നവീനോടും അമ്മയോടും ഒന്നും പറയാറില്ല; വിഷമങ്ങളും വേദനയും ഉള്ളിലൊതുക്കും എന്ന് ഭാവന

ഇന്റസ്ട്രിയില്‍ ഒരുപാട് നല്ല സുഹൃത്തുക്കളുള്ള ആളാണ് ഞാന്‍. അക്കാര്യത്തില്‍ അനുഗ്രഹീതയാണ്. രമ്യ, ശില്‍പ, ഷഫ്‌ന, മൃദുല, സയനോര, മഞ്ജു ചേച്ചി, ഗീതു ചേച്ചി, സംയുക്ത ചേച്ചി അങ്ങനെ ഒരുപാടാളുകളുണ്ട്. പക്ഷേ ഒരു പ്രശ്‌നം വന്നാല്‍ ഇവരാരെയും ഞാന്‍ വിളിക്കാറില്ല. സ്വയം എന്നിലേക്ക് ഒതുങ്ങും

നീ ഓകെയാണോ എന്ന് ചോദിച്ച് എല്ലാവരും മെസേജൊക്കെ അയക്കാറുണ്ട്, പക്ഷേ ഇപ്പോള്‍ അവര്‍ക്കറിയാം, എന്തെങ്കിലും ഒരു പ്രശ്‌നം വരുമ്പോള്‍ ഞാന്‍ എന്നിലേക്ക് തന്നെ, ഒരു ഷെല്ലിലേക്ക് ഒതുങ്ങുകയാണ് ചെയ്യുന്നത്. പിന്നിലെ ഞാന്‍ വാട്‌സാപ്പില്‍ നിന്നെല്ലാം ബ്രേക്ക് എടുക്കും. എല്ലാം കഴിഞ്ഞതിന് ശേഷമാണ് പുറത്ത് വന്ന് അവരോട് പറയുന്നത്

എന്റെ വിഷമങ്ങള്‍ ഭര്‍ത്താവ് നവീനോടും അമ്മയോടും പോലും പറയാറില്ല. എന്തിനാണ് അത് പറഞ്ഞ് അവരെ കൂടെ വിഷമിപ്പിക്കുന്നത് എന്നാണ് അപ്പോള്‍ ചിന്തിയ്ക്കുന്നത്. എന്തിനും ഞങ്ങള്‍ കൂടെയുണ്ട് എന്നൊക്കെ അവര്‍ പറയും, പക്ഷേ ഞാന്‍ പറയാറില്ല. ഒരു റൂമില്‍ അടച്ചിരിയ്ക്കും, ചിലപ്പോള്‍ ഒരു ദിവസം കൊണ്ട് ഓകെയാവും, രണ്ടോ മൂന്നോ ദിവസവും എടുക്കും. പക്ഷെ സ്വയം ഓകെയായി ഞാന്‍ തിരിച്ചെത്തുകയും ചെയ്യും

ഇങ്ങനെ പ്രശ്‌നം വരുമ്പോള്‍ ഉള്‍വലിയുന്ന സ്വഭാവം എനിക്കിപ്പോള്‍ വന്നതാണോ എന്ന് ചോദിച്ചാല്‍ അറിയില്ല, മുന്നെ എങ്ങനെയായിരുന്നു ഞാന്‍ എന്നെനിക്കിപ്പോള്‍ ഓര്‍മയില്ല. എന്തൊക്കെ സംഭവിച്ചാലും സ്വയം മോട്ടിവേറ്റ് ചെയ്ത് മുന്നോട്ട് വരും എന്നത് ഇപ്പോള്‍ എന്റെ പ്രതീക്ഷയാണ്.

സോഷ്യല്‍ മീഡിയ കമന്റുകള്‍ വേദനിപ്പിക്കാറുണ്ട്. സോഷ്യല്‍ മീഡിയയില്‍ വളരെ ആക്ടീവായ ഒരാളല്ല ഞാന്‍, പക്ഷേ ചില കമന്റുകള്‍ കാണുമ്പോള്‍ ഇതെന്താ ഇങ്ങനെ എന്ന് തോന്നു. പിന്നെ ഞാന്‍ റിയലൈസ് ചെയ്യും, ആരുടെയോ ഫ്രസ്‌ട്രേഷന് ഞാനെന്തിനാണ് എന്റെ സമയവും മൂഡും കളയുന്നത്, അവര്‍ക്ക് എന്നെ കുറിച്ച് ഒന്നും അറിയില്ല, പറയുന്നവര്‍ പറഞ്ഞോട്ടെ എന്ന്

ഞാനൊരു സോഷ്യല്‍ മീഡിയ പേഴ്‌സണ്‍ അല്ല. ആകപ്പാടെ ഒരു പേഴ്‌സണല്‍ ഇന്‍സ്റ്റഗ്രാം പേജായിരുന്നു എന്ന് ആദ്യം ഉണ്ടായിരുന്നത്. പിന്നീട് എന്നെ സംബന്ധിച്ച് പല വാര്‍ത്തകളും വന്നപ്പോള്‍, ഡിവോഴ്‌സ് ആയി എന്നൊക്കെ പ്രചരിച്ചപ്പോള്‍ എല്ലാവരും പറഞ്ഞു, ഒരു ഒഫിഷ്യല്‍ പേജ് വേണം. ഇങ്ങനെയല്ല എന്ന് പറയാനെങ്കിലും നല്ലതാണ് എന്ന്. അതിന് ശേഷമാണ് ഒഫിഷ്യല്‍ ഇന്‍സ്റ്റഗ്രാം പേജില്‍ ജോയിന്‍ ചെയ്തത്.