നിങ്ങളുടെ അത്രയും ഞങ്ങൾക്ക് തിരക്കില്ലല്ലോ; കുടുംബ ജീവിതം എങ്ങനെ മാനേജ് ചെയ്യുന്നു എന്ന ജ്യോതികയുടെ ചോദ്യത്തിന് സ്വാസികയുടെ മറുപടി

Authored by: അശ്വിനി പി|Samayam Malayalam•8 Jun 2025, 5:07 pm

തമിഴ് സിനിമയിൽ ഇപ്പോൾ ഒന്നിനു പിറകെ ഒന്നായി സിനിമകളുടെ തിരക്കിലാണ് സ്വാസിക. ലബ്ധർ പന്ത് എന്ന ചിത്രത്തിന് ലഭിച്ച സ്വീകരണം നടിയ്ക്ക് തമിഴകത്ത് ഒറു രണ്ടാം ഇന്നിങ്സിനുള്ള വഴിയൊരുക്കി കൊടുക്കുകയായിരുന്നു. തുടർന്ന് റെട്രോ, മാമൻ പോലുള്ള സിനിമകളിൽ മികച്ച അവസരങ്ങളും ലഭിച്ചു. റെട്രോയുടെ ഓഡിയോ ലോഞ്ചിന് സ്വാസികയുടെ അഭിനത്തെ കുറിച്ച് സൂര്യ പ്രശംസിച്ചതൊക്കെ വൈറലായിരുന്നു. ഇപ്പോൾ തമിഴകത്ത് സ്വാസികയ്ക്ക് വലിയൊരു ആരാധക കൂട്ടവും ഉണ്ട്.

Also Read: അക്കാര്യത്തിൽ മാത്രം എനിക്ക് എടുത്തുചാട്ടമില്ല! 37 വയസ്സായില്ലേ, കല്യാണം കഴിക്കാത്തതിൽ വിഷമമില്ലേ എന്ന് ചോദിച്ചാൽ ഉണ്ണി മുകുന്ദന്റെ മറുപടി?

തമിഴ് ഗലാട്ട മീഡിയയ്ക്ക് നൽകിയ അഭിമുഖത്തിലാണ് ജ്യോതികയുമായുണ്ടായ സൗഹൃദ സംസാരത്തെ കുറിച്ച് നടി വാചാലയായത്. റെട്രോ സിനിമയുടെ ലൊക്കേഷനിൽ സൂര്യയ്ക്കൊപ്പം ജ്യോതികയും വരുമായിരുന്നുവത്രെ. സൂര്യ സാറുമായി സിനിമയുമായി ബന്ധപ്പെട്ട സംസാരങ്ങളൊക്കെയാണ് ഉണ്ടായിട്ടുള്ളത്. ജ്യോതികയുമായി ശരിക്കും സ്ത്രീകൾ കണ്ടുമുട്ടുമ്പോഴുള്ള സൗഹൃദ ചർച്ചയായിരുന്നു എന്ന് സ്വാസിക പറയുന്നു.

Also Read: പതിനഞ്ചാം വയസ്സിലാണ് ഉമ്മയുടെ കല്യാണം കഴിഞ്ഞത്, ഞങ്ങൾ 6 മക്കൾ! ആഗ്രഹിച്ചത് നേടാൻ ഉമ്മയ്ക്ക് കഴിഞ്ഞില്ല, അത് എന്നിലൂടെ നേടുന്നു; അൻസിബ പറയുന്നു

ഞാൻ മാത്രമല്ല, കൂടെ ശിവദയും ഉണ്ടായിരുന്നു. എന്റെ കല്യാണം കഴിഞ്ഞതാണ്, ശിവദ കല്യാണം കഴിഞ്ഞ് കു‍ഞ്ഞുള്ള ആളാണ് എന്നൊക്കെ അറിഞ്ഞപ്പോൾ ജ്യോതിക മാമിന് ഭയങ്കര ക്യൂരിയസ് ആയിരുന്നു, ഇതൊക്കെ എങ്ങനെ സാധിക്കുന്നു, എങ്ങനെ കുടുംബ ജീവിതവും കരിയറും മാനേജ് ചെയ്യുന്നു എന്നൊക്കെയായിരുന്നു ജ്യോതിക മാമിന്റെ സംശയം.

ഞങ്ങളോട് അത് ചോദിച്ചപ്പോൾ ശരിക്കും കൗതുകം തോന്നി, ഇതുവരെ കുഴപ്പമൊന്നുമില്ല മാഡം, എല്ലാം ഒരുവിധം മാനേജ് ചെയ്തു പോകുന്നു. പിന്നെ നിങ്ങളെ പോലെ ഞങ്ങൾക്ക് അത്ര വലിയ തിരക്കുകൾ ഇല്ലല്ലോ. അതുകൊണ്ട കുഴപ്പമില്ല എന്ന് ഞങ്ങൾ പറഞ്ഞു. കുടുംബത്തിലുള്ള ആളുകൾ നമ്മളോട് വിശേഷങ്ങൾ എല്ലാം ചോദിക്കില്ലേ. അതുപോലെയായിരുന്നു ജ്യോതിക മാഡത്തിനൊപ്പമുള്ള സംസാരം. കുടുംബത്തെ കുറിച്ച്, ഭക്ഷണത്തെ കുറിച്ച്, ഡയറ്റിനെ കുറിച്ചൊക്കെയായിരുന്നു ഞങ്ങൾ സംസാരിച്ചത്. ലേഡീസ് ഗ്യാങ് ആയിരുന്നു. സൂര്യ സർ സിനിമയെ കുറിച്ചും, നമ്മളുടെ വർക്കിനെ കുറിച്ചും സംസാരിച്ച് പ്രശംസിക്കുകയൊക്കെ ചെയ്തു- സ്വാസിക പറഞ്ഞു.