിഷവും ദിയ സോഷ്യല്‍ മീഡിയയില്‍ പങ്കുവയ്ക്കാറുണ്ട്.

ഇപ്പോഴിതാ അതി മനോഹരമായ ഒരു കുടുംബ ചിത്രവുമായി എത്തിയിരിക്കുകയാണ് ദിയ കൃഷ്ണ എന്ന ഓസി. അശ്വിനും മകന്‍ ഓമിയ്ക്കുമൊപ്പമുള്ള ചിത്രമാണ് പങ്കുവച്ചിരിയ്ക്കുന്നത്. അതിലും മനോഹരമാണ് ചിത്രത്തിന് നല്‍കിയിരിക്കുന്ന ക്യാപ്ഷന്‍. എത്ര മനോഹരമായ ഒരു കുഞ്ഞു യാത്രയിലാണ് നമ്മളുള്ളത്- എന്ന് പറഞ്ഞാണ് ഫോട്ടോ പങ്കുവച്ചിരിയ്ക്കുന്നത്. താഴെ ലവ് ഇമോജിയുമായി അശ്വിനും എത്തി. സ്‌നേഹം പ്രകടിപ്പിക്കുന്ന കമന്റുകളാണ് ഫോട്ടോയ്ക്ക് താഴെ വരുന്നത്.

Also Read: മോഹന്‍ലാലിന്റെ എന്‍ട്രി രോമാഞ്ചം, ദിലീപ് പീക്ക് ലെവലില്‍; ഭഭബ- സോഷ്യല്‍ മീഡിയ പ്രതികരണം!

ഒരു പ്രണയ പരാജയത്തിന് ശേഷം ദിയയുടെ ജീവിതത്തിലേക്ക് വന്നതാണ് അശ്വിന്‍. ഇരുവരും സോഷ്യല്‍ മീഡിയ റീലുകളിലൂടെ അതിന് മുന്‍പേ പ്രേക്ഷക ശ്രദ്ധ നേടിയിരുന്നു. അതിന് ശേഷം മനോഹരമായ ഇരുവരുടെയും പ്രണയ യാത്രയ്ക്കും ആരാധകര്‍ സാക്ഷിയായി. നയന്‍താരയുടേത് എന്നത് പോലെ മലയാളികള്‍ ഏറ്റെടുത്ത വിവാഹമായിരുന്നു ദിയയുടേയും അശ്വിന്റേയും. തുടര്‍ന്നുള്ള ഇറുവരുടെ യാത്രയിലും ആരാധകരുണ്ടായി.

വിവാഹം മാത്രമായിരുന്നില്ല, ദിയ കൃഷ്ണയുടെ പ്രസവവും കേരളക്കരയില്‍ വലിയ ചര്‍ച്ചയായി. കുടുംബത്തിലെ മുഴുവന്‍ അംഗങ്ങളെയും സാക്ഷിയാക്കി, ബര്‍ത്ത് സ്യൂട്ടില്‍ നിന്നുള്ള പ്രസവത്തിന്റെ വീഡിയോ വലിയ ചര്‍ച്ചയായി. അതിന് ശേഷം അശ്വിന്റെയും ദിയയുടെയും വിശേഷങ്ങള്‍ക്കൊപ്പം ഓമിയുടെ വിശേഷങ്ങള്‍ക്കായും ആരാധകര്‍ കാത്തിരിക്കുകയായിരുന്നു.
യൂട്യൂബില്‍ സജീവമാവുന്നതിനൊപ്പം, ബിസിനസ് രംഗത്തെ ഓസിയുടെ വളര്‍ച്ചയും പല പെണ്‍കുട്ടികള്‍ക്കും പ്രചോദനമായി. കൊളേജ് ജീവിതത്തിന് ശേഷം, വീട്ടില്‍ നിന്ന് മാറി നില്‍ക്കാന്‍ ഒരിടം എന്ന നിലയില്‍ തുടങ്ങിയ ദിയയുടെ ഓ ബൈ ഓസി എന്ന ബിസിനസം സംരംഭം ഇന്ന് വിജയകരമായി മുന്നോട്ടു പോകുകയാണ്‌