2 days ago
3
വൈശാലിയിലെ വൈശാലിയായും ഞാന് ഗന്ധര്വ്വനിലെ ഭാമയായുമൊക്കെ പ്രേക്ഷകര്ക്ക് മുന്നിലേക്ക് എത്തിയ സുപര്ണ ആനന്ദ് എന്ന നടി ഇപ്പോള് എവിടെയാണ്, എന്തുകൊണ്ട് അഭിനയം നിര്ത്തി എന്നതൊക്കെ ആരാധകരില് പലര്ക്കും ഉണ്ടായിരുന്ന ചോദ്യമാണ്. വര്ഷങ്ങള്ക്ക് മുന്പ് റിമി ടോമി അവതരിപ്പിച്ച ഒന്നും ഒന്നും മൂന്ന് സീസണ് 3 എന്ന ഷോയിലാണ് സുപര്ണയെ അവസാനമായി പ്രേക്ഷകര് കണ്ടത്. വൈശാലിയില് ഋഷ്യശൃങ്കനായി എത്തിയ നടനും സുപര്ണയുടെ മുന്ഭര്ത്താവുമായ സഞ്ജയ് മിത്രയും ഷോയില് പങ്കെടുത്തിരുന്നു.
ഇപ്പോഴിതാ സുപര്ണയുടെ പുതിയ ചിത്രങ്ങള് സോഷ്യല് മീഡിയയില് വീണ്ടും വൈറലാവുന്നു. പ്രായത്തിന്റേതായ ചില ശാരീരിക മാറ്റങ്ങള് മാറ്റി നിര്ത്തിയാല്, ഇന്നും സൗന്ദര്യത്തിന് യാതൊരു കുറവുമില്ല. ആരെയും ആകര്ഷിക്കുന്ന കണ്ണുകള് തന്നെയാണ് പുതിയ ചിത്രത്തിലെ ഏറ്റവും വലിയ ആകര്ഷണം. നമ്മുടെ വൈശാലി എന്ന് പറഞ്ഞ് നിരവധി കമന്റുകളും ചിത്രത്തിന് താഴെ വരുന്നുണ്ട്.
ബാലതാരമായി അഭിനയ ലോകത്തേക്ക് വന്ന സുപര്ണ നായികയായി അഭിനയിച്ച ആദ്യത്തെ സിനിമയാണ് വൈശാലി. അതിന് ശേഷം ഹിന്ദിയിലും കന്നടയിലും തെലുങ്കിലുമൊക്കെയായി നിരവധി സിനിമകള് ചെയ്തിട്ടുണ്ട്. വൈശാലിയ്ക്കും ഞാന് ഗന്ധര്വ്വനും പുറമെ, വിറ്റ്നസ്സ്, ഉത്തരം, നഗരങ്ങളില് തെന്ന് രാപ്പാര്ക്കാം പോലുള്ള സിനിമകളും സുപര്ണ മലയാളത്തില് ചെയ്തിട്ടുണ്ട്.
1997 ല് സഞ്ജയ് മിത്രയെ (വൈശാലിയിലെ ഋഷ്യശൃങ്കന്) വിവാഹം ചെയ്തതിന് ശേഷമാണ് സുപര്ണ അഭിനയത്തില് നിന്ന് വിട്ടു നിന്നത്. പിന്നീട് രണ്ട് മക്കളുടെ അമ്മയായി, കുടുംബിനിയായി മാറി. 2008 ല് പരസ്പരം ഒത്തുപോകില്ല എന്ന് തിരിച്ചറിഞ്ഞപ്പോള് ഇരുവരും വിവാഹ ബന്ധം വേര്പെടുത്തി, പക്ഷേ ഇപ്പോഴും നല്ല സുഹൃത്തുക്കളാണ്, രണ്ട് പേരും മറ്റൊരു വിവാഹ ജീവിതത്തിലേക്ക് കടന്നു. 2010 ലാണ് രാജേഷ് സല്വാനി എന്ന ഡല്ഹി ബേസ്ഡ് ബിസിനസ്സുകാരനുമായുള്ള സുര്ണയുടെ വിവാഹം കഴിഞ്ഞത്. ആദ്യ ബന്ധത്തിലെ രണ്ട് മക്കളും സുപര്ണയ്ക്കൊപ്പമാണ്. കുടുംബ ജീവിതവുമായി മുന്നോട്ടുപോകുകയാമ് നടി
English (US) ·