പണി ചോദിച്ചുവാങ്ങി മുഹമ്മദ് സിറാജ്, കലിപ്പിലായ പുറാൻ നൽകിയത് കിടിലൻ മറുപടി; നടന്നത് ഇങ്ങനെ

Curated by: ഗോകുൽ എസ്|Samayam Malayalam•23 May 2025, 12:26 am

ഗുജറാത്ത് ടൈറ്റൻസും ലക്നൗ സൂപ്പർ ജയന്റ്സും തമ്മിലുള്ള മത്സരത്തിനിടെ നിക്കോളാസ് പുറാനെതിരെ വാക്ക് പോരുമായി മുഹമ്മദ് സിറാജ്. മത്സരത്തിൽ ആദ്യം ബാറ്റ് ചെയ്ത ‌ലക്നൗ സൂപ്പർ ജയന്റ്സിന്റെ ഇന്നിങ്സിനിടെയായിരുന്നു ക്രിക്കറ്റ് ലോകത്തെ ത്രസിപ്പിച്ച സംഭവം അരങ്ങേറിയത്.ലക്നൗ ബാറ്റിങ്ങിന്റെ പതിനഞ്ചാം ഓവറിലായിരുന്നു സംഭവം. ഓവറിലെ മൂന്നാം പന്തിന് ശേഷം സിറാജ്, പുറാനെ സ്ലെഡ്ജ് ചെയ്യുകയായിരുന്നു. പുറാന് അടുത്തേക്ക് ചെന്ന സിറാജ്, അദ്ദേഹത്തെ പ്രകോപിപ്പിക്കുന്ന തരത്തിൽ സംസാരിച്ചു. എന്നാൽ ഇതൊന്നും മൈൻഡ് ചെയ്യാതെ തന്റെ ചൂയിങ് ഗം ചവച്ചുകൊണ്ട് തന്റെ സഹതാരമായ മിച്ചൽ മാർഷിന് അരികിലേക്ക് പുറാൻ നടന്നു‌. ഈ സമയം സിറാജിനെ ശാന്തനാക്കാൻ അമ്പയർക്ക് പോലും ഇടപെടേണ്ടി വന്നു. അടുത്ത പന്തിന് ശേഷവും സിറാജ് ഇതേ പോലെ വാക്കുകൾ കൊണ്ട് പുറാനെ ആക്രമിച്ചു. പക്ഷേ പുറാൻ ഇതിനുള്ള മറുപടി നൽകിയത് ഓവറിലെ അഞ്ച്, ആറ് പന്തുകളിലാണ്‌.


അഞ്ചാം പന്ത് ഡീപ് മിഡ് വിക്കറ്റിന് മുകളിലൂടെ പുറാൻ സിക്സർ പറത്തി‌. ഈ ബൗളിന് ശേഷം സിറാജിന് ഒന്നും തന്നെ പറയാൻ ഉണ്ടായിരുന്നില്ല. പന്തെറിഞ്ഞതിന് ശേഷം ഒന്നും മിണ്ടാതെ അദ്ദേഹം പിന്നിലേക്ക് നടന്നു‌‌. പുറാൻ ഒന്ന് ചിരിക്കുക മാത്രമാണ് ചെയ്തത്. അവിടം കൊണ്ടു നിർത്താൻ പക്ഷേ പുറാൻ തയ്യാറായിരുന്നില്ല. അടുത്ത പന്തിലും താരം ബൗണ്ടറി നേടി. ഇതിന് ശേഷം തന്റെ ബാറ്റിൽ ചുംബിച്ച പുറാൻ, സിറാജിന്റെ വശത്തേക്ക് നോക്കി ഫ്ലൈയിങ് കിസും നൽകി. സ്ലെഡ്ജ് ചെയ്യാൻ വന്ന സിറാജിന് പുറാൻ നൽകിയ ഈ കിടിലൻ മറുപടി ക്രിക്കറ്റ് ലോകത്തെ മുഴുവൻ ത്രില്ലടിപ്പിച്ചു.

Also Read: ലക്‌നൗ സൂപ്പർ ജെയ്ന്റ്‌സിന് ജയം; തുണയായത് മാർഷ് - പൂരൻ കൂട്ടുകെട്ട്

ഈ മത്സരത്തിൽ മികച്ച പ്രകടനമാണ് നിക്കോളാസ് പുറാൻ കാഴ്ച വെച്ചത്. വെറും 27 പന്തിൽ നിന്ന് 56 റ‌ൺസാണ് താരം നേടിയത്. നാല് ഫോറുകളും അഞ്ച് സിക്സറുകളും പുറാന്റെ ബാറ്റിൽ നിന്ന് പിറന്നു.

പന്തെറിയാൻ ഓടുന്നു... വീഴുന്നു...; മൈതാനത്ത് തുടർച്ചയായി വീണ് ഗുജറാത്ത് താരം; വെടിക്കെട്ട് ബാറ്റിങ്ങുമായി ലക്‌നൗ
ലക്നൗ - ഗുജറാത്ത് മത്സരം ഇങ്ങനെ: ഗുജറാത്ത് ടൈറ്റൻസിന് എതിരായ മത്സരത്തിൽ 33 റൺസിന്റെ കിടിലൻ ജയമാണ് ലക്നൗ സൂപ്പർ ജയന്റ്സ് നേടിയത്. അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ നടന്ന മത്സരത്തിൽ ആദ്യം ബാറ്റ് ചെയ്ത ലക്നൗ സൂപ്പർ ജയന്റ്സ് 20 ഓവറിൽ 235/2 എന്ന കൂറ്റൻ സ്കോറാണ് നേടിയത്. 117 റൺസെടുത്ത മിച്ചൽ മാർഷും 56 റ‌ൺസെടുത്ത നിക്കോളാസ് പുറാനുമാണ് ലക്നൗ നിരയിൽ തിളങ്ങിയത്. പടുകൂറ്റൻ വിജയലക്ഷ്യം പിന്തുടർന്ന ഗുജറാത്തിന്റെ മറുപടി 202/9 ൽ അവസാനിച്ചു. 29 പന്തിൽ 57 റൺസെടുത്ത ഷാരൂഖ്‌ ഖാനാണ് അവരുടെ ടോപ് സ്കോറർ.