പത്ത് വർഷത്തെ പ്രണയവും ലിവിങ് റിലേഷനും; പാട്രിക്കും ആംബിയും വിവാഹിതരായി, സ്വപ്ന നിമിഷം!

Authored by: അശ്വിനി പി|Samayam Malayalam•9 Sept 2025, 7:04 pm

നടനും മോഡലുമായ പാട്രിക് ഷ്വാസ്‌നെഗർ വിവാഹിതനായി. പത്ത് വർഷത്തോളം നീണ്ട പ്രണയത്തിനൊടുവിലാണ് കാമുകി ആംബി ചാമ്പ്യനുമായുള്ള ബന്ധം വിവാഹത്തിലേക്ക് എത്തിയത്.

സെപ്റ്റംബർ 6 ന് ഇഡാഹോയിലെ കൊയർ ഡി'അലീനിലുള്ള എക്‌സ്‌ക്ലൂസീവ് ഗോസർ റാഞ്ച് കൺട്രി ക്ലബ്ബിൽ നടന്ന ഒരു വിവാഹ ചടങ്ങിൽ അടുത്ത ബന്ധുക്കളും സുഹൃത്തുക്കളുമെല്ലാം പങ്കെടുത്തു. ഹോളിവുഡ് സിനിമ സെലിബ്രേറ്റികളാൽ സമ്പന്നമായിരുന്നു വിവാഹം .

Also Read: ആളും ആരവവും ബഹളങ്ങളും ഇല്ല! ഞങ്ങൾ വിവാഹിതരായി; ഗ്രേസ് ആന്റണി

അമേരിക്കൻ ബോഡി ബിൽഡറും, നടനും, വ്യവസായിയും, രാഷ്ട്രീയപ്രവർത്തകനുമായ അർണോൾഡ് ഷ്വാർസെനെഗറിന്റെ മകനാണ് പാട്രിക് ഷ്വാസ്നെഗർ. പത്രവ്രവർത്തകയും എഴുത്തുകാരിയുമൊക്കെയായ മരിയ ഓവിംഗ്സ് ഷ്രിവർ ആണ് പാട്രിക്കിന്റെ അമ്മ. മകന്റെ വിവാഹം അഭിമാനത്തോടെ നോക്കി നിന്ന ഇരുവരും, ഞങ്ങൾക്കിത് അറിയാമായിരുന്നു എന്ന് പറയുന്നു. ഒരു ക്ലാസുക് ഡ്രീമി വെഡ്ഡിങ് ആയിരുന്നു പാട്രിക് ഷ്വാസ്നെഗറിന്റേതും ആംബി ചാമ്പ്യനിന്റേതും.

2023 ഡിസംബറിലാണ് പാട്രിക്കിന്റെയും ആംബിയുടെയും വിവാഹനിശ്ചയം കഴിഞ്ഞത്. പത്ത് വർഷത്തോളം ലിവിങ് ടുഗെദർ റിലേഷൻഷിപ്പിലായിരുന്ന ഇരുവരും കാത്തിരുന്ന ഒരു ദിവസമായിരുന്നു വിവാഹം. എന്നും എന്നന്നേക്കും എന്ന തലക്കെട്ടോടെയാണ് ഇരുവരും വിവാഹ ഫോട്ടോകൾ പങ്കുവച്ചത്. ചിത്രം ഏറ്റെടുത്ത ആരാധകർ ആശംസകളുമായി കമന്റ് ബോക്സിലെത്തി.

Also Read: വിഎംഎ 2025 ൽ നിന്ന് ടെയ്ലർ സ്വിഫ്റ്റ് വിട്ടു നിൽക്കാനുള്ള കാരണം, അതിനെക്കാൾ പ്രാധാന്യം പങ്കാളിക്ക് തന്നെ!

നിശ്ചയം കഴിഞ്ഞിട്ട് ഒന്നര വർഷത്തിലേറെയായിട്ടും, എന്തുകൊണ്ട് വിവാഹം വൈകി എന്ന ചോദ്യത്തിന് പാട്രിക്കിന് വ്യക്തമായ മറുപടിയുണ്ടായിരുന്നു. The White Lotus arsenic Saxon Ratliff എന്ന ചിത്രത്തിന്റെ ഷൂട്ടിങുമായി തിരക്കിലായതിനാലാണ് വിവാഹം നീണ്ടു പോയത്. അതിൽ ആംബിയ്ക്ക് യാതൊരു എതിർപ്പും ഉണ്ടായിരുന്നില്ല. തന്നിലെ നടനെ അത്രയേറെ അഭിമാനത്തോടെ കാണുന്ന പങ്കാളിയാമ് ആംബി എന്ന് പാട്രിക് പറഞ്ഞിരുന്നു.

2015 ൽ ആണ് പാട്രിക് ഷ്വാസ്നെഗറും ആംബി ചാമ്പ്യനും ഡേറ്റിങ് ആരംഭിച്ചത്. തുടക്കത്തിൽ ഇരുവരും ബന്ധം സ്വകാര്യമായി സൂക്ഷിക്കാൻ ശ്രമിച്ചിരുന്നുവെങ്കിലും, പിന്നീട് സോഷ്യൽ മീഡിയയിൽ ഒരുമിച്ചുള്ള ചിത്രങ്ങൾ പുറത്തുവന്നതോടെ ഗോസിപ്പുകളും പ്രചരിച്ചു. പിന്നീട് ഇരുവരും അത് സ്ഥിരീകരിക്കുകയും ചെയ്തു. ഉടനെ വിവാഹം ഉണ്ടാവുമെന്നും സോഷ്യൽ മീഡിയ പോസ്റ്റുകളിലൂടെ അറിയിച്ചിരുന്നു.