നമ്മൾ എപ്പോഴും ഇങ്ങനെ ഉണ്ടാവട്ടെ, ചേട്ടനെ ചേർത്തു പിടിച്ച് അനുശ്രീ; അണ്ണന് ബർത്ത് ഡേ ആശംസകൾ

Authored by: അശ്വിനി പി|Samayam Malayalam•23 Jun 2025, 2:42 pm

ഗേൾ നെക്സ്റ്റ് ഡോർ എന്ന ഇമോജോടുകൂടെയാണ് അനുശ്രീ മലയാളി മനസ്സിലേക്ക് കയറിയത്. ഡയമണ്ട് നക്ലൈസ് എന്ന ചിത്രത്തിലെ ഉത്തമയായ ഭാര്യാ വേഷത്തിന് ശേഷം അനുശ്രീയെ തേടിയെത്തിയതെല്ലാം അത്തരം വേഷങ്ങളായിരുന്നു. പിന്നീട് ഇതിഹാസ പോലുള്ള സിനിമകളിലൂടെ ആ ഇമേജ് ബ്രേക്ക് ചെയ്യാൻ സ്രമിച്ചുവെങ്കിലും, അനുശ്രീ എന്നാൽ മലയാളികൾക്ക് ഒരു നാട്ടിൻ പുറത്തുകാരി പെൺകുട്ടി തന്നെയാണ്. റിയൽ ലൈഫിലും താൻ അങ്ങനെ തന്നെയാണ് എന്ന് അനുശ്രീ അഭിമാനത്തോടെ പറയും.

Also Read: 31 കോടി സംഭാവന നൽകി BTS താരം സുഗ; സമ്പന്നനാണ്, അത് മറ്റുള്ളവർക്കും നൽകാനുള്ള മനസ്സാണ് വലുത്, സംഗീതത്തിലൂടെയും ആശ്വാസം!

നാട്, വീട്, നാട്ടിലെ വിശേഷങ്ങൾ, സുഹൃത്തുക്കൾ, അമ്പലം, കാവ് എന്നിങ്ങനെ തന്റേതായ ലോകത്ത് ഏറ്റവും അധികം സന്തോഷം കണ്ടെത്തുന്ന താരം. കുടുംബത്തിനും സുഹൃത്തുക്കൾക്കുമൊപ്പമുള്ള സന്തോഷമാണ് അനുശ്രീയ്ക്ക് ഏറ്റവും വലുത്. ഇപ്പോഴിതാ സഹോദരന് ജന്മദിനാശംസകൾ അറിയിച്ച് സോഷ്യൽ മീഡിയയിൽ എത്തിയിരിക്കുകയാണ് നടി. ആ പോസ്റ്റിലുണ്ട് എന്നും ചേട്ടനോട് ചേർന്നിരിക്കാൻ എത്രത്തോളം ഇഷ്ടമുള്ള അനിയത്തിക്കുട്ടിയാണ് അനുശ്രീ എന്ന്.

Also Read: വിജയിയുമായുള്ള ബന്ധത്തിന്റെ പേരിൽ എന്തൊക്കെ കേട്ടു, എന്നിട്ടിപ്പോൾ എന്തായി; ആന്റണിയെ ചേർത്തു പിടിച്ച് ഇളയദളപതി

ചേട്ടനെ ചേർത്തു പിടിച്ചു നിൽക്കുന്ന ഒരു ഫോട്ടോയ്ക്കൊപ്പമാണ് അനുശ്രീയുടെ ഇൻസ്റ്റഗ്രാം പോസ്റ്റ് . ഹാപ്പി ബർത്ത് ഡേ അണ്ണാ, എപ്പോഴും ഇങ്ങനെ ഉണ്ടാവട്ടെ നമ്മൾ, എന്നും- എന്നാണ് അനുശ്രീ ഫോട്ടോയ്ക്കൊപ്പം കുറിച്ചത്. പോസ്റ്റിന് താഴെ ചേട്ടൻ അനൂപ് മുരളിയ്ക്ക് ആശംസകളുമായി സിനിമ സെലിബ്രേറ്റികളും അനുശ്രീയുടെ ആരാധകരും എല്ലാം എത്തി. അനുശ്രീയുടെ പോസ്റ്റുകളിലൂടെ ചേട്ടൻ അനൂപ് മുരളിയും കുടുംബവും ആരാധകർക്ക് ഏറെ പിരിചിതനാണ്.


സിനിമയിൽ ഇപ്പോൾ വളരെ അധികം സെലക്ടീവാണ് അനുശ്രീ. കഴിഞ്ഞ വർഷം പുറത്തിറങ്ങിയ കഥ ഇതുവരെ എന്ന ചിത്രത്തിന് ശേഷം അനുശ്രീയ സിനിമകളിൽ കണ്ടിട്ടില്ല. താര എന്ന ചിത്രം ഏറ്റെടുത്തതായിട്ടാണ് വിവരം. ആ സിനിമ പോസ്റ്റ് പ്രൊഡക്ഷൻ ഘട്ടത്തിലാണ്. സിനിമകൾ തുടർച്ചയായി സംഭവിക്കുന്നില്ല എങ്കിലും സോഷ്യൽ മീഡിയയിലൂടെയും പൊതു പരിപാടികളിലൂടെയും എല്ലാം അനുശ്രീ വളരെ അധികം സജീവമാണ്.