നവംബറില്‍ എന്താണ് ബിടിഎസ് ആരാധകരെ കാത്തിരിയ്ക്കുന്നത്, സസ്‌പെന്‍സിട്ട് ജെ ഹോപ്പ്

Authored by: അശ്വിനി പി|Samayam Malayalam•4 Nov 2025, 6:23 pm

ബിടിഎസ് താരങ്ങള്‍ സൈനിക സേവനം പൂര്‍ത്തിയാക്കി തിരിച്ചെത്തിയതിന് ശേഷം ആരാധകര്‍ അത്രയധികം പ്രതീക്ഷയോടെ കാത്തിരിയ്ക്കുന്നതാണ് ഏഴ് പേരും ഒന്നിച്ചൊരു വേദി, അല്ലെങ്കില്‍ പുതിയ ഒരു മ്യൂസിക് ആല്‍ബം. ഓരോരുത്തരായി ലൈവ് സ്ട്രീമിങ്ങും, സോളോ കണ്‍സേര്‍ട്ടുകളും നടത്തുന്നുണ്ട് എങ്കിലും ഒന്നിച്ചൊരു മ്യൂസിക് ആല്‍ബമോ, പ്രോഗ്രാമോ പുറത്തു വന്നിട്ടില്ല.

പുതിയ ആല്‍ബത്തിന്റെ ഭാഗമായി ലോസ് ആഞ്ചല്‍സില്‍ ജിമിനും ജങ്കൂക്കും ജെ ഹോപ്പും ജിനും വിയും സുഗയും ആര്‍എമ്മും എല്ലാം ഒന്നിച്ചത് തന്നെ ആരാധകര്‍ക്ക് വലിയ ആഘോഷമായിരുന്നു. ആ ആല്‍ബം 2026 മാര്‍ച്ച് മാസത്തോടെ പുറത്തിറങ്ങും എന്നാണ് ബിടിഎസിന്റെ ഏജന്‍സിയായ ബിഗ് ബിറ്റ് മ്യൂസിക് അറിയിച്ചിരിയ്ക്കുന്നത്. എന്നാല്‍ അതിന് മുന്‍പ് ചിലപ്പോള്‍ ആരാധകര്‍ക്ക് ഒരു സര്‍പ്രൈസ് വരാന്‍ സാധ്യതയുണ്ട്.

Also Read: 20 വര്‍ഷം! സാന്ദ്രയെ ഓര്‍മയുണ്ടോ; ഇഷ്ടപ്പെട്ടയാള്‍ക്കൊപ്പം ജീവിക്കാന്‍ എല്ലാം ഉപേക്ഷിച്ചു, ഇപ്പോള്‍ ബിഗ് ബോസില്‍!

ഒരു രസകരമായ സംഭവം നവംബറില്‍ വരാന്‍ പോകുന്നു എന്ന സൂചന നല്‍കിയിരിക്കുകയാണ് ഇപ്പോള്‍ ജെ ഹോപ്പ്. ബൈജാമയൊക്കെ ധരിച്ച് സ്റ്റലന്‍ ലുക്കില്‍ ജെ ഹോപ്പ് ഒരു ലൈവ് സ്ട്രീമിങ് നടത്തിയിരുന്നു. പല തരത്തിലുള്ള ചോദ്യങ്ങളും അവിടെ ആരാധകര്‍ ചോദിക്കുകയുണ്ടായി. എന്താണ് അടുത്തതായി വരാന്‍ പോകുന്നത് എന്ന ചോദ്യത്തിനായി, ഈ മാസം രസകരമായ ഒരു സംഭവം വരാന്‍ പോകുന്നു എന്ന് ജെ ഹോപ്പ് പറഞ്ഞത്.


ഏഴ് പേരും ഒന്നിച്ചുകൊണ്ടുള്ള ഒരു ടീം പെര്‍ഫോമന്‍സ് ആയിരിക്കുമോ, അതോ ഇപ്പോള്‍ ഏറ്റവുമൊടുവില്‍ ജിന്‍ നടത്തിയതുപോലൊരു സോളോ കണ്‍സേര്‍ട്ട് ആയിരിക്കുമോ ന്നെത് വ്യക്തമല്ല. ഒക്ടോബര്‍ 31, നവംബര്‍ 1 തിയ്യതികളിലായി ജന്‍ നടത്തിയ സോളോ എന്‍കോര്‍ കണ്‍സേര്‍ട്ട് വന്‍ വിജയമായിരുന്നു. പ്രതീക്ഷിച്ചതിലും വലിയ ആഘോഷമായ കണ്‍സേര്‍ട്ടില്‍, സഹായത്രികന് പിന്തുണയുമായി ജെ ഹോപ്പും ജങ്കൂക്കും എത്തിയും ആരാധകര്‍ ഏറ്റെടുത്തു. ജിനിന്റെ കണ്‍സേര്‍ട്ടില്‍ ഏഴു പേരും ഒന്നിച്ച് പങ്കെടുത്തേക്കും എന്ന് ആരാധകര്‍ പ്രതീക്ഷിച്ചിരുന്നുവെങ്കിലും അത് സംഭവിച്ചിരുന്നില്ല