നയന്‍താരയ്‌ക്കൊപ്പമുള്ള സ്വകാര്യ ചിത്രം ലീക്കായത് വേദനിപ്പിച്ചു, ഹന്‍സികയ്‌ക്കൊപ്പമുള്ള കല്യാണം മുടങ്ങാന്‍ കാരണം; ചിമ്പു പറയുന്നു

വിവാദങ്ങളുടെ നായകന്‍ എന്നാണ് സിലമ്പരസന്‍ എന്ന ചിമ്പു എക്കാലവും അറിയപ്പെടുന്നത്. പല പ്രണയ ബന്ധങ്ങള്‍ ഉണ്ടായി എങ്കിലും, 42 വയസ്സുകാരനായ ചിമ്പു ഇപ്പോഴും അവിവാഹിതനായി തുടരുന്നതും ആരാധകരുടെ വലിയ വേദനയാണ്. ഞാനിപ്പോഴും ഒരു നല്ല പ്രണയത്തിന് വേണ്ടി യാചിച്ചുകൊണ്ടിരിക്കുകയാണ് എന്ന് ചിമ്പു പറയുന്നു. വിവാദമായ പ്രണയ ബന്ധങ്ങളെ കുറിച്ചും, പ്രണയത്തെ കുറിച്ചുള്ള സങ്കല്‍പങ്ങളെ കുറിച്ചുമെല്ലാം ജയ ടിവിയ്ക്ക് നല്‍കിയ അഭിമുഖത്തില്‍ സംസാരിക്കുകയായിരുന്നു നടന്‍

പ്രണയത്തിന് പണ്ടേ അമ്മ എതിരായിരുന്നു. നന്നായിട്ട് അടിക്കും, ഷൂട്ടിങ് സെറ്റുകളില്‍ ഞാന്‍ ഏതെങ്കിലും പെണ്‍കുട്ടികള്‍ക്കൊപ്പം നില്‍ക്കുന്നത് കണ്ടാല്‍ തന്നെ പ്രശ്‌നമായിരുന്നു. പക്ഷേ ഇന്ന് പ്രണയം എന്നാല്‍ ഞാന്‍ തേടിക്കൊണ്ടിരിക്കുന്ന ഒന്നാണ്, അതിന് വേണ്ടി യാചിക്കുകയാണ്. അത്തരമൊരു പ്രണയം ജീവിതത്തില്‍ സംഭവിക്കാന്‍ ഞാന്‍ ആഗ്രഹിക്കുന്നു. അതേ സമയം തന്റെ ജീവിതത്തിലൂടെ കടന്നു പോയ മുന്‍ കാമുകിമാരോടൊന്നും യാതൊരു തര പ്രശ്‌നങ്ങളും ഇല്ല എന്നും ചിമ്പു പറഞ്ഞു. കുറ്റബോധം തോന്നിപ്പിക്കും വിധം, കണ്ടാല്‍ മുഖം തിരിഞ്ഞു നടക്കുന്ന ശത്രുക്കളെ പോലെയല്ല വേര്‍പിരിഞ്ഞത് എന്നാണ് ചിമ്പു പറഞ്ഞത്.

Also Read: ആറ് പെണ്‍കുട്ടികളെ പ്രസവിക്കണം എന്നതായിരുന്നു എന്റെ ടാര്‍ഗെറ്റ്, രണ്ടില്‍ നിര്‍ത്തിയതിന്റെ കാരണം വെളിപ്പെടുത്തി ശരണ്യ

ഒരുപാട് വിവാദങ്ങളില്‍ തന്റെ പേര് വന്നിട്ടുണ്ട്. അത് എന്തുകൊണ്ട് സംഭവിക്കുന്നു എന്നറിയില്ല. പക്ഷേ കേട്ടതില്‍ ഏറ്റവും അധികം വേദനിപ്പിച്ച വിവാദം നയന്‍താരയ്‌ക്കൊപ്പമുള്ളതായിരുന്നു എന്ന് ചിമ്പു പറയുന്നു. കൂട്ടുകാരോടൊപ്പം ബാങ്കോക്കില്‍ ഒരു അവധി ആഘോഷിച്ചുകൊണ്ടിരിക്കുമ്പോഴാണ് നയന്‍താരയ്‌ക്കൊപ്പമുള്ള ഒരു ഫോട്ടോ വൈറലായി എന്ന് പറഞ്ഞ് എനിക്ക് കോള്‍ വന്നത്. സിനിമയുടെ ഷൂട്ടിങിന്റെ ഭാഗമായി എടുത്ത ഏതെങ്കിലും ഇന്റിമേറ്റ് സീന്‍ ആയിരിക്കും എന്നാണ് അപ്പോള്‍ ഞാന്‍ കരുതിയത്. പിന്നീടാണ് അറിഞ്ഞത് അതല്ല എന്ന്. ദുബായില്‍ ആയിരുന്നപ്പോള്‍, ഞങ്ങളുടെ സ്വകാര്യ സന്തോഷ നിമിഷത്തില്‍ എടുത്ത ചിത്രങ്ങളായിരുന്നു അത്. ലീക്കായപ്പോള്‍ വല്ലാത്ത വേദന തോന്നി- ചിമ്പു പറഞ്ഞു


ഹന്‍സിക മോട്ടുവാണിയുമായുള്ള ബന്ധം വിവാഹം വരെ എത്തിയിട്ടും എന്തുകൊണ്ട് മുടങ്ങിപ്പോയി എന്നായിരുന്നു അടുത്ത ചോദ്യം. അതിന്റെ കാരണം പറയണമെങ്കില്‍ പറായാം. പക്ഷേ ചിലതൊക്കെ പറയാതിരിക്കുന്നതും അതിന്റെ ഭംഗിയാണ്. തീര്‍ത്തും സ്വകാര്യമായ ചില കാരണങ്ങളാല്‍ ആ തീരുമാനത്തിലേക്ക് എത്തേണ്ടി വന്നു, അത് ഞങ്ങളുടെ സ്വകാര്യതയായി തന്നെ നില്‍ക്കട്ടെ- എന്നാണ് ചിമ്പു പറഞ്ഞത്