നടന്‍ കാര്‍ത്തിക്കിന്റെ ആരോഗ്യ സ്ഥിതിയെ കുറിച്ച് വന്ന വാര്‍ത്തകള്‍; എന്താണ് സംഭവിച്ചത് എന്ന് വ്യക്തമാക്കി മകന്‍ ഗൗതം കാര്‍ത്തിക്

Authored by: അശ്വിനി പി|Samayam Malayalam•29 Nov 2025, 2:02 pm

എണ്‍പതുകളിലും തൊണ്ണൂറുകളിലും തമിഴ് സിനിമാ ലോകത്ത് നിറഞ്ഞു നിന്ന നടനാണ് കാര്‍ത്തിക് . അലൈകള്‍ ഒളിവതില്ലൈ എന്ന ആദ്യ ചിത്രത്തിലൂടെ തന്നെ സ്‌റ്റേറ്റ് അവാര്‍ഡ് വാങ്ങിയ നടന്‍, പിന്നീട് തമിഴ് റൊമാന്റിക് സിനിമകളുടെ മുഖമായി മാറുകയായിരുന്നു. അഗ്നി നച്ചിത്തിരം, വര്‍ഷം പതിനാറ്, കിഴക്കു വാസല്‍ പൊന്നുമണി, ഉന്നിടത്തില്‍ എന്നൈ കൊടുത്തേന്‍, പൂവേലി, എന്നിങ്ങനെ എണ്ണിയാല്‍ തീരാത്ത അത്രയും മികച്ച സിനിമകള്‍. അഭിനയിച്ച പാട്ടുകളിലൂടെയും കാര്‍ത്തിക് ഇന്നത്തെ ജനറേഷനും പരിചിതനാണ്.

എന്നാല്‍ സമീപകാലത്തായി നടന്റെ ആരോഗ്യ സ്ഥിതിയെ കുറിച്ച് കൊണ്ട് ചില വാര്‍ത്തകള്‍ പുറത്തുവന്നിരുന്നു. വീല്‍ ചെയ്‌റില്‍ കാര്‍ത്തിക്കിനെ ഇരുത്തിയതും, ആശുപത്രിയില്‍ ചികിത്സയ്ക്കിടയില്‍ എടുത്ത ചിത്രങ്ങളും അടക്കമായിരുന്നു വാര്‍ത്തകള്‍. ആരോഗ്യം വളരെ മോശമാണെന്ന തരത്തില്‍ പല കോണില്‍ നിന്നും വാര്‍ത്തകള്‍ വന്നിരുന്നു. ഇപ്പോഴിതാ അതിനൊക്കെയും മറുപടി നല്‍കി എത്തിയിരിക്കുകയാണ് കാര്‍ത്തിക്കിന്റെ നടനും മകനുമായ ഗൗതം രാം കാര്‍ത്തിക്

Also Read: ഇപ്പോള്‍ പോകുന്നിടത്തെല്ലാം പ്ലാച്ചിയെയും കൊണ്ടു പോകാറുണ്ട് എന്ന് അനുമോള്‍; ശരിക്കും അതില്‍ കൂടോത്രം ചെയ്തിട്ടുണ്ടോ?

സമീപകാലത്ത് കേട്ട ഏറ്റവും മോശമായ ഗോസിപ്പ് ആയിരുന്നു അത് എന്ന് പറഞ്ഞുകൊണ്ടാണ് കാര്‍ത്തിക് പറഞ്ഞു തുടങ്ങുന്നത്. തുറന്നു പറഞ്ഞാല്‍, അച്ഛന് പ്രായമായിക്കൊണ്ടുവരികയാണ്. അതിന്റെ ഭാഗമായിട്ടുള്ള ചെക്കപ്പുകള്‍ നടത്താറുണ്ട്. അങ്ങനെ ആശുപത്രിയില്‍ പോയപ്പോള്‍, സറ്റെപ്‌സുകള്‍ കയറാന്‍ പ്രയാസമുള്ളതുകൊണ്ടാണ് വീല്‍ ചെയര്‍ ഉപയോഗിച്ചത്. ആ ഫോട്ടോ പകര്‍ത്തി, ആരോഗ്യ സ്ഥിതി വളരെ മോശമാണ് എന്ന് പ്രചരിപ്പിച്ചത് ഞങ്ങളെ വളരെ അധികം വേദനിപ്പിച്ചു.


അച്ഛന്‍ പൂര്‍ണ ആരോഗ്യവാനാണ്, സന്തോഷവാനാണ്, ഭംഗിയായി പ്രായമായിക്കൊണ്ടിരിക്കുന്നു, ഇപ്പോഴും അദ്ദേഹം എല്ലാവരും ഇഷ്ടപ്പെടുന്ന അതേ കാര്‍ത്തിക് തന്നെയാണ്. മനസ്സില്‍ ഇപ്പോഴും കുട്ടത്തമുള്ള കാര്‍ത്തിക്- ഗൗതം പറഞ്ഞു. ലോകത്ത് ഞാന്‍ ഏറ്റവും അധികം സ്‌നേഹിക്കുന്നതും അച്ഛനെയാണ്, അച്ഛന്റെ മനസ്സിന്റെ ചെറുപ്പം എന്നും അതുപോലെ നിലനില്‍ക്കണം എന്നും, അതപോലെ ആകാന്‍ എനിക്ക് സാധിക്കണം എന്നുമാണ് ആഗ്രഹിക്കുന്നത് എന്നും ഗൗതം പറയുന്നുണ്ട്.