ദിയയും അമ്മയും എന്നോട് മോശമായി പെരുമാറിയിട്ടില്ല! ജോലി തിരക്കുകൊണ്ടാണ് എണീറ്റ് പോയത്; അശ്വിന്റെ മറുപടി

Authored by: ഋതു നായർ|Samayam Malayalam•3 Jul 2025, 8:02 am

ഏറെ ആരാധകരുള്ള, യൂട്യൂബ് ഫാമിലി ആണ് ദിയ കൃഷ്നയുടേത്. യൂട്യൂബ് ട്രെൻഡിങ് ലിസ്റ്റിൽ ഒന്നാമതായി ഉള്ള ദിയയുടെ വീഡിയോ ഏഴുലക്ഷത്തിന്റെ അടുത്താണ് ആളുകൾ കണ്ടത്. ഹോസ്പിറ്റലിലേക്ക് പോകാൻ വേണ്ടി തയ്യാറെടുക്കുന്ന ദിയ കൃഷ്ണ. കുഞ്ഞിനായി വാങ്ങിയ ഓരോ സാധനങ്ങൾ ആയി കാമറയ്ക്ക് മുൻപിൽ കാണിക്കുകയാണ്. അശ്വിനെ കൊണ്ട് സാധനങ്ങൾ എന്താണ് എന്ന് ഗസ് ചെയ്യിപ്പിക്കുന്നതാണ് ദിയയുടെ കണ്ടന്റ്.

മിക്കപ്പോഴും വെറൈറ്റി കണ്ടന്റുകൾ പങ്കിടുന്ന ദിയ ഇത്തവണയും വെറൈറ്റി വീഡിയോ ആണ് പ്ലാൻ ചെയ്‌തത്‌. അതിലെ രസകരമായ നിമിഷങ്ങൾ ആരാധകരിലേക്ക് എത്തിക്കാൻ വേണ്ടി ആയിരുന്നു ഇത്തരത്തിൽ ഉള്ള വീഡിയോ പ്ലാൻ ചെയ്തതും. എന്നാൽ അശ്വിനെ അപമാനിച്ചു എന്ന രീതിയിൽ ആയി പ്രചാരണം.

ദിയയും അമ്മയും അശ്വിൻ ചേട്ടനെ അപമാനിക്കുന്നു എന്നായി കമന്റുകൾ. വീഡിയോ ട്രെൻഡിങ് ലിസ്റ്റിൽ ഇടം പിടിച്ചുവെങ്കിലും നെഗറ്റീവ് കമന്റുകൾ മാത്രം പങ്കിടുന്ന ചിലർക്ക് അതിലെ പോസിറ്റീവ് കാര്യങ്ങൾ മാത്രം കാണാൻ സാധിച്ചില്ല. നെഗറ്റീവ് കമന്റുകളുടെ എണ്ണം കൂടിയതോടെ മറുപടിയുമായി അശ്വിനും ദിയയും എത്തി. എന്നോട് വളരെ സ്നേഹത്തോടെ മാത്രമാണ് ദിയയും അമ്മയും നിന്നിട്ടുള്ളത്. എന്തിനാണ് ഇത്രയും നെഗറ്റിവിറ്റി പ്രചരിപ്പിക്കുന്നത് എന്നായി അശ്വിൻ മാത്രമല്ല ഇടക്ക് എണീറ്റുപോയത് താൻ ജോലിയിൽ ആയിരുന്നതുകൊണ്ടെന്നും അശ്വിൻ പറയുന്നു.

ALSO READ: ചിഞ്ചുറാണി ആകരുതെന്ന് കമന്റുകൾ! അവൾക്ക് കാമറയുടെ മുൻപിൽ നിൽക്കാൻ ഇഷ്ടമല്ല; പ്രൈവസിയെ മാനിക്കുന്നുവെന്ന് കാർത്തിക്

അശ്വിന്റെ വാക്കുകൾ

എനിക്ക് കുറച്ചുകാര്യങ്ങൾ പറയണം എന്ന് തോനുന്നു. ദിയയും അമ്മയും എപ്പോഴും എന്നോട് വളരെ സ്നേഹത്തോടെയും റെസ്‌പെക്ട് ഫുൾ ആയിട്ടുമാണ് പെരുമാറാറുള്ളത്. ആ വീഡിയോ ചെയ്യുമ്പോൾ പോലും ഞാൻ ഏറെ ആസ്വദിച്ചു. ഞങ്ങൾ മൂന്നുപേരും നല്ല തമാശ മൂഡിൽ ആയിരുന്നു. അവർക്ക് ഒപ്പം നല്ല സമയം ആണ് എനിക്ക് അതിൽ നിന്നും ലഭിച്ചത്. എന്നെ അപമാനിച്ചു എന്ന രീതിയിൽ ചിലർ പറയുന്നത് കാണാം. അങ്ങനെ അവർ കരുതുന്നത് എന്തുകൊണ്ടെന്ന് എനിക്ക് അറിയില്ല. ആ ചിന്ത എന്റെ മനസ്സിൽ പോലും വന്നിരുന്നില്ല. ജോലിത്തിരക്ക് കൊണ്ട് മാത്രമാണ് ഞാൻ ഇടക്ക് വച്ച് എണീറ്റ് പോയത്- അശ്വിൻ പറയുന്നു.

ദിയയുടെ വാക്കുകൾ

കുടുംബത്തിന്റെ ഉള്ളിലെ രസകരമായ ഫണ്ണി മൊമെന്റ്‌സ്‌ എന്താണെന്ന് കൃതമായി മനസിലാക്കിയവർക്ക് അപമാനം എന്താണ് എന്ന് കൃത്യമായി അറിയാം. അങ്ങനെ ഉള്ളവർ വളരെ പോസിറ്റീവ് ആയിട്ട് മാത്രമാണ് കമന്റുകൾ പങ്കുവച്ചത്. പോസിറ്റീവ് ഫീഡ്‌ബാക്കിന് എല്ലാവർക്കും നന്ദി. വ്യൂവേഴ്സ് നെഗറ്റീവ് കാര്യങ്ങൾ പ്രചരിപ്പിക്കുന്നത് നിർത്തി പോസിറ്റീവ് കാര്യങ്ങൾ പറയണമെന്ന് ഞാൻ ആഗ്രഹിക്കുന്നു, പലരും നല്ല കമന്റുകൾ പങ്കുവച്ചാണ് ഇത്തരക്കാരെ പ്രതിരോധിക്കുന്നത്. അതിൽ സന്തോഷം; ദിയ കുറിച്ചു.