നയൻതാരയും വിഘ്നേശ് ശിവനും വേർപിരിയുന്നു എന്ന്; വാർത്തകളോട് നയൻതാരയുടെ പ്രതികരണം, ഇത്രയേയുള്ളൂ!

Authored by: അശ്വിനി പി|Samayam Malayalam•10 Jul 2025, 8:17 pm

സെലിബ്രേറ്റികളുടെ പ്രണയ - വിവാഹ മോചന ഗോസിപ്പുകൾ ഒന്നും പുത്തരിയല്ല. അത് സ്ഥിരം വരുന്നതാണ്. അക്കൂട്ടത്തിൽ ഏറ്റവുമൊടുവിൽ വന്നത് നയൻതാര - വിഘ്നേശ് ശിവൻ ബന്ധം വേർപിരിയുന്നു എന്ന വാർത്തകളാണ്.

നയൻതാര ഷെയർ ചെയ്ത ഇൻസ്റ്റഗ്രാം സ്റ്റോറി എന്ന വ്യാജേനെയാണ് വാർത്തകൾ പുറത്തുവന്നത്. തെറ്റായ ആളെ തിരഞ്ഞെടുക്കുന്നത് ജീവിതം നശിപ്പിക്കുന്നതിന് തുല്യമാണ് എന്ന തരത്തിൽ നയൻതാര ഇൻസ്റ്റഗ്രാം സ്റ്റോറി ഷെയർ ചെയ്തു എന്നും, മിനിട്ടുകൾക്കകം അത് ഡിലീറ്റ് ചെയ്തു എന്നും പറഞ്ഞായിരുന്നു സ്ക്രീൻപ്രിന്റ് അടക്കമുള്ള വാർത്തകൾ പുറത്തുവന്നത്.

വാർത്ത കാട്ടു തീ പോലെ പടർന്നു. അതിനിടയിൽ മറ്റു ചില വിവാദങ്ങളും, നിയമ യുദ്ധവും നേരിടേണ്ടി വന്നതിനാൽ നയൻതാരയോ വിഘ്നേശ് ശിവനോ ഗോസിപ്പുകളോട് പ്രതികരിച്ചിരുന്നില്ല. ഇപ്പോഴിതാ പ്രതികരണവുമായി സോഷ്യൽ മീഡിയയിൽ എത്തിയിരിക്കുകയാണ് നയൻതാര.

Also Read: അഹാന ബേബിയെ കൈയ്യിലെടുത്താൽ പിന്നെ എനിക്ക് കിട്ടില്ല, അമ്മയുടെ അഞ്ചാമത്തെ മകനാണ്; അമ്മയായ അനുഭവത്തെ കുറിച്ച് ദിയ കൃഷ്ണ

ഒരു ഗാർഡനിൽ വിഘ്നേശ് ശിവൻ തലയ്ക്ക് കൈയ്യും കൊടുത്ത് കിടക്കുന്നതും, പുറത്ത് നയൻതാര കയറി ഇരിക്കുന്നതുമായ ഒരു ചിത്രത്തിനൊപ്പമാണ് വിവാഹ മോചന ഗോസിപ്പുകളോട് നയൻതാര പ്രതികരിച്ചത്. - ഞങ്ങളെ സബന്ധിച്ച വ്യാജ വാർത്തകളോടുള്ള ഞങ്ങളുടെ പ്രതികരണം ഇതാണ്- എന്നാണ് ഫോട്ടോയ്ക്ക് നയൻ നൽകിയിരിക്കുന്ന ക്യാപ്ഷൻ. ഫോട്ടോ നയൻതാര ഫാൻസ് ഏറ്റെടുക്കുകയും ചെയ്തിട്ടുണ്ട്

ഇതിനോടകം നിരവധി വിവാദങ്ങളും വെല്ലുവിളികളും നേരിട്ട ബന്ധമാണ് നയൻതാരയുടെയും വിഘ്നേശ് ശിവന്റെയും. 2015 ൽ പുറത്തിറങ്ങിയ നാനും റൗഡി താൻ എന്ന ചിത്രത്തിലൂടെയാണ് നായിക നയനും സംവിധായകൻ വിഘ്നേശ് ശിവനും പ്രണയത്തിലായത്. തന്നെക്കാൾ പ്രായം കുറഞ്ഞ ആളെ നയൻ പ്രണയിക്കുന്നു എന്നതും, നയൻ വിക്കി പ്രണയം കാരണം നിർമാതാവ് ധനുഷിന് കോടികളുടെ നഷ്ടമുണ്ടായി എന്നുമൊക്കെയുള്ള വാർത്തകൾ അന്ന് വലിയ ചർച്ചയായിരുന്നു.

ഗോസിപ്പുകൾക്കൊടുവിൽ നയനും വിക്കിയും പ്രണയം പരസ്യപ്പെടുത്തി. വർഷങ്ങളോളം ലിവിങ് റിലേഷൻഷിപ് ബന്ധം തുടർന്നതിന് ശേഷം 2022 ൽ ആണ് ഗംഭീരമായ വിവാഹം നടന്നത്. അധികം വൈകാതെ നയനും വിക്കിയ്ക്കും വാടകഗർഭധാരണത്തിലൂടെ ഇരട്ടകുഞ്ഞുങ്ങളും പിറന്നു. അതും വലിയ വിവാദങ്ങൾക്ക് വഴിയൊരുക്കിയിരുന്നു. എന്നാൽ എല്ലാ വെല്ലുവിളികളെയും അതിജീവിച്ച് മക്കൾക്കും ഭർത്താവിനും ഒപ്പം നയൻ ഹാപ്പിയാണ്