ദിലീപും മീനൂട്ടിയും പോയപ്പോഴും പതറിയില്ല! മഞ്ജു വാര്യര്‍ എപ്പോഴും ഹാപ്പിയായിരിക്കുന്നതിന്റെ കാരണം? ചിത്രങ്ങള്‍ വൈറല്‍

Edited byഅനുപമ നായർ | Samayam Malayalam | Updated: 13 Apr 2025, 12:03 pm

Samayam Malayalamദിലീപും മീനൂട്ടിയും പോയപ്പോഴും പതറിയില്ല

സോഷ്യല്‍മീഡിയയില്‍ സജീവമാണ് മഞ്ജു വാര്യര്‍. സിനിമയിലെ മാത്രമല്ല ജീവിത വിശേഷങ്ങളും പങ്കുവെക്കാറുണ്ട്. പെട്ടെന്ന് തന്നെ പോസ്റ്റുകളെല്ലാം വൈറലായി മാറാറുമുണ്ട്. എമ്പുരാനായിരുന്നു ഒടുവിലായി തിയേറ്ററുകളിലേക്ക് എത്തിയത്. പ്രിയദര്‍ശിനി രാംദാസിന്റെ ഇത്തവണത്തെ വരവ് ഗംഭീരമായി എന്നായിരുന്നു എല്ലാവരും ഒരുപോലെ പറഞ്ഞത്. രണ്ടാം ഭാഗത്തില്‍ കുറേക്കൂടി പ്രാധാന്യമുള്ള കഥാപാത്രമാണെന്ന് താരം പറഞ്ഞിരുന്നു. മേക്കോവറിലൂടെയും താരം ഞെട്ടിച്ചിരുന്നു.

പൃഥ്വിരാജിനെപ്പോലെയൊരു സംവിധായകനൊപ്പം ജോലി ചെയ്യാനായത് ഏറെ സന്തോഷമുള്ള കാര്യമാണ്. എന്താണ് വേണ്ടത് എന്നതിനെക്കുറിച്ച് വ്യക്തമായ ബോധ്യമുണ്ട് അദ്ദേഹത്തിന്. ചില രംഗങ്ങളൊക്കെ അഭിനയിച്ച് കാണിച്ച് തരും. എങ്ങനെ വേണമെങ്കിലും ചെയ്യാനുള്ള അവസരവും തരും. തനിക്ക് പ്രിയപ്പെട്ട സംവിധായകരില്‍ തീര്‍ച്ചയായും രാജുവും ഉണ്ടെന്നും മഞ്ജു പറഞ്ഞിരുന്നു. എമ്പുരാന്‍ പ്രമോഷനിലെല്ലാം മഞ്ജു സജീവമായിരുന്നു. ലൂസിഫര്‍ മുതലുള്ള പരിചയത്തെക്കുറിച്ചും അവര്‍ വാചാലയായിരുന്നു.

Also Read: കണ്ണമ്മ തന്നതില്‍ ഏറ്റവും വിശേഷപ്പെട്ടത്! 28 വര്‍ഷം കാത്തിരുന്ന് സഫലീകരിച്ച ആഗ്രഹം! ബേബി മൂണിനായി ദിയ കൃഷ്ണ മാലി തിരഞ്ഞെടുത്തതിന് കാരണം?

വ്യക്തി ജീവിതത്തിലെ കാര്യങ്ങളെക്കുറിച്ച് മഞ്ജു സംസാരിക്കാറില്ല. തികച്ചും സ്വകാര്യമായിരിക്കട്ടെ അത് എന്നാണ് പറയാറുള്ളത്. വിവാഹമോചനത്തെക്കുറിച്ചോ, മകളെക്കുറിച്ചോ വരുന്ന ചോദ്യങ്ങളിലൊന്നും വ്യക്തമായ മറുപടി ലഭിക്കാറുമില്ല. സന്തോഷം ഒരു തിരഞ്ഞെടുപ്പാണെന്ന ക്യാപ്ഷനോടെയായിരുന്നു മഞ്ജു പുത്തന്‍ ചിത്രങ്ങള്‍ പങ്കുവെച്ചത്. ഹാപ്പി, ഹാപ്പിനെസ്, ചോയ്‌സ് ഈസ് യുവേര്‍സ് തുടങ്ങിയ ഹാഷ് ടാഗുകളും പോസ്റ്റിനൊപ്പം ചേര്‍ത്തിരുന്നു. ചിരിച്ച മുഖത്തോടെയായിരുന്നു ചിത്രങ്ങള്‍ക്ക് പോസ് ചെയ്തത്. ഈ ചിരിയും സന്തോഷവും എന്നും ജീവിതത്തിലുണ്ടാവട്ടെ എന്നായിരുന്നു കമന്റുകള്‍.


അഭിനയിച്ച കഥാപാത്രങ്ങള്‍ മാത്രമല്ല മഞ്ജുവിന്റെ പേഴ്‌സണല്‍ ലൈഫും, ക്യാരക്ടറുമെല്ലാം ആരാധകര്‍ക്ക് അറിയുന്നതാണ്. സിനിമയില്‍ ഇല്ലാതെയിരുന്ന സമയത്ത് പോലും ശക്തമായ പിന്തുണയായിരുന്നു ആരാധകര്‍ നല്‍കിയത്. മകള്‍ ഡാന്‍സ് പഠിക്കാന്‍ തുടങ്ങിയപ്പോഴായിരുന്നു മഞ്ജുവും ചുവടുവെച്ച് തുടങ്ങിയത്്. യുവജനോത്സവ വേദികളില്‍ നിറഞ്ഞുനിന്നൊരു കാലമുണ്ടായിരുന്നു മഞ്ജുവിന്. കുട്ടിക്കാലം മുതലേ ഡാന്‍സും പഠിച്ചിരുന്നു. വിവാഹത്തോടെയായിരുന്നു അഭിനയവും നൃത്തവുമെല്ലാം അവസാനിപ്പിച്ചത്. മകളുടെ നൃത്തപഠനം മഞ്ജുവിന് തിരിച്ചുവരവിന് നിമിത്തമായി മാറുകയായിരുന്നു.

സിനിമ വിട്ടാലും നൃത്തം കൂടെ കൂട്ടണം എന്ന് പറഞ്ഞ അച്ഛന്റെ വാക്കുകള്‍ നിറവേറ്റുകയായിരുന്നു മകള്‍. ഗുരുവായൂരിലെ നൃത്തപരിപാടി ഗംഭീരമായിരുന്നു. സിനിമയിലുള്ളവരടക്ക ംനിരവധി പേരായിരുന്നു പരിപാടി കാണാനെത്തിയത്. നിരവധി അവസരങ്ങളായിരുന്നു അതിന് ശേഷം ലഭിച്ചത്. റോഷന്‍ ആന്‍ഡ്രൂസ് ചിത്രമായ ഹൗ ഓള്‍ഡ് ആര്‍ യൂ ആയിരുന്നു തിരിച്ചുവരവിലേക്ക് നയിച്ചത്. നിരുപമയായി മഞ്ജു ജീവിക്കുകയായിരുന്നു.

നായിക പ്രാധാന്യമുള്ള ചിത്രത്തിന്റെ ഭാഗമാവാന്‍ നടന്‍മാരില്‍ പലരും മടിച്ചിരുന്നു. ചിലരൊക്കെ ഭീഷണി കാരണമായാണ് ആ കഥാപാത്രം ചെയ്യാതെയിരുന്നത്. കുഞ്ചാക്കോ ബോബനായിരുന്നു സധൈര്യം ആ വേഷം ചെയ്തത്. അന്ന് തുടങ്ങിയ സൗഹൃദം ഇപ്പോഴും ഇരുവരും നിലനിര്‍ത്തുന്നുണ്ട്. തനിക്കും ഭീഷണികള്‍ വന്നിരുന്നുവെന്നും, അതൊന്നും വക വെക്കാതെയാണ് ചിത്രം സ്വീകരിച്ചതെന്ന് അദ്ദേഹം പറഞ്ഞിരുന്നു.