പഞ്ചാബിനെ പൂട്ടാനുള്ള ഡൽഹിയുടെ തന്ത്രം ഫലിക്കുമോ? പോയിന്റ് പട്ടികയിൽ ഒന്നാമതെത്താൻ പഞ്ചാബും

Authored by: അനുഷ ഗംഗാധരൻ|Samayam Malayalam•24 May 2025, 8:54 pm

ഐപിഎൽ 2025 പോയിന്റ് ടേബിളിൽ ഒന്നാം സ്ഥാനത്ത് എത്തുക എന്ന ലക്ഷ്യവുമായി ഇന്ന് ഡൽഹി ക്യാപിറ്റൽസിനെ നേരിടുകയാണ് പഞ്ചാബ് കിങ്‌സ്. എന്നാൽ അതേസമയം അക്‌സർ പട്ടേൽ ഇല്ലാതെയാണ് ഡൽഹി ഇന്നും മൈതാനത്ത് ഇറങ്ങിയിരിക്കുന്നത്. അക്‌സർ പട്ടേലിന്റെ അഭാവത്തിൽ ഫാഫ് ഡുപ്ലെസിസ് ആണ് ഡൽഹി ക്യാപിറ്റൽസിനെ നയിക്കുന്നത്.
ബുംറയെ തഴഞ്ഞതോ? ഗില്ലിന് നറുക്കുവീണത് അക്കാരണത്താൽ; ടെസ്റ്റ് ക്യാപ്റ്റനെ തെരഞ്ഞെടുത്തത് എങ്ങനെയെന്ന് വ്യക്തമാക്കി അഗാർക്കർ
ഡൽഹിയുടെ കഴിഞ്ഞ മത്സരത്തിലും ഫാഫ് ഡുപ്ലെസിസ് തന്നെയായിരുന്നു ക്യാപ്റ്റൻ. അക്‌സർ പട്ടേലിന് ശാരീരിക അസ്വസ്ഥതകൾ ഉണ്ടായതിനാൽ ആണ് ഈ രണ്ട് മത്സരങ്ങളും താരത്തിന് നഷ്ടമായത് എന്നാണ് ടോസ് നേടിയതിന് ശേഷം ഫാഫ് പ്രതികരിച്ചത്. മുംബൈ ഇന്ത്യൻസ് - ഡൽഹി ക്യാപിറ്റൽസ് മത്സരത്തിൽ പരാജയപ്പെട്ടതോടെ ഡൽഹി ഐപിഎൽ 2025ൽ നിന്ന് പുറത്തായി. അതുകൊണ്ട് തന്നെ ഇന്ന് നടക്കുന്ന മത്സരത്തിന്റെ ജയ പരാജയങ്ങൾ ഡൽഹിയെ വലിയ രീതിയിൽ ബാധിക്കില്ല. എന്നാൽ പഞ്ചാബിന് ഈ മത്സരത്തിൽ ജയിക്കേണ്ടത് അനിവാര്യമാണ്.

ഐപിഎൽ 2025 പോയിന്റ് പട്ടികയിൽ ഒന്നാമതെത്താനുള്ള റോയൽ ചലഞ്ചേഴ്‌സ് ബെംഗളുരുവിന്റെ പ്രതീക്ഷയ്ക്ക് മങ്ങലേറ്റത്തോടെയാണ് പഞ്ചാബിന് നറുക്ക് വീണത്. ഇന്നത്തെ മത്സരത്തിൽ ജയിക്കുകയാണ് എങ്കിൽ പഞ്ചാബിന് 19 പോയിന്റുമായി ഒന്നാം സ്ഥാനത്തേക്ക് എത്താം. അതല്ല തോൽക്കുകയാണ് എങ്കിൽ രണ്ടാം സ്ഥാനത്ത് തന്നെ തുടരും അതേസമയം ബാറ്റിങ് ചെയ്സ് നടത്തുന്നതിനായി പ്ലേയിങ് ഇലവനിൽ ഒരു അധിക ബാറ്ററെ ഉൾപ്പെടുത്താൻ തീരുമാനിച്ചു എന്നും ഫാഫ് ഡുപ്ലെസിസ് പറഞ്ഞു. സീസണിന്റെ തുടക്കത്തിൽ മികച്ച പ്രകടനം കാഴ്ച വെക്കുകയും എന്നാൽ നിർണായക മത്സരത്തിൽ പരാജയപ്പെട്ടതോടെ പ്ലേ ഓഫ് പ്രതീക്ഷ നഷ്ടമായതിൽ താരം നിരാശ പ്രകടിപ്പിക്കുകയും ചെയ്‌തു.

13 മത്സരങ്ങളിൽ നിന്ന് 6 വിജയങ്ങൾ മാത്രം നേടിയ ഡിസി ഐപിഎൽ 2025 പോയിന്റ് പട്ടികയിൽ അഞ്ചാം സ്ഥാനത്താണ്. പഞ്ചാബുമായി ഉള്ള കളി കഴിഞ്ഞാൽ പിന്നെ ഗ്രൂപ്പ് ഘട്ടത്തിലെ ഡൽഹിയുടെ എല്ലാ മത്സരങ്ങളും അവസാനിക്കും.

ഇനി ഇരു ടീമുകളുടെയും പ്ലേയിങ് ഇലവൻ പരിശോധിക്കാം.

ഡൽഹി തലസ്ഥാനങ്ങൾ: ഫാഫ് ഡു പ്ലെസിസ് (ക്യാപ്റ്റൻ), സെദിഖുള്ള അടൽ, കരുണ് നായർ, സമീർ റിസ്വി, ട്രിസ്റ്റൻ സ്റ്റബ്സ്, അശുതോഷ് ശർമ, വിപ്രജ് നിഗം, കുൽദീപ് യാദവ്, മോഹിത് ശർമ, മുസ്തഫിസുർ റഹ്മാൻ, മുകേഷ് കുമാർ

പഞ്ചാബ് കിങ്‌സ്: ശ്രേയസ് അയ്യർ (ക്യാപ്റ്റൻ), പ്രഭ്സിമ്രാൻ സിങ്, പ്രിയാൻഷ് ആര്യ, ജോഷ് ഇംഗ്ലിസ്, നെഹാൽ വധേര, ശശാങ്ക് സിങ്, മാർക്കസ് സ്റ്റോയിനിസ്, മാർക്കോ ജാൻസെൻ, അസ്മത്തുള്ള ഒമർസായി, ഹർപ്രീത് ബ്രാർ, അർഷ്ദീപ് സിങ്