നിർബന്ധിപ്പിച്ചുള്ള അബോർഷൻസ്! മതം മാറ്റം; ചതി മനസ്സിലാക്കാൻ എടുത്തത് വർഷങ്ങൾ; അനാഥമായി കിടക്കുന്ന ആ വീട്

Authored by: ഋതു നായർ|Samayam Malayalam•15 Oct 2025, 12:12 pm

മലയാളസിനിമയുടെ മുഖശ്രീ എന്നാണ് ശ്രീവിദ്യ ഇന്നും അറിയപ്പെടുന്നത്. അപ്സര സൗന്ദര്യം സർപ്പസൗന്ദര്യം എന്നിങ്ങനെ നിരവധി വർണ്ണനകൾ ആണ് ശ്രീവിദ്യയെ കുറിച്ച് ഇന്നും ആരാധകർക്ക് പറയാൻ. പ്രായഭേദമന്യെ എല്ലാവരും വിദ്യാമ്മ എന്ന് വിളിക്കുന്ന ആ മുഖശ്രീ മറഞ്ഞിട്ട് ഒക്ടോബർ പത്തൊൻപത്തിനു പത്തൊന്പതുവര്ഷത്തോളം എത്തുന്നു. തന്‍റെ 53-ാം വയസ്സിലായിരുന്നു നട്ടെല്ലിന് ബാധിച്ച അർബുദത്തെ തുടർന്ന് മരണം സംഭവിക്കുന്നത്.

40 വർഷത്തോളം നീണ്ട അഭിനയ ജീവിതത്തിൽ എണ്ണൂറോളം സിനിമകളിൽ ആണ് താരം തിളങ്ങിയത്. മികച്ച നടിയ്ക്കുള്ള സംസ്ഥാന അവാർഡ് മൂന്ന് തവണ ശ്രീവിദ്യയെ തേടിയെത്തിയിട്ടുമുണ്ട്.

മലയാളത്തിലും തമിഴിലും മറ്റു ഭാഷകളിലും അഭിനയിച്ച ശ്രീ വിദ്യ ചെറുപ്പം മുതൽക്കുതന്നെ സംഗീതത്തിന്റെയും നൃത്തത്തിന്റെയും ലോകത്തായിരുന്നു. .13-ആം വയസ്സിൽ ‘തിരുവുൾ ചൊൽ‌വർ’‍ എന്ന തമിഴ് സിനിമയിലെ ഒരു ചെറിയ വേഷത്തിലൂടെയാണ് ശ്രീവിദ്യ വെള്ളിത്തിരയിൽ അരങ്ങേറ്റം കുറിയ്ക്കുന്നത്. ‘അമ്പലപ്രാവ്’ എന്ന ചിത്രത്തിൽ ഒരു നൃത്തരംഗത്തു മാത്രം ആണ് ശ്രീവിദ്യ അഭിനയിച്ചത്. എന്നാൽ മനോഹരമായ കണ്ണുകളുള്ള ആ പെൺകുട്ടി അന്ന് തന്നെ ആരാധക ലക്ഷങ്ങളുടെ മനം കവർന്നു.

സിനിമയിൽ തിളങ്ങിനിൽക്കവേ വന്ന കല്യാണ ആലോചനകൾക്ക് കണക്കുകൾ ഇല്ല. അതിൽ അമേരിക്കൻ ശാസ്ത്രജ്ഞനുമായുള്ള കല്യാണം അവർ വേണ്ടെന്ന് വയ്ക്കുന്നത് അമ്മയുടെ ഉപദേശപ്രകാരം.

ALSO READ: 80 ൽ നിന്നും 50 വരെ എത്തിച്ച കല്യാണി! സൗന്ദര്യം, സാലറി എല്ലാം തേടിയെത്തി; പരിഹാസത്തെ പുഷ്പം പോലെ ഫയറാക്കിയ പാൻ ഇന്ത്യൻ സ്റ്റാർ

പിന്നീട് കമലാഹാസനുമായുള്ള പ്രണയം ജോർജുമായുള്ള വിവാഹം ഒക്കെയും വലിയ ചർച്ചകൾക്ക് വഴിവച്ചു.

കമലുമായി വിവാഹം വരെ നിശ്ചയിച്ചുറപ്പിച്ചെങ്കിലും ഇരുവർക്കുമിടയിലെ അഭിപ്രായ വ്യത്യാസത്തെ തുടർന്ന് കമൽ ബന്ധത്തിൽ നിന്നും പിന്മാറി. എന്നാൽ സ്നേഹിക്കാനും സ്നേഹിക്കപ്പെടാനും അത്രയേറെ ആഗ്രഹിച്ച ശ്രീവിദ്യ ഒരു പ്രണയചതിയിൽ പെട്ടു. മധുവിനോടൊത്ത് ‘തീക്കനൽ’ എന്ന ചിത്രത്തിൽ അഭിനയിക്കവേ ഇതിന്റെ നിർമ്മാതാവായിരുന്ന ജോർജ്ജ് തോമസുമായി ശ്രീവിദ്യ പ്രണയത്തിലായി. 1979-ൽ ഇവർ വിവാഹിതരായി. ഒട്ടേറെ വിവാദങ്ങളുണ്ടാക്കിയ കുടുംബജീവിതം വിവാഹമോചനത്തിൽ അവസാനിച്ചു.

ALSO READ: ലവ് യു പൊണ്ടാട്ടീ; പ്രിയപ്പെട്ടവൾക്ക് പിറന്നാൾ ആശംസകൾ അറിയിച്ച് മാധവൻ, സരിതയെ കുറിച്ച് പറഞ്ഞത്; ഞാനാണ് ഭാഗ്യവാൻ!ജോര്ജിനോടുള്ള സ്നേഹം കൊണ്ട് മതം വരെ മാറിയെന്നും കുടുംബം ഏറെ എതിര്ത്ത വിവാഹം ആയിരുന്നു അതെന്നും റിപ്പോർട്ടുകൾ ഉണ്ട്. അബോർഷന് പറ്റിയ ശാരീരികാവസ്ഥ അല്ലാതിരുന്നിട്ടും സിനിമക്ക് വേണ്ടി നിർബന്ധിപ്പിച്ച് ഗർഭം അലസിപ്പിച്ച ക്രൂരനായിരുന്നൂ ജോർജ് തോമസ് എന്ന് പിന്നീട് ആണ് ശ്രീവിദ്യ മനസിലാക്കിയത്.

വർഷങ്ങൾക്ക് ശേഷം ഡിവോഴ്സ് ചെയ്തു എങ്കിലും സാമ്പത്തിക കാര്യങ്ങളിലും മറ്റുമുള്ള കേസ് സുപ്രീം കോടതി വരെ എത്തുകയും ചെയ്തു. സിനിമയിൽ നിന്നും കുറച്ചുനാൾ വിട്ടുനിന്ന ശ്രീവിദ്യ പിന്നീട് ടെലിവിഷൻ രംഗത്തും തന്റെ സ്ഥാനം ഉറപ്പിച്ചിരുന്നു. അവസാനനാളുകൾ തിരുവനന്തപുരത്തായിരുന്നു താരം. അവരുടെ അനാഥമായി കിടക്കുന്ന വീടിന്റെ വീഡിയോസ് സോഷ്യൽ മീഡിയയിൽ നിറയുമ്പോഴാണ് ഒരിക്കൽ കൂടി അവരുടെ ജീവിതം കൂടി ആരാധകർ ചർച്ച ചെയ്യുന്നത്.