പാരീസ് ഫാഷൻ വീക്കിൽ ശ്രദ്ധ നേടി ബ്ലാക്ക്പിങ്കിന്റെ റോസ്: ഹെയിലി ബീർബറിനൊപ്പമുള്ള ചിത്രങ്ങൾ വൈറലാവുന്നു

Authored by: അശ്വിനി പി|Samayam Malayalam•30 Sept 2025, 5:56 pm

2026 ലെ സെന്റ് ലോറന്റ് സ്പ്രിംഗ് - സമ്മർ പാരീസ് ഫാഷൻ വീക്കിന്റെ മുൻ നിരയിൽ ഇടം നേടി BLACKPINK അംഗമായ റോസ്. മനോഹരമായ സ്കൈ ബ്ലൂ സാറ്റിൻ ടു-പീസ് ധരിച്ച് അതീവ സുന്ദരിയായിട്ടാണ് റോസ് എത്തിയത്. ന്യൂഡ് മേക്കപ്പും, പോണി ടെയിൽ ഹെയർ സ്റ്റൈലുമാണ് ലുക്കിന് നൽകിയത്.

സെപ്റ്റംബർ 29-ന് ഫ്രാൻസിലെ പാരീസിലെ ഫോണ്ടെയ്‌ൻ ഡു ട്രോക്കാഡെറോയിൽ നടന്നുകൊണ്ടിരിക്കുന്ന സ്പ്രിംഗ് - സമ്മർ 2026 പാരീസ് ഫാഷൻ വീക്കിന്റെ ഭാഗമായി സെന്റ് ലോറന്റ് ഫാഷൻ ഷോയിൽ ഹെയ്‌ലി ബീബർ, സോയ് ക്രാവിറ്റ്‌സ്, ചാർലി XCX, റോസ് എന്നിവരും പങ്കെടുത്തിരുന്നു.

Also Read: കാണാൻ പൂവ് പോലെയാണെങ്കിലും ദേവയാനി ഭയങ്കരിയാണ് എന്ന് ഭർത്താവ് രാജ്കുമാർ; വീടിനും മക്കൾക്കും തനിക്കും വേണ്ടി ഒതുങ്ങിയിരിക്കുന്നതാണ്

മോഡലും ബിസിനസുകാരിയുമായ ഹെയ്‌ലി ബീബർ, നടി സോ ക്രാവിറ്റ്‌സ്, ഗായിക ചാർലി എക്സ്‌സിഎക്‌സ് എന്നിവർക്കൊപ്പമുള്ള റോസിന്റെ ഫോട്ടോകളും ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നു. നാലുപേരുടെയും ഫാഷനും സ്റ്റൈലും എല്ലാമാണ് ആരാധകരുടെ ചർച്ചാ വിഷയം.

അടുത്തിടെ, APT യ്ക്കായി ബ്രൂണോ മാർസുമായി സഹകരിച്ചതിന് 2025 ലെ MTV വീഡിയോ മ്യൂസിക് അവാർഡുകളിൽ സോംഗ് ഓഫ് ദി ഇയർ റോസ് തിരഞ്ഞെടുക്കപ്പെട്ടിരുന്നു. ആഘോള ശ്രദ്ധ ലഭിച്ച APT ഗ്രാമി നോമിനേഷൻിൽ ഉണ്ടാവുമോ എന്നാണ് ആരാധകരും ഗായികയും കാത്തിരിയ്ക്കുന്നത്. അങ്ങനെയെങ്കിൽ അത്രയും വലിയ ഒരു അംഗീകാരം ലഭിയ്ക്കുന്ന ബ്ലാക്ക്പിങ്ക് ടീമിലെ ആദ്യത്തെ താരമായിരിയ്ക്കും റോസ്.

Also Read: എനിക്കെന്നും നീ കുഞ്ഞാണ്, 20 വർഷങ്ങൾ എങ്ങനെ പോയി എന്ന ദൈവത്തിനറിയാം; ഹൻസു ബേബിയ്ക്ക് പിറന്നാൾ ആശംസകളുമായി സിന്ധു


മറുവശത്ത് ഹെയ്‌ലി ബീബർ തന്റെ മേക്കപ്പ് ബ്രാൻഡിന്റെ വിൽപ്പനയും WAG, SWAG II ആൽബങ്ങളിലൂടെയുള്ള ഭർത്താവും പോപ് ഐക്കണുമായ ജസ്റ്റിൻ ബീബറിന്റെ വിജയവും ആഘോഷിക്കുകയാണ്. സോയി ക്രാവിറ്റ്സും ഹാരി സ്റ്റൈൽസുമായുള്ള ബന്ധവും പാരീസ് ഫാഷൻ വീക്കിൽ ആരാധകരെ അമ്പരപ്പിച്ച മറ്റൊരു വിശേഷമായിരുന്നു.