ധോണിയെ വീഴ്ത്തിയ യഷ് ദയാൽ; സമ്മർദ്ദമില്ലാത്ത പ്രകടനത്തിന് പിന്നിൽ കോഹ്ലി എന്ന് ദയാലിന്റെ അച്ഛൻ

Edited byഅനുഷ ഗംഗാധരൻ | Samayam Malayalam | Updated: 4 May 2025, 3:05 pm

ഇന്ത്യൻ പ്രീമിയർ ലീഗ് 2024 ലെ ചെന്നൈ സൂപ്പർ കിങ്‌സ് റോയൽ ചലഞ്ചേഴ്‌സ് ബംഗളൂരു മത്സരത്തിന്റെ അവസാന ഓവർ ഓർമ്മിപ്പിക്കും വിധമാണ് കഴിഞ്ഞ ദിവസം അവസാന ഓവർ യഷ് ദയാൽ പന്തെറിഞ്ഞത്. അന്നും വേദി ചിന്നസ്വാമി സ്റ്റേഡിയം തന്നെയായിരുന്നു. ജയിക്കുന്ന ടീം പ്ലേ ഓഫിലെത്തുന്ന മാച്ച് ഇരു ടീമുകൾക്കും നിർണായകമായിരുന്നു. അവസാന ഓവറിലെ ത്രില്ലെർ പോരാട്ടം ആർസിബിയ്ക്ക് ജയം സമ്മാനിക്കുകയായിരുന്നു.
ആദ്യ നാലിൽ തുടരാൻ പഞ്ചാബ്; നിർണായക ജയം നേടാൻ ലക്‌നൗ; ഇരു ടീമുകളും നേരിടുന്ന പ്രധാന വെല്ലുവികൾ2024 ൽ അവസാന ഓവറിൽ 17 റൺസ് ആണ് ആർസിബി പ്രതിരോധിക്കേണ്ടി വന്നത്. അന്ന് അവസാന ഓവറിൽ ചെന്നൈയ്ക്ക് ആയി ബാറ്റ് ചെയ്‌തത്‌ എംഎസ് ധോണിയും ജഡേജയുമായിരുന്നു. കഴിഞ്ഞ ദിവസംവും അവസാന ഓവറിൽ യഷ് ദയാലിന്‌ നേരിടേണ്ടി വന്നത് ഇവരെ തന്നെയായിരുന്നു. എന്നാൽ മൂന്നാം പന്തിൽ എംഎസ് ധോണിയെ തിരിച്ച് പവലിയനിലേക്ക് അയക്കാൻ യഷ് ഡയാലിന്‌ സാധിച്ചു. ഇത് ആർസിബിയ്ക്ക് വലിയ ആശ്വാസമായിരുന്നു.
ധോണിയുടെ പുറത്താകലിന് ശേഷം ശിവം ദുബെ ക്രീസിലെത്തി. ചെന്നൈയുടെ സ്‌ട്രൈക്കിൽ ഉണ്ടായിരുന്ന ദുബെ നേരിട്ട ദയാലിന്റെ ആദ്യ പന്ത് സിക്സറിന് പറത്തി. ഇത് സിഎസ്കെയ്ക്കും ആരാധകർക്കും പ്രതീക്ഷ നൽകി. എന്നാൽ യഷ് ദയാൽ അപ്പോഴും കൂൾ ആയിരുന്നു. തെല്ലും സമ്മർദ്ദം ഇല്ലാതെ ദയാൽ വീണ്ടും പന്തെറിഞ്ഞു. അവസാന പന്തിൽ 4 റൺസ് വേണമെന്നിരിക്കെ ദയാൽ എറിഞ്ഞ പന്തിൽ രണ്ട് റൺസ് നേടാൻ മാത്രമേ സിഎസ്കെയ്ക്ക് സാധിച്ചുള്ളൂ. യഷ് ദയാലിന് സമ്മർദ്ദം ഇല്ലാതെ കൂളായി പന്തെറിയാൻ സാധിച്ചതാണ് ആർസിബിയ്ക്ക് ജയം നേടിക്കൊടുത്തത്. ഇന്നിപ്പോൾ യഷ് ദയാലിന്റെ അച്ഛൻ മകന്റെ പ്രകടനത്തെ കുറിച്ച് വാചാലനാവുകയാണ്. ടൈംസ് ഓഫ് ഇന്ത്യയോട് പ്രതികരിക്കവെയാണ് മകന്റെ പ്രകടനത്തെ കുറിച്ച് ചന്ദർപാൽ ദയാൽ വാചാലനായത്.

അവസാന ഓവറിൽ മറ്റെല്ലാവർക്കും സമ്മർദ്ദം ഉണ്ടായിരുന്നപ്പോളും തനിക്ക് യാതൊരു ഭയവും ഇല്ലായിരുന്നു എന്നാണ് യഷ് ദയാലിന്റെ അച്ഛൻ പറഞ്ഞത്. കാരണം മകൻ ആ ഓവറിൽ മത്സരം തിരിച്ചുപിടിക്കും എന്ന് തനിക്കി ഉറപ്പായിരുന്നു എന്നും യഷ് ദയാലിന്റെ അച്ഛൻ പറഞ്ഞു. അതേസമയം അവസാന ഓവറിൽ ആരും കാണാതെപോയ വിരാട് കോഹ്‌ലിയുടെ റോളിനെ കുറിച്ചും അദ്ദേഹം വാചാലനായി.

ആർസിബിയിൽ എത്തിയതിനു ശേഷം വിരാട് കോഹ്ലി തന്റെ മകനിൽ വിശ്വാസം അർപ്പിച്ചു എന്നും മകന് വളരെ അധികം കോഹ്ലി പിന്തുണ നൽകി എന്നും അദ്ദേഹം പറഞ്ഞു. കോഹ്‌ലിയുടെ ഈ പിന്തുണയാണ് മകന് പലപ്പോഴും സമ്മർദ്ദമില്ലാതെ പന്തെറിയാൻ സാധിക്കുന്നത് എന്നും യഷ് ദയാലിന്റെ അച്ഛൻ പറഞ്ഞു.