നയന്‍താര പറഞ്ഞത് കള്ളമല്ല; മക്കളുടെ കാര്യത്തില്‍ വളരെ അധികം നിബന്ധനകളുണ്ട് നടിക്ക്, എന്താണെന്ന് അറിയാമോ?

മുന്‍പ് ഒരു അവാര്‍ഡ് ദാന ചടങ്ങില്‍ നയന്‍താര മക്കളെ കുറിച്ച് പറഞ്ഞ ചില കാര്യങ്ങള്‍ വൈറലായിരുന്നു. കുട്ടികളുടെ കാര്യത്തില്‍ താന്‍ എത്രത്തോളം ശ്രദ്ധ ചെലുത്തുന്നു എന്നതിനെ കുറിച്ചാണ് പൊതു വേദിയില്‍ അന്ന് നയന്‍ സംസാരിച്ചത്. മക്കളോടൊപ്പം ഏറ്റവും അധികം സമയം ചെലവഴിക്കുന്നത് വിഘ്‌നേശിനെക്കാള്‍ താനാണെന്നാണ് നയന്‍ പറഞ്ഞത്. അല്ല, നയന്‍ ഷൂട്ടിങ് തിരക്കിലായിരിക്കും ഞാന്‍ തന്നെയാണ് എന്ന് വിഘ്‌നേശും പറഞ്ഞു.

മക്കളെ ഭക്ഷണം കഴിപ്പുക്കുന്നത് ഞാനാണ്, ടിവിയോ ഫോണോ കാണിച്ചുകൊണ്ട് ഭക്ഷണം കൊടുക്കാറില്ല എന്നൊക്കെ നയന്‍താര അന്ന് വേദിയില്‍ പറഞ്ഞത് കൈയ്യടി നേടുകയും ചെയ്തിരുന്നു. എന്നാല്‍ പലരും അതിനെ വിമര്‍ശിച്ചു. രണ്ട് കുട്ടികളെ നോക്കാന്‍ നാല് ആയമാരെ വച്ച, കുട്ടികളെ പ്രസവിക്കാന്‍ വാടകഗര്‍ഭപാത്രം തേടി നയന്‍താര എങ്ങനെ അഭിമാനത്തോടെ ഇത് പറയുന്നു എന്നായിരുന്നു പലരുടെയും ചോദ്യം. അതിന് അവര്‍ തെളിവായി എയര്‍പോര്‍ട്ടില്‍ കുട്ടികള്‍ക്കൊപ്പം വരുന്ന ആയമാരുടെ വീഡിയോയും പ്രചരിപ്പിച്ചിരുന്നു.

Also Read: ആ രാത്രി ഞാന്‍ ഒരുപാട് കരഞ്ഞു, അന്ന് സ്റ്റേജില്‍ നിന്ന് ഇറങ്ങിയതിന് ശേഷം എന്നെ ആശ്വസിപ്പിക്കാന്‍ എത്തിയത് കമല്‍ സര്‍!

എന്നാല്‍ മക്കളുടെ കാര്യങ്ങള്‍ ശ്രദ്ധിക്കാന്‍ സഹായത്തിന് ചിലര്‍ ഉണ്ടെങ്കിലും, അവര്‍ എന്ത് കഴിക്കണം, എന്ത് പഠിക്കണം, എങ്ങനെ പഠിക്കണം എന്നൊക്കെയുള്ള കാര്യങ്ങളില്‍ നയന്‍താരയ്ക്ക് എത്രത്തോളം നിബന്ധനകള്‍ ഉണ്ട് എന്ന് തെളിയിക്കുന്നതാണ് ഇപ്പോള്‍ പ്രചരിക്കുന്ന പുതിയ വീഡിയോ. ഹോംലി ഫുഡ് ആണ് മക്കള്‍ക്ക് നല്‍കുന്നത്, അത് താന്‍ തന്നെയാണ് കൊടുക്കുന്നത്, ടിവി കണ്ടോ ഫോണ് കണ്ടോ ഭക്ഷണം കഴിക്കാറില്ല എന്നത് നേരത്തെ നയന്‍ പറഞ്ഞിട്ടുള്ളതാണ്.

അത് പോലെ തന്നെ പ്രധാനമാണ് മക്കള്‍ എന്ത് സംസാരിക്കുന്നു എന്നത്. മുതിര്‍ന്നവരെ കാണുമ്പോള്‍ അവര്‍ക്ക് എത്രത്തോളം ബഹുമാനം നല്‍കിയാണ് സംസാരിക്കുന്നത് എന്നതും പുതിയ വീഡിയോയില്‍ വ്യക്തമായി കാണാം. നന്നായി മക്കള്‍ തമിഴ് സംസാരിക്കുന്നുണ്ടല്ലോ എന്ന് പറഞ്ഞപ്പോള്‍, വീട്ടില്‍ ഞങ്ങളും തമിഴാണ് സംസാരിക്കുന്നത്, മക്കള്‍ക്ക് തമിഴ് ഭാഷ നന്നായി അറിയാം എന്ന് നയന്‍താര മറുപടി നല്‍കുന്നു. രണ്ടാലും നല്ല കുസൃതിയാണ്, ഐഡന്റിക്കല്‍ ട്വിന്‍സ് അല്ല എന്നും നയന്‍താര പറയുന്നുണ്ട്.

Also Read: ശിൽപ്പ മണിക്കൂറിന് കൊടുത്തത് 25000;വാച്ച്മാനിൽനിന്ന് അംബാനി കുടുംബത്തിലും 15 കോടിയുടെ ജിമ്മിലേക്കും ഉള്ള വിനോദിന്റെ യാത്ര

പൊങ്കല്‍ ദിവസം ഉലകും ഉയിരും ഇനിയ പൊങ്കല്‍നാല്‍ വാഴ്ത്തുക്കള്‍ എന്ന് പറയുന്ന വീഡിയോ സോഷ്യല്‍ മീഡിയയില്‍ വലിയ വൈറലായിരുന്നു. ആരാധകര്‍ ആ ക്യൂട്ട് വീഡിയോ ഒരുപാട് ഷെയര്‍ ചെയ്യുകയും ചെയ്തിട്ടുണ്ട്.