ദുബായ് എനിക്കെന്നും അത്ഭുതമാണ്! അന്ന് സുചിത്രയും സുലുവുമായി എത്തിയതും ദുബായിൽ; ഗോൾഡൻ വിസയും സ്വന്തമായി വീടും

Authored byഋതു നായർ | Samayam Malayalam | Updated: 24 Mar 2025, 11:30 am

Samayam Malayalamമമ്മൂട്ടി മോഹൻലാൽ

വ്യക്തി ജീവിതത്തിലും ഔദ്യോഗികരംഗത്തും ഏറെ അടുപ്പം സൂക്ഷിക്കുന്നവരാണ് മോഹൻലാലും മമ്മൂട്ടിയും. ഇവരുടെ സൗഹൃദത്തിന്റെ കഥകൾ ഏറെയുണ്ട്. പറഞ്ഞാലും പറഞ്ഞാലും തീരാത്ത അത്രയും കഥകളുണ്ട്. സിനിമയിൽ അഭിനയിച്ചു തുടങ്ങിയപ്പോൾ മുതലുള്ള ബന്ധം വ്യക്തി ജീവിതത്തിലും ഇവർ ഇത്രയും വർഷങ്ങൾ പിന്നിട്ടിട്ടും കൊണ്ട് പോകുന്നു. അതിന്റെ തെളിവാണ് ഏറ്റവും ഒടുവിൽ വന്ന വർത്തയും. തന്റെ ഇച്ചാക്കക്ക് വേണ്ടി ലാൽ ശബരിമലയിൽ പ്രത്യേകം വഴിപാട് നടത്തിയപ്പോഴും മലയാളികൾ ആ ബന്ധത്തിന്റെ തീവ്രത കണ്ടിരുന്നു. പറഞ്ഞുവരുന്നത്. ഇവരുടെ ബന്ധത്തിന് ഏറ്റവും കൂടുതൽ വേദികൾ ഒരുങ്ങിയത് ഒരുപക്ഷേ ദുബായിൽ ആകും എന്നതാണ്.

മമ്മുക്കയ്ക്കും ലാലിനും ഏറെ ബന്ധമുണ്ട് ദുബായ് എന്ന നഗരവുമായി. തനിക്ക് സെക്കൻഡ് ഹോം തന്നെയാണ് ദുബായ് എന്നാണ് പലപ്പോഴും മമ്മുക്ക പറഞ്ഞിട്ടുള്ളത്. ദുബായും ദുബായിലെ ആളുകളും തനിക്ക് അത്ഭുതം എന്നാണ് മമ്മൂട്ടി പറയുക. ഇതേ അഭിപ്രായം ആണ് ലാലിനും.

ഇരുവർക്കും ഗോൾഡൻ വിസ ലഭിച്ചതും ഏതാണ്ട് ഒരേ സമയത്തുതന്നെയാണ്. ഇരുവർക്കും ദുബായിൽ സ്വന്തമായി വീടും ഉണ്ട്. അവധിക്കാലങ്ങൾ ആഘോഷിക്കാൻ കുടുംബത്തിന് ഒപ്പം ചേർന്ന് ഇവർ പോകാറുമുണ്ട്. ഏറ്റവും ഒടുവിൽ പോയതാകട്ടെ ലാലിൻറെ മൂവി വാലിബന്റെ സമയത്തായിരുന്നു

ALSO READ: ചേച്ചിമാരുടെ കൂട്ടുകാരിയെ പ്രണയിച്ചു അന്ന് പ്രായം വിഷയമായില്ല: ധനുഷും നടിമാരെയും ചേർത്തുവന്ന ഗോസിപ്പും; ആലപ്പി അഷ്‌റഫ്എമ്പുരാനിൽ അഭിനയിക്കുന്നതിനായി യു.എസ്സിലേക്ക് പോകുന്ന വഴിക്കാണ് മോഹൻലാൽ ദുബായിൽ ഭാര്യാ സമേതനായി എത്തിയത്. മമ്മൂട്ടിയും ഭാര്യ സുൽഫത്തും മോഹൻലാലും ഭാര്യ സുചിത്രയും ഒത്തുള്ള ചിത്രം ചുരുങ്ങിയ നേരം കൊണ്ട് അന്ന് സമൂഹ മാധ്യമങ്ങളിൽ നിറയുകയും ചെയ്തിരുന്നു.

ദുബൈയെ കുറിച്ച് മമ്മൂട്ടി ഒരിക്കൽ പറഞ്ഞവാക്കുകൾ

ഞാൻ ആദ്യമായി ദുബായിൽ വരുന്നത് 1987 ൽ ആണ്. ഞാൻ ഇവിടെ കണ്ട ദുബായി എത്രയോ മാറി പോയിരിക്കുന്നു. ആകമാനം മാറിപ്പോയി. അത്ഭുതം ആണ് അതിൽ മലയാളികളുടെ പങ്ക് ചെറുതല്ല. ഈ രാജ്യം നമ്മളെ സ്നേഹിക്കുന്നതും ഉൾക്കൊള്ളുന്നതും മലയാളികളുടെ ശ്രമം കൊണ്ടുതന്നെയാണ്. ഈ നാടിനെ ഈ നിലയിലേക്ക് എത്തിക്കാനുള്ള മലയാളികളുടെ ശ്രമം ഒട്ടും ചെറുതല്ല. നമ്മുടെ ശ്രമത്തിന്റെ ഭാഗമാണ്. ഞാൻ അത്ഭുതപെടാറുണ്ട് ഓരോ വട്ടം ദുബായിലേക്ക് വരുമ്പോഴും. മുൻപൊക്കെ വർഷത്തിൽ ഒരുവട്ടം ആയിരുന്നു ദുബായിലേക്ക് എത്തിയിരുന്നത്. ഇപ്പോൾ മൂന്നുമാസം കൂടുമ്പോൾ ഒരിക്കൽ വരാറുണ്ട്. എന്നെപോലെ പല ആളുകളും ഇടയ്ക്കിടെ ദുബായി സന്ദർശിക്കാറുണ്ട്; ദുബായ്, മലയാളികളെ സംബന്ധിച്ചിടത്തോളം മറ്റൊരു വീട് തന്നെയാണ്.

മറ്റൊരു നാട്ടിൽ ചെന്നപോലെ ആർക്കും തോന്നാറില്ല. ആ ഒരു ഫീൽ ആണ് മലയാളികൾക്ക് ദുബായ് നൽകുന്നത്. പിന്നെ മലയാളം സംസാരിക്കുന്ന അറബ്‌സ് പോലും ഉണ്ട്. അതൊക്കെ ഒരു സാഹോദര്യ മനോഭാവത്തിന്റെ പ്രതിഫലനങ്ങൾ തന്നെയാണ്. ലക്ഷാധിപതികളും കോടിപതികളും ആയവർ ഉണ്ട് ഈ നഗരത്തിൽ നിന്നും. ഈ നാട്ടിൽ അധ്വാനിക്കുന്നവരും പരിശ്രമിക്കുന്നവർക്കും തീർച്ചയായും വിജയം ഉണ്ടാകുമെന്നും മമ്മൂട്ടി കൂട്ടിച്ചേർക്കുന്നു. ( കൈരളി ചാനൽ ആണ് ഈ വീഡിയോ പുറത്തുവിട്ടത്)