നിങ്ങളിത് ഇപ്പോഴാണോ അറിയുന്നത്? 14 വർഷം മുൻപ് ഭാര്യ സുചിത്രയുടെ പേരിൽ മോഹൻലാൽ വാങ്ങിയതാണ് ബുർജ് ​ഗലീഫയിലെ മൂന്നരക്കോടിയുടെ ഫ്ളാറ്റ്! ഇപ്പോൾ എന്താണ് കാര്യം?

Authored by: അശ്വിനി പി|Samayam Malayalam•12 Jun 2025, 1:56 pm

കഴിഞ്ഞ കുറച്ച് ദിവസങ്ങളായി ബോളിവുഡ് സിനിമാ പേജുകളിൽ നിറഞ്ഞു നിൽക്കുന്ന വാർത്തയാണ്, മോഹൻലാലിന്റെ ബുർജ് ഖലീഫയിലെ ഫ്ളാറ്റ് . ലോകത്തിലെ ഏറ്റവും ഉയരമുള്ള കെട്ടിടത്തിൽ ഫ്ളാറ്റ് സ്വന്തമാക്കിയ ഇന്ത്യയിലെ ഒരേ ഒരു സെലിബ്രേറ്റി എന്ന വിശേഷണത്തോടെ തമിഴ് - തെലുങ്ക്, ഹിന്ദി സിനിമാ പേജുകളിലും ഈ വാർത്ത വൈറലാവുന്നു. ഇത് ഇപ്പോഴാണോ നിങ്ങളറിയുന്നത് എന്ന് ചോദിച്ച്, പോസ്റ്റിന് താഴെ മലയാളികളും എത്തുന്നു.

വാസ്തവത്തിൽ, 2011 ൽ ആണ് മോഹൻലാൽ ബുർജ് ഖലീഫയിൽ ഫ്ളാറ്റ് സ്വന്തമാക്കി എന്ന വാർത്തകൾ പുറത്തുവന്നത്. മൂന്നര കോടി രൂപയ്ക്ക്, ലോകത്തിലെ ഏറ്റവും ഉയരുമുള്ള കെട്ടിടത്തിലെ ഒരു ഫ്ളാറ്റ് മലയാളത്തിന്റെ സൂപ്പർസ്റ്റാർ സ്വന്തമാക്കി എന്നത് കേരളത്തിനും അദ്ദേഹത്തിന്റെ ഫാൻസിനും അഭിമാനവും അഹങ്കാരവുമുണ്ടാക്കിയ വാർത്തയായിരുന്നു. ഭാര്യ സുചിത്രയുടെ പേരിലാണ് ഫ്ളാറ്റ് വാങ്ങിയത്.

Also Read: ആ നടനെ കല്യാണം കഴിക്കണം എന്നാഗ്രഹിച്ചു, അദ്ദേഹത്തിന്റെ കല്യാണം കഴിഞ്ഞു എന്ന വാർത്ത ആകെ തകർത്തു കളഞ്ഞു എന്ന് മീന

മുൻകൂട്ടി പ്ലാൻ ചെയ്ത് വാങ്ങിയതൊന്നും ആയിരുന്നില്ല, നേരത്തെ തന്നെ മോഹൻലാലിന് ദുബായിലെ ഏറ്റവും സമ്പന്നമായ സ്ഥലം എന്നറിയപ്പെടുന്ന അറേബ്യൻ റാഞ്ചസിൽ ഒരു വില്ലയുണ്ട്. ദുബായിൽ അടിക്കടി പോകുന്നതുകൊണ്ടും, സുഹൃത്തുക്കൾക്കും കുടുംബത്തിനുമൊപ്പം സമയം ചെലവഴിക്കാനാണ് വില്ല വാങ്ങിയത്. അതിന് പുറമെ ബുർജ് ഖലീഫയിൽ ഒരു ഫ്ളാറ്റ് വാങ്ങുക എന്നത് അപ്രതീക്ഷിതമായി എടുത്ത തീരുമാനമായിരുന്നുവത്രെ.

29 ആം നിലയിൽ, 940 സ്ക്വയർഫീറ്റിലുള്ള ഒറ്റ മുറി ഫ്ളാറ്റാണ് വാങ്ങിയത്. അതിലൂടെ ദുബായി നഗരത്തിന്റെ അതി മനോഹരമായ കാഴ്ച കാണാം എന്നും പറയപ്പെടുന്നു. ദുബായിൽ ചിത്രീകരിച്ച മോഹൻലാലിന്റെ കാസനോവ എന്ന ചിത്രത്തിൽ ഈ ഫ്ളാറ്റിലെ രംഗങ്ങൾ ഉൾപ്പെടുത്തിയിട്ടുണ്ട്.

പൊതുവെ ആഡംബരമായ ജീവിതം നയിക്കുന്ന നടനാണ് മോഹൻലാൽ. മലയാളത്തിൽ ഏറ്റവും അധികം പ്രതിഫലം വാങ്ങുന്ന താരം. 8 കോടി മുതൽ 17 കോടിവരെയാണ് മോഹൻലാലിന്റെ പ്രതിഫലം. ബിഗ് ബോസ് ഷോ ഹോസ്റ്റ് ചെയ്യുന്നതിന് 18 കോടിയാണ് പ്രതിഫലം എന്ന് കഴിഞ്ഞ വാർഷം വാർത്തകളുണ്ടായിരുന്നു. ഇതിന് പുറമെ നിരവധി ബിസിനസ്സുകളിലും റിയൽ എസ്റ്റേറ്റിലും ഇൻവെസ്റ്റുകലഉമ്ട്. ആഡംബര കാറുകളോടും വാച്ചുകളോടും മോഹൻലാലിനുള്ള പ്രിയം കൊച്ചുകുട്ടികൾക്ക് പോലും അറിയാവുന്നതാണ്. 5 കോടിയുടെ റേഞ്ച് റോവർ മുതൽ 90 ലക്ഷത്തിന്റെ ടൊയോട്ട വെൽഫർ വരെ നിരവധി കാറുകളാണ് മോഹൻലാലിന്റെ ഗ്യരേജിലുള്ളത്. വാച്ചുകളിലേക്ക് എത്തിയാൽ, 1 കോടിയിലധികം വിലമധിക്കുന്ന ജാക്കോബ് ആന്റ് കോ വാച്ച് വരെ ലാലിന്റെ കലക്ഷനിലുണ്ട്.