നയന്‍താര എന്തിന് ഒളിച്ചിരുന്നു, ഒരു വാക്ക് പോലും സംസാരിക്കാതിരുന്നതിന്റെ കാരണം? വിക്കിയുടെ ഭാര്യ എന്ന നിലയില്‍ മാത്രം വന്നതാണ്!

വലിയൊരു ബ്രേക്കിന് ശേഷം വിഘ്‌നേശ് ശിവന്റെ സംവിധാനത്തില്‍ പുറത്തിറങ്ങുന്ന ചിത്രമാണ് എൽഐകെ- ലവ് ഇന്‍ഷുറന്‍സ് കമ്പനി. കാത്ത് വാക്കിലെ രണ്ട് കാതല്‍ എന്ന ചിത്രത്തിന് ശേഷം വിഘ്‌നേശ് ശിവന്റെ ഒരു സിനിമ വന്നിട്ടില്ല. വളരെ അധികം കഷ്ടപ്പെട്ടതിന് ശേഷമാണ് ഈ ഒരു സിനിമ സംഭവിച്ചത് എന്ന് വിഘ്‌നേശ് ശിവന്‍ പറയുന്നു.

കഴിഞ്ഞ ദിവസം നടന്ന എൽഐകെയുടെ ഓഡിയോ ലോഞ്ച് ചടങ്ങില്‍ തന്നെ ഈ യാത്രയില്‍ അകമഴിഞ്ഞ് പിന്തുണച്ച സഹകരിച്ച ഓരോരുത്തരെയും വിഘ്‌നേശ് ശിവന്‍ വേദിയിലേക്ക് വിളിച്ച. കൂടെ നിന്ന അസിസ്റ്റന്റ് ഡയരക്ടേഴ്‌സ് മുതല്‍, അനിരുദ്ധും, നായകന്‍ പ്രദീപ് രംഗനാഥനുമടക്കം പലരുടെയും സ്‌നേഹവും പിന്തുണയും സഹകരണവുമാണ് എൽഐകെ എന്ന സിനിമ സംഭവിക്കാന്‍ കാരണം എന്ന് വിഘ്‌നേശ് ശിവന്‍ പറഞ്ഞു.

ചിത്രത്തിന്റെ നിര്‍മാതാവ് നയന്‍താരയാണ്. മൂക്കുത്തിയമ്മന്‍ എന്ന ചിത്രത്തില്‍ നയന് കിട്ടിയ അഡ്വാന്‍സ് തുക പോലും നല്‍കി ഒരു ഭാര്യ എന്ന നിലയില്‍ തന്നെ നയന്‍ എത്രത്തോളം പിന്തുണച്ചു എന്ന് വിക്കി പറയുന്നുണ്ട്. പക്ഷേ ഓഡിയോ ലോഞ്ചിന് വന്നുവെങ്കിലും നയന്‍ വേദിയില്‍ കയറാതെ, സദസ്സിലെ മുന്‍ നിരയില്‍ പോലും ഇരിക്കാതെ, ക്യാമറ കണ്ണുകളില്‍ നിന്നെല്ലാം മാറി, ഒളിച്ചിരിക്കുകയായിരുന്നു.

Also Read: അമ്മ മരണപ്പെട്ടതിന് ശേഷം അച്ഛനെയും ഞങ്ങള്‍ക്ക് നഷ്ടപ്പെട്ടു എന്ന് ജാന്‍വി കപൂര്‍; പഴയ ആളേ അല്ല, അച്ഛന്‍ ആകെ മാറിപ്പോയി

ഈ ഓഡിയോ ലോഞ്ചിന്റെ എല്ലാ കാര്യങ്ങളും അറേഞ്ച് ചെയ്തത് നയന്‍താര യാണ്, ഇന്ന് ഇവിടെ വരികയും ചെയ്തിട്ടുണ്ട്. പക്ഷേ എവിടെയോ മാറി ഇരിക്കുകയാണ്. എനിക്ക് വേണ്ടി ദയവ് ചെയ്ത് വേദിയിലേക്ക് വരണം എന്ന് വിക്കി മൈക്കിലൂടെ വിളിച്ചു പറഞ്ഞപ്പോഴാണ് അസിസ്റ്റന്റ് ഡയരക്ടേഴ്‌സ് നയനെ പിന്‍ സ്റ്റേജില്‍ നിന്ന് കൂട്ടി വന്നത്. നയന്‍താര എന്ന നടിയെയോ, പ്രൊഡ്യൂസറെയോ ഈ വേദിയിലേക്ക് കൊണ്ടുവരാന്‍ എനിക്ക് സാധിക്കില്ല, ഇപ്പോള്‍ വന്നത് എന്റെ ഭാര്യയായിട്ടാണ് എന്ന് വിക്കി പറയുന്നുണ്ട്.

വേദിയിലേക്ക് കയറിയെങ്കിലും നയന്‍താര ഒരു വാക്ക് പോലും സംസാരിച്ചില്ല. മൈക്ക് കൊടുത്തപ്പോള്‍ വേണ്ട എന്ന് പറഞ്ഞ് പിന്നോട്ട് മാറി നിന്നു. അസിസ്റ്റന്റ് ഡയരക്ടേഴ്‌സിനൊപ്പം ബാക്കില്‍ മാറി നില്‍ക്കുകയായിരുന്നു നയന്‍. എന്തുകൊണ്ട് സിനിമയുടെ പ്രൊഡ്യൂസര്‍ ആയിരുന്നിട്ട് പോലും നയന്‍താര മാറി നിന്നു, മൈക്കില്‍ ഒരു വാക്ക് പോലും സംസാരിച്ചില്ല? അതിന് വ്യക്തമായ കാരണമുണ്ട്.

പൊതുവെ നയന്‍താര താന്‍ അഭിനയിച്ച സിനിമകളുടെ പ്രമോഷന്‍ പരിപാടികളിലോ ഓഡിയോ ലോഞ്ചിലോ ഒന്നും പങ്കെടുക്കാറില്ല. സിനിമ കരാറ് ചെയ്യുന്നതിന് മുന്‍പേ ഇക്കാര്യം അറിയിക്കാറുണ്ട്. ഇക്കാര്യം പറഞ്ഞ് പല പ്രൊഡ്യൂസേഴ്‌സും സംവിധായകരും നയന്‍താരയെ വിമര്‍ശിച്ചിട്ടുണ്ട്. സ്വന്തം പ്രൊഡക്ഷന്‍ നിര്‍മിക്കുന്ന ചിത്രങ്ങള്‍ക്ക് വേണ്ടി എല്ലാ ചാനലുകളും കയറി ഇറങ്ങുന്ന, എല്ലാ ഫങ്ഷനും വയ്ക്കുന്ന നയന്‍താര, മറ്റ് പ്രൊഡ്യൂസേഴ്‌സിനോട് എന്തിന് ഇത് ചെയ്യുന്നു. അവരും കാശ് ചെലവാക്കി തന്നെയാണ് സിനിമ ചെയ്യുന്നത് എന്നൊക്കെ പറഞ്ഞ് വിമര്‍ശനങ്ങള്‍ ഉണ്ടായിട്ടുണ്ട്. ഇത് പരിഗണിച്ചാണ് നയന്‍ എൽഐകെയുടെ ഓഡിയോ ലോഞ്ചില്‍ പങ്കെടുക്കാതെ മാറി നിന്നതും, സ്റ്റേജില്‍ കയറിയിട്ടും സംസാരിക്കാതിരുന്നതും. ഇത് വിഘ്‌നേശ് ശിവന്റെ സിനിമ എന്ന നിലയില്‍ മാത്രമാണ് പ്രസന്റ് ചെയ്തത്.