നിവിൻ പോളിയും മമിത ബൈജുവും ഒന്നിക്കുന്നു, പ്രേമലുവിന് ശേഷം റൊമാന്‍റിക് കോമഡിയുമായി ഗിരീഷ് എ ഡിയും ഭാവന സ്റ്റുഡിയോയും

Authored by: അശ്വിനി പി|Samayam Malayalam•4 Jul 2025, 5:09 pm

മലയാള സിനിമയിൽ ഇപ്പോൾ ഒന്നിനു പിറകെ ഒന്നായി മികച്ച സിനിമകൾ നിർമിയ്ക്കന്ന നിർമാണ കമ്പനി എന്ന പേരിൽ ഏറെ ശ്രദ്ധേയമാണ് ഭാവന സ്റ്റുഡിയോ . ഭാവനാ സ്റ്റുഡിയോസ് തങ്ങളുടെ ആറാമത്തെ ചിത്രം പ്രഖ്യാപിച്ച വാർത്തയാണ് ഇപ്പോൾ പുറത്തുവരുന്നത്. ഭാവന സ്റ്റുഡിയോസിന്‍റെ ബാനറിൽ ദിലീഷ് പോത്തന്‍, ഫഹദ് ഫാസില്‍, ശ്യാം പുഷ്കരന്‍ എന്നിവർ ചേർന്ന് നിർമ്മിക്കുന്ന പുതിയ ചിത്രമായ 'ബത്ലഹേം കുടുംബ യൂണിറ്റി'ൽ നിവിൻ പോളിയും മമിത ബൈജുവുമാണ് പ്രധാന വേഷങ്ങളിൽ എത്തുന്നത്. 'പ്രേമലു' സംവിധാനം ചെയ്ത ഗിരീഷ് എ ഡിയാണ് സംവിധായകൻ.

Also Read: കരഞ്ഞു തീർക്കാൻ പറ്റുന്നത് ഒറ്റയ്ക്ക് കരഞ്ഞ് തന്നെ തീർക്കും, കൂടെ ആരും ഇല്ല എന്ന തിരിച്ചറിവാണ് ശക്തി; സോഷ്യൽ മീഡിയയിൽ കാണുന്നതല്ല ജീവിതം എന്ന് മഹീന

'കുമ്പളങ്ങി നൈറ്റ്സ്' മുതല്‍ 'പ്രേമലു' വരെ ഭാവന സ്റ്റുഡിയോസ് നിർമ്മിച്ച അഞ്ച് സിനിമകളും ഏറെ പ്രേക്ഷക - നിരൂപക പ്രശംസ നേടിയവയാണ്. വൻ വിജയമായി മാറിയ 'പ്രേമലു'വിന് പിന്നാലെ ഭാവന പ്രൊഡക്ഷൻ നമ്പർ - 6 ആയി വരാനിരിക്കുന്ന പുതിയ ചിത്രത്തിന് തിരക്കഥയൊരുക്കുന്നത് ഗിരീഷ് എ ഡിയും കിരൺ ജോസിയും ചേർന്നാണ്. റൊമാന്‍റിക് കോമഡി ജോണറിൽ തന്നെയാണ് ഈ ചിത്രവും ഒരുങ്ങുന്നത്.

Also Read: BTS താരങ്ങളായ വിയെയും ജങ്കൂക്കിനെയും അപമാനിച്ച യൂട്യൂബർക്ക് എതിരെയുള്ള കേസ്; ഒത്തു തീർപ്പാക്കാൻ സാധ്യത!

വിഷ്ണു വിജയ് ആണ് സംഗീത സംവിധാനം നിർവ്വഹിയ്ക്കുന്നത്, അജ്മൽ സാബു ഛായാഗ്രഹണവും ആകാശ് ജോസഫ് വർഗ്ഗീസ് ചിത്രസംയോജനവും നടത്തുന്നു. സെപ്റ്റംബറിലാണ് സിനിമയുടെ ഷൂട്ടിംഗ് ആരംഭിക്കാനിരിക്കുന്നത്. തിരുവോണം കഴിഞ്ഞതിന് ശേഷം ഷൂട്ടിങ് ആരംഭിയ്ക്കും എന്നാണ് പ്രൊഡക്ഷൻ ഹൌസ് അറിയിച്ചിരിയ്ക്കുന്നത്. ഭാവന റിലീസ് ആണ് ചിത്രം വിതരണം ചെ്യുന്നത്. പി ആർ ഒ: ആതിര ദിൽജിത്ത്.


കരിയറിൽ ഒരു ചെറിയ ബ്രേക്കിന് ശേഷം ഒന്നിനു പിറകെ ഒന്നായി സിനിമകൾ ഏറ്റെടുത്തുകൊണ്ടിരിയ്ക്കുകയാണ് നിവിൻ പോളി . യേഴു കടൽ യേഴു മലൈ, ബെൻസ് എന്നീ തമിഴ് ചിത്രങ്ങളൾപ്പടെ, ഡിയർ സ്റ്റുഡൻറ്സ്, ഡോൾബി ഡിനേശൻ, ബേബി ഗേൾ, സരവണ മായ എന്നിങ്ങനെ നിരവധി സിനിമകൾ പ്രഖ്യാപിച്ചിട്ടുണ്ട്.