പതിനെട്ടുവയസ് ആണ് അന്ന് എനിക്ക് പ്രായം! ആ പ്രായത്തിൽ അതിനുള്ള പക്വതയോ ഒന്നും ഉണ്ടായിരുന്നില്ല; ആമിയെ ഏറ്റെടുത്ത കാര്യം

Authored by: ഋതു നായർ|Samayam Malayalam•20 Nov 2025, 8:19 am

സമ്മർ ഇൻ ബേത്ലഹേം റീ റിലീസിന് ഒരുങ്ങുമ്പോൾ അതിന്റെ വിശേഷങ്ങൾ പങ്കിടുകയാണ് മഞ്ജു വാര്യർ . ആമി എന്ന കഥാപാത്രം ഏറ്റെടുത്ത സമയത്ത് പതിനെട്ടുവയസ് ആയിരുന്നു തന്റെ പ്രായം എന്നാണ് മഞ്ജു വാര്യർ പറയുന്നത്. ഇത്ര വലിയ ബഡ്ജറ്റിലെ സിനിമ ആണെന്നോ മൾട്ടി സ്റ്റാർസ് എല്ലാം എത്തിയ സിനിമ ആണെന്നോ ചിന്തിക്കാൻ ഉള്ള പ്രായമൊന്നും തനിക്ക് ഇല്ലായിരുന്നു എന്നാണ് മഞ്ജു പറയുന്നത്.

എല്ലാ സിനിമയും നല്ല രീതിയിൽ വരണം എന്ന ആഗ്രഹം കൊണ്ടാണ് അത് ചെയ്യുന്നത്. പക്ഷെ എല്ലാ ചേരുവകളും ഒത്തുവന്ന് അത് നമ്മൾ ആഗ്രഹിക്കുന്ന രീതിയിൽ പ്രേക്ഷകരും സ്വീകരിക്കുമ്പോൾ ആണ് വൻ വിജയം ആകുന്നത്. അത് എല്ലാ സിനിമകളുടെയും കാര്യത്തിൽ നടക്കണം എന്നില്ല അതിനു പല ഫാക്ടേഴ്‌സ് ഉണ്ടാകണം. പക്ഷേ ഇക്കാര്യങ്ങൾ എല്ലാം ഒത്തുവന്ന സിനിമ ആയിരുന്നു സമ്മർ ഇൻ ബേത്ലഹേം. അന്ന് എനിക്ക് ഞാൻ ഇത്രയും വലിയ ഒരു ചിത്രമാണ് ചെയ്യുന്നത് എന്നോ മൾട്ടി സ്റ്റാർസ് അഭിനയിച്ച ഒരു സിനിമയുടെ ഭാഗമാണ് ഞാൻ എന്നോ എനിക്ക് തിരിച്ചറിയാൻ ആകുമായിരുന്നില്ല. ആ പ്രായത്തിൽ അതിനുള്ള പക്വതയും എനിക്ക് ഉണ്ടായിരുന്നില്ല. പതിനെട്ടുവയസ് ആണ് അന്ന് എനിക്ക് പ്രായം. കളിവീടും പ്രണയവർണ്ണങ്ങളും ചെയ്തുനിൽക്കുന്ന സമയം ആണ്. സുരേഷേട്ടനും ജയറാമേട്ടന്റെയും കൂടെ വീണ്ടും വർക്ക് ചെയ്യുന്നു. ഇവരുടെ കൂടെ ഞാൻ ഇങ്ങനെ ആസ്വദിച്ച് ചെയ്ത സിനിമ. ഇതിലെ രംഗങ്ങൾ പോലെ സമ്മർ ക്യാംപിൽ നിന്ന് ജീവിച്ചു ചെയ്ത സിനിമ ഒക്കെയാണ് അത്. എല്ലാവരും ചേർന്ന് എപ്പോളും സംസാരമായിരുന്നു എല്ലാവരുടെയും ഹോളിഡേ സ്പന്ഡ് ചെയ്യാൻ ഉള്ള ഒരു ബംഗ്ളാവ്. അവിടെ കിച്ചൺ സ്പെയ്സിൽ സുകുമാരിയമ്മ ഉണ്ടാക്കി തരുന്ന ഭക്ഷണം എല്ലാം കഴിച്ചുകൊണ്ട് അത്രയും ആഘോഷിച്ചു ചെയ്ത ഒരു സിനിമ ആയിരുന്നു അത്.

ALSO READ: പതിനാലാം വയസ്സ് മുതല്‍ തുടങ്ങിയ അഡിക്ഷന്‍, എങ്ങനെ തുടങ്ങി, ആര് കാരണം തുടങ്ങി എന്നെനിക്കറിയില്ല; മംമ്ത മോഹന്‍ദാസ് പറയുന്നു

മണിച്ചേട്ടനും ജയറാമേട്ടനും കൂടിയാൽ അവിടെ തമാശകളുടെ ഒരു പൊട്ടിച്ചിരികാലം ആണ് അത് സമ്മാനിച്ചിരുന്നത്. ഷൂട്ടിന് പോകാൻ പോലും തോന്നില്ലായിരുന്നു. അന്ന് ഞാനത്രയും ഗൗരവം ഉള്ള കഥാപാത്രത്തെ എത്രത്തോളം പെർഫെക്ഷനോടെ ചെയ്തു എന്ന് പോലും എനിക്ക് അറിയില്ല. സിബി സാറിന്റെയും രഞ്ജിയേട്ടന്റെയും സഹായത്തോടെ ഞാൻ അത് ചെയ്തു എന്ന് മാത്രം. ഇപ്പോൾ ആണ് മെന്റൽ ഹെൽത്തിനെ കുറിച്ച് ഒക്കെ ചർച്ചകൾ നടക്കുന്നത്. അന്ന് ആമി ചെയ്തുപോയ, അല്ലെങ്കിൽ കടന്നുപോയ കാലത്തേ കുറിച്ചൊക്കെ ആലോചിക്കുമ്പോൾ ഇന്ന് പേടി തോന്നുകയാണ്. റീ റിലീസ് ചെയ്തു കഴിയുമ്പോൾ ഇന്നത്തെ തലമുറയുമായി കംപെയർ ചെയ്യുമായിരിക്കും ; മഞ്ജു പറയുന്നു.