പാക്കിസ്ഥന്‍കാരന്റെ മകളെ പുറത്താക്കണം, പൊറുതിമുട്ടി പ്രതികരണവുമായി ഇമാന്‍വി ഇസ്മയില്‍; ഈ സമയത്ത് സ്‌നേഹം പകര്‍ത്തൂ

Authored byഅശ്വിനി പി | Samayam Malayalam | Updated: 24 Apr 2025, 3:12 pm

പഹല്‍ഗാമില്‍ നടന്ന പാക്ക് ആക്രമണത്തില്‍ രാജ്യം ഒന്നടങ്കം പ്രതികരിക്കുകാണ്. രാജ്യത്തെ മുഴുവന്‍ നടുക്കിയ ഭീകരാക്രമണത്തിന് ശേഷം രാജ്യത്തെ പാക്കിസ്ഥാനികളെ എല്ലാം പുറത്താക്കാനുള്ള നടിപടിയെടുക്കുകയാണ് കേന്ദ്രം എന്ന റിപ്പോര്‍ട്ടുകളും വരുന്നു. ഈ സാഹചര്യത്തിലാണ് ഫൗജി എന്ന പ്രഭാസിന്റെ പുതിയ ചിത്രത്തിലെ നായികയെയും മാറ്റണം എന്ന ആവശ്യം സോഷ്യല്‍ മീഡിയയില്‍ ഉയരുന്നത്

അനു രാഘവപുടി സംവിധാനം ചെയ്യുന്ന ഫൗജി എന്ന ചിത്രത്തില്‍ പ്രഭാസിന്റെ നായികയായി എത്തുന്നത് ഇമാന്‍വി ഇസ്മയില്‍ എന്ന പുതുമുഖ നടിയാണ്. വിക്കി പീഡിയയില്‍ നടിയുടെ ബയോഗ്രാഫി നല്‍കിയിരിക്കുന്നത് പാക്കിസ്ഥാന്‍ എന്നാണ്. ഇതിന്റെ അടിസ്ഥാനത്തിലാണ് നടിക്കെതിരെ വിദ്വേഷ പ്രചരണം നടക്കുന്നത്. പാക്കിസ്ഥാന്‍കാരന്റെ മകളെ സിനിമയില്‍ നിന്ന് പുറത്താക്കണം എന്ന് പറഞ്ഞ് പ്രഭാസിന് നേരെയും സൈബര്‍ അറ്റാക്ക് ഉണ്ടായി. ഒരു ദിവസത്തെ നീണ്ട വിദ്വേഷ പ്രചരണത്തിനും ട്രോളുകള്‍ക്കും ഒടുവില്‍ ഇമാന്‍വി പ്രതികരണവുമായി എത്തി.

Also Read: വിവാഹ മോചനത്തിന് ശേഷം കൂടുതല്‍ ചെറുപ്പമായോ, കുട്ടിത്തം നിറയുന്ന വേഷത്തില്‍ പാര്‍വ്വതി അനു; സ്വന്തം കഴിവില്‍ വിശ്വസിക്കുന്നതിന്റെ മാറ്റം!

ആദ്യം തന്നെ പാക്കിസ്ഥാന്‍ ഭീകരാക്രമണത്തില്‍ കൊല്ലപ്പെട്ടവര്‍ക്ക് ആദരാഞ്ജലികള്‍ അര്‍പ്പിയ്ക്കുന്നു. ഈ സമയത്ത് വിദ്വേഷമോ, വെറുപ്പോ അല്ല പ്രചരിപ്പിക്കേണ്ടത്. സ്‌നേഹമാണ് എന്ന് പറഞ്ഞുകൊണ്ടാണ് തന്റെ ഐഡന്ററ്റി ഇമാന്‍വി വ്യക്തമാക്കുന്നത്.

ഞാന്‍ പാക്കിസ്ഥാനിയല്ല, എന്റെ കുടുംബത്തിന് പാക്കിസ്ഥാനുമായോ, പാക്കിസ്ഥാന്‍ മിലിട്ടറിയുമായോ യാതൊരു ബന്ധവുമില്ല. ചില മാധ്യമങ്ങള്‍ ഫാക്ട് ചെക്ക് നടത്താതെയാണ് എന്‍രെ കുടുംബത്തിന് പാക്കിസ്ഥാനുമായി ബന്ധമുണ്ട് എന്ന തരത്തില്‍ വാര്‍ത്തകള്‍ പ്രചരിപ്പിച്ചതും എന്റെ ബയോയില്‍ അത് എഴുതി ചേര്‍ത്തതും. ഞാന്‍ വളരെ അഭിമാനിയായ ഇന്ത്യ - അമേരിക്കന്‍ പൗരയാണ്.

എന്റെ അച്ഛനും അമ്മയും ഇന്ത്യക്കാരാണ്, അവര്‍ നിയമപരമായി അമേരിക്കന്‍ പൗരത്വം സ്വീകരിച്ചു. ഞാന്‍ ജനിച്ചത് ലോസ് ആഞ്ചല്‍സില്‍ ആണ്. എനിക്ക് ഹിന്ദി, ഗുജറാത്തി, തെലുങ്ക്, ഇംഗ്ലീഷ് ഭാഷകള്‍ അറിയാം. അതിനൊപ്പം ഇന്ത്യന്‍ സംസ്‌കാരവും ഞാന്‍ പിന്‍തുടരുന്നു. പഠനം പൂര്‍ത്തിയാക്കിയതിന് ശേഷം ഡാന്‍സിലും അഭിനയത്തിലും ഉള്ള എന്റെ കഴിവ് ഞാന്‍ മെച്ചപ്പെടുത്തി.


കുട്ടിക്കാലം മുതല്‍ സ്വപ്‌നം കാണുന്ന ഇന്ത്യന്‍ സിനിമയുടെ ഭാഗമാകുന്ന സന്തോഷത്തിലാണ് ഇപ്പോള്‍ ഞാന്‍. ഒരു കലാകാരി എന്ന നിലയില്‍ പരസ്പര സ്‌നേഹവും ഐക്യവും പ്രചരിപ്പിക്കാനാണ് ഞാന്‍ ആഗ്രഹിക്കുന്നത്. ദയവ് ചെയ്ത് ഈ സമയത്ത് ഒറ്റക്കെട്ടായി നിന്ന് സ്‌നേഹം പകരൂ എന്ന് ഇമാന്‍വി ഇസ്മയില്‍ പറയുന്നു