നാണക്കേടായിപ്പോയി, ജങ്കൂക്കും ജെ ഹോപ്പും ജിന്നും സ്റ്റേജിൽ പാടുമ്പോൾ എനിക്ക് കരച്ചിൽ വന്നു എന്ന് വി

Authored by: അശ്വിനി പി|Samayam Malayalam•12 Aug 2025, 6:48 pm

ജെ - പോപ് ബാന്റായ ബിടിഎസ് എന്നാൽ ഇങ്ങ് കേരളത്തിലെ യുവ തലമുറയ്ക്കും ഒരു വികാരമാണ്. അവർ ഏഴുപേരും സ്റ്റേജിൽ എത്തുമ്പോൾ തന്നെ രോമാഞ്ചം ഉണ്ടാവുമെന്നാണ് പറയപ്പെടുന്നത്. സൈനിക സേവനം എല്ലാം പൂർത്തിയാക്കി എത്തിയ ഏഴു പേരും ഉടൻ ഒരുമിച്ച് സ്റ്റേജിൽ എത്തുന്നത് കാത്തിരിക്കുകയാണ് ബിടിഎസ് ആർമി എന്ന് വിശേഷിപ്പിക്കപ്പെടുന്ന ആർമി.

എന്തിന് ആരാധകരെ പറയുന്നു, വി യും സുഗയും ആർ എമ്മും ജിന്നും ജിമിനും ജെ ഹോപ്പും ജങ്കൂക്കും എല്ലാം തങ്ങളൊരുമിച്ചുള്ള ഒരു വേദിയ്ക്ക് വേണ്ടി കാത്തിരിയ്ക്കുകയാണ്. ഇതിനിടയിൽ കൂട്ടത്തിൽ മൂന്ന് പേർ ഒന്നിച്ച് സ്റ്റേജിൽ പെർഫോം ചെയ്യുന്നത് കണ്ടപ്പോൾ കരഞ്ഞുപോയി എന്ന് വെളിപ്പെടുത്തുകയാണ് വി.

Also Read: കാമുകിയെ അതിഥിയാക്കി ട്രാവിസ് കെൽസ്; ന്യൂ ഹൈറ്റ്സ് പോട്കാസ്റ്റിൽ ടെയ്ലർ സ്വിഫ്റ്റ് എത്തിയ ടീസർ പുറത്തുവിട്ടു

ഒരു അഭിമുഖത്തിൽ സംസാരിക്കുകയായിരുന്നു വി. ഇക്കഴിഞ്ഞ ജൂൺ 13 നും 14 നും ജിയാങ് സ്റ്റേഡിയത്തിൽ ഹോപ്പ് ഓൺ ദ സ്റ്റേജ് എന്ന പേരിൽ ജെ-ഹോപ്പിന്റെ സോളോ പെർഫോമൻസുണ്ടായിരുന്നു. രണ്ട് ദിവസവും മറ്റ് ആറ് പേരും ജെ ഹോപ്പിന് പിന്തുണയുമായി എത്തിയിരുന്നു. ആദ്യത്തെ ദിവസം മൂന്നു പേരും, രണ്ടാമത്തെ ദിവസം ബാക്കി മൂന്നുപേരുമാണ് എത്തിയത്.

Also Read: മലയാളി നടിയുടെ മകൻ, ഒരു കാലത്തെ പരസ്യ ചിത്രങ്ങളിൽ സൂപ്പർ താരം; കരൾ രോഗം രൂപം തന്നെ മാറ്റിയ അഭിനയുടെ ഇന്നത്തെ അവസ്ഥ?


അതിലൊരു ദിവസവും ജെ ഹോപ്പിന് പിന്തുണയുമായി വിയും ജങ്കൂക്കും ജിന്നും എത്തി. സ്റ്റേജിൽ ജങ്കൂക്കും ജിന്നും ജെ ഹോപ്പും ഒന്നിച്ച് പെർഫോം ചെയ്യുമ്പോൾ താൻ ഇമോഷണലായി കരഞ്ഞു പോയി എന്നാണ് വി പറഞ്ഞത്. അതിനെ കുറിച്ച് പറയാൻ എനിക്ക് ഭയങ്കര നാണക്കേടായി, കണ്ണുനീർ മറച്ചുവച്ച് ഞാൻ പ്രോഗ്രാം ആസ്വദിച്ചു. അതൊരു രഹസ്യമായിരുന്നു എന്നാണ് വി പറഞ്ഞ്. ആ ഒരു ഷോയ്ക്ക് ബിടിഎസ്സിന്റെ ഏഴ് താരങ്ങളും ഒത്തു ചേർന്നത് ആരാധകർക്കും വലിയ ആവേശവും സന്തോഷവും നൽകിയിരുന്നു.