ദീപിക പദുക്കോണിന് ഒരേ നിർബന്ധം, പിന്നെ പാർവ്വതി ഒന്നും നോക്കിയില്ല; ബോളിവുഡ് ക്വീനിനൊപ്പമുള്ള ചിത്രത്തെ കുറിച്ച് പാർവ്വതി കൃഷ്ണ

Authored by: അശ്വിനി പി|Samayam Malayalam•10 Sept 2025, 10:28 am

നടി, അവതാരക എന്നീ നിലകളിൽ എല്ലാം പ്രേക്ഷക ശ്രദ്ധ നേടിയ നടിയാണ് പാർവ്വതി കൃഷ്ണ . മാലിക് എന്ന ചിത്രത്തിലെ വേഷം എല്ലാം ഏറെ ശ്രദ്ധ നേടിയിരുന്നു. അവതാരകയായി എത്തുന്ന വേദികൾ കീഴടക്കാനും പാർവ്വതിയ്ക്ക് പ്രത്യേക കഴിവാണ്. സിനിമ - മിനിസ്ക്രീൻ താരം എന്നതിനപ്പുറം ഒരു ബിസിനസ് ലേഡി കൂടെയാണ് താരം. ഇതിനൊക്കെയൊപ്പം ഒരു സോഷ്യൽ മീഡിയ ഇൻഫ്ളുവൻസർ കൂടെയാണ്.

പാർവ്വതി തന്റെ വിശേഷങ്ങളൊക്കെ യൂട്യൂബ് ചാനലിലിലൂടെ പങ്കുവയ്ക്കാറുണ്ട്. ഇൻസ്റ്റഗ്രാമിൽ പോസ്റ്റ് ചെയ്യുന്ന ഫോട്ടോകൾക്കും മറ്റുമിടുന്ന ക്യാപ്ഷനുകളും രസകരവും എന്റർടൈനിങും ആയിരിക്കും. അത്തരത്തിൽ ഇപ്പോൾ വളരെ അധികം ശ്രദ്ധ നേടിക്കൊണ്ടിരിയ്ക്കുകയാണ് ബോളിവുഡ് ക്വീൻ ദീപിക പദുക്കോണിനൊപ്പമുള്ള പാർവ്വതി കൃഷ്ണയുടെ ഫോട്ടോകൾ.

Also Read: 47 ആയത്രേ 25 കാരിയുടെ അമ്മ! അറിയുമോ ഈ നിത്യഹരിത നായികയുടെ ബ്യൂട്ടി ആൻഡ് ഹെൽത്ത് സീക്രട്ട്സ്; മഞ്ജു വാര്യരുടെ ചിട്ടകൾ

ഒറ്റ നോട്ടത്തിൽ കണ്ടാൽ ഇവരിത്രയും അടുത്ത കൂട്ടുകാരാണോ എന്ന് തോന്നിപ്പോവും. പിന്നീടങ്ങോട്ട് സ്വയിപ് ചെയ്യുമ്പോഴാണ് എത്രത്തോളം മനോഹരമായിട്ടാണ് ഫോട്ടോഷോപ് ചെയ്തിരിയ്ക്കുന്നത് എന്ന് മനസ്സിലാവുന്നത്. ഒരേ നിറത്തിലുള്ള സാരിയുടുത്ത്, ദീപികയും പാർവ്വതിയും കൈകൾ ചേർത്തു പിടിച്ചു നിൽക്കുന്ന ആദ്യത്തെ ചിത്രം കണ്ടാൽ ഫോട്ടോഷോപ് ആണെന്ന് ആരും പറയില്ല. പിന്നീടങ്ങോട്ട് അത്രയും ക്ലോസാണോ എന്ന് തോന്നിപ്പിക്കുന്ന ചിത്രങ്ങൾ കാണുമ്പോഴാണ് ഹോ ദിദ് ദദ്ദാണല്ലേ എന്ന് മനസ്സിലാവുന്നത്.

Also Read: വിജയ് സ്വപ്നം കാണുന്നത് കിട്ടണം, അദ്ദേഹം അത് അർഹിക്കുന്നുണ്ട് എന്ന് തൃഷ; ദുബായിൽ എത്തിയപ്പോൾ പറഞ്ഞത്, എനിക്കിത് മടുക്കില്ല!


പുള്ളിക്കാരിക്ക് ഒരേ നിർബന്ധം ഫോട്ടോ എടുത്താലേ പോകുള്ളൂന്നു.. പിള്ളേര് എന്തേലും ആഗ്രഹം പറഞ്ഞാൽ അത് സാധിച്ചു കൊടുക്കണ്ടേ- എന്ന ക്യാപ്ഷനോടെയാണ് ചിത്രങ്ങൾ പങ്കുവച്ചത്. ഫോട്ടോ ഇങ്ങനെയൊക്കെ ആക്കി തന്നത് വിമൽ പി സുനിൽ ആണെന്നും പ്രത്യേകം പറഞ്ഞിട്ടുണ്ട്. ഫോട്ടോയ്ക്ക് താഴെ രസകരമായ ഒത്തിരി കമന്റുകളാണ് വരുന്നത്. എന്നാലും ഒരു ചിത്രത്തിൽ ദീപിക ചേച്ചിയെ പുറകെ നിർത്തിയത് മോശമായിപ്പോയി എന്നാണ് ഒരാളുടെ കമന്റ്. ചേച്ചിയ്ക്കൊപ്പം ഫോട്ടോ എടുക്കാൻ ഞങ്ങൾക്കും ആഗ്രഹമുണ്ട് എന്ന് പറയുന്ന ആരാധകരെയും കമന്റ് ബോക്സിൽ കാണാം.