പരിധികൾ കടക്കുമ്പോൾ മൗനം പാലിക്കുന്നത് ശരിയല്ലെന്ന് തോന്നി! ആരോപണങ്ങൾക്ക് മറുപടിയുമായി ഷംനയുടെ കുടുംബം

രണ്ടാമത്തെ കൺമണിയെ കാണാൻ കാത്തിരിക്കുകയാണ് ഷംന കാസിം - കുടുംബം. പൂർണ ഗർഭിണി ആണെങ്കിലും തന്റെ നൃത്തം മുടക്കാൻ തന്റെ ജോലികൾ മുടക്കാൻ ഒന്നും ഷംന ഒരുക്കമല്ല. നൃത്ത വേദികളിൽ സജീവം ആയും തന്റെ നൃത്ത വിദ്യാലയത്തിൽ സജീവം ആയും ഷംന സോഷ്യൽ മീഡിയയിലും താരമാണ്,. എന്നാൽ ഇസ്‌ലാം തത്വങ്ങളെ കുറിച്ച് ഷംനയോടും ഭർത്താവിനോടും തുടർച്ചയായി കമന്റുകൾ പങ്കിടുന്ന ആളുകൾക്ക് എതിരെയാണ് ഇപ്പോൾ ഭർത്താവ് ഷാനിദിന്റെ മറുപടി.

ഷാനിദിന്റെ വാക്കുകൾ

ഇസ്‌ലാമിന്റെ പേരിൽ ചിലർ ഖുർആനിലെ “നടുവിലെ പേജ്” എന്നു സ്വയം വിശേഷിപ്പിച്ച് പലവിധ അഭിപ്രായങ്ങളും കമന്റുകളും ചെയ്യുന്നതായി ശ്രദ്ധയിൽപ്പെട്ടു. ആദ്യം അതിന് മറുപടി നൽകേണ്ടതില്ലെന്ന് കരുതിയെങ്കിലും, പരിധികൾ കടക്കുമ്പോൾ മൗനം പാലിക്കുന്നത് ശരിയല്ലെന്ന് തോന്നി.

നമുക്ക് സ്വയം ചോദിക്കേണ്ട ചില കാര്യങ്ങൾ ഉണ്ട്:

ഇന്ന് നാം സുബ്ഹി നമസ്കാരം നിർവഹിച്ചോ?

അഞ്ച് വഖ്ത് നമസ്കാരവും കൃത്യമായി പാലിക്കുന്നുണ്ടോ?
നമ്മുടെ വീട്ടിലുള്ള സ്ത്രീകൾ ഇസ്‌ലാം നിർദ്ദേശിച്ച പ്രകാരം ഔറത്ത് പാലിക്കുന്നുണ്ടോ?
നാം ഭക്ഷണം കഴിക്കുമ്പോൾ, ചുറ്റുമുള്ള 40 വീടുകളിൽ ആരെങ്കിലും പട്ടിണിയിലാണോ എന്ന് അന്വേഷിക്കുന്നുണ്ടോ?
നമ്മുടെ വീട്ടിലുള്ളവർ അഞ്ചു വഖ്ത് നമസ്കാരം കൃത്യമായി ചെയ്യുന്നുണ്ടോ?

ALSO READ: പാലക്കാട് അയ്യർ ഫാമിലിയിലെ ശാന്തികൃഷ്ണ! ശ്രീനാഥ് പറഞ്ഞു നീ എന്റെ സങ്കൽപ്പത്തിലുള്ള ഭാര്യയല്ലെന്ന്, അതും 12 വർഷത്തിനുശേഷം

ഒരു വ്യക്തി മുസ്ലിമാണോ അല്ലയോ എന്ന് വിധിയെഴുതുന്നത് നമ്മുടെ ഉത്തരവാദിത്തമല്ല. അതിന് നമുക്ക് എല്ലാം റബ്ബിന്റെ മുമ്പിൽ മറുപടി പറയേണ്ടിവരും. മറ്റുള്ളവരെ വിമർശിക്കുകയും അപകീർത്തിപ്പെടുത്തുകയും ചെയ്യുന്നത് നമ്മുടെ ഇമാനിന് ഗുണകരമല്ല.

മഹ്ശറയിൽ നിൽക്കുന്ന ദിവസം, സ്വന്തം രക്ഷക്കായി മറ്റുള്ളവരെ നിന്ദിച്ച പ്രവൃത്തികൾ നമ്മെ സഹായിക്കുകയില്ല. അതിനാൽ പരസ്പരം മാന്യതയും സഹിഷ്ണുതയും പാലിക്കാം.

ആദ്യം ‘ഗീബത്ത്’ (പരനിന്ദ)യും ‘നമീമത്ത്’ (ചുരുള്‍പ്പറച്ചിൽ)യും എന്താണെന്ന് മനസ്സിലാക്കി, അത് ഒഴിവാക്കാൻ ശ്രമിക്കാം.

അല്ലാഹു നമ്മെ എല്ലാം ശരിയായ വഴിയിൽ നിലനിറുത്തട്ടെ.