പാറൂ നീ വിഷമിക്കല്ലേ ഓരോരുത്തർക്കും ഓരോന്ന് പറഞ്ഞിട്ടുണ്ട് എനിക്ക് ഇതേ പറഞ്ഞിട്ടുള്ളൂ...പാറുവിന് പ്രിയ രാജിയാണ് രാധിക!

Authored byഋതു നായർ | Samayam Malayalam | Updated: 4 Apr 2025, 4:35 pm

Samayam Malayalamരാധിക സുരേഷ് ഗോപി മാല പാർവതി

സിനിമക്ക് അകത്തേയും പുറത്തെയും ആളുകൾ തമ്മിലുള്ള സൗഹൃദങ്ങളെ കുറിച്ച് നിരവധി കഥകൾ ആണ് പറഞ്ഞു കേട്ടിട്ടുള്ളത്. സിനിമയിൽ പ്രവർത്തിക്കുന്നവരുടെ കുടുംബങ്ങൾ തമ്മിലും അത്രയും അടുത്ത ബന്ധവും ഉണ്ട്. അത്തരത്തിൽ നിരവധി താരങ്ങളുടെ സൗഹൃദയ കഥയും മലയാളികൾ കേട്ടതാണ്. ഏറ്റവും ഒടുവിൽ കേട്ടത് മോഹൻലാൽ മമ്മുക്ക ബന്ധത്തിന്റെ തീവ്രതയാണ്. അത്തരത്തിൽ ഒരു കഥയാണ് ഇപ്പോൾ വൈറലായി മാറുന്നത്.
നടി മാല പാർവതിയും സുരേഷ് ഗോപിയുടെ ഭാര്യയും ഗായികയുമായ രാധിക സുരേഷ് ഗോപിയും തമ്മിലെ ഗാഢമായ ബന്ധത്തിന്റെ കഥ. അവതാരക വർഷ പങ്കെടുത്ത ഒരു ഷോയിൽ വച്ചാണ് ഇവരുടെ സൗഹൃദകഥ മാല തുറന്നുപറയുന്നത്. ഒരു കൂട്ടം സുഹൃത്തുക്കളുടെ സൗഹൃദ കൂട്ടായ്മ കൂടിയായ ഷോയോയിൽ രാധികക്ക് തിരക്ക് കാരണം എത്താൻ കഴിയാതെ വരുന്നു.ഇതിനിടയിൽ ഷോയിൽ വച്ചുതന്നെ രാധികയും മാല പാർവതിയും നടത്തിയ സംഭാഷണങ്ങൾ ആണ് ഇപ്പോൾ വൈറലാകുന്നത്.പാറു എന്നാണ് രാധിക മാല പാർവതിയെ വിളിക്കുന്നത്. മാല , രാധികയെ രാജി എന്നും തിരികെ വിളിക്കും.

മാല പാർവതി: രാജിയുടെ പഠിത്തം നിർത്തിയത് ഞാനാണ്. വുമൺസ് കോളേജിൽ പഠിക്കുമ്പോൾ അവൾ ഡിഗ്രിയുടെ എക്സാം എഴുതാൻ വരുന്നു എന്നോട് പരീക്ഷ എഴുതുന്നില്ലേ എന്ന് ചോദിച്ചു ഞാൻ ഇല്ലെന്നും പറഞ്ഞു. അവൾ അതുകേട്ട് ഇറങ്ങിവന്നു. ഞങ്ങൾ രണ്ടാളും കൂടി അവളുടെ വീട്ടിലേക്ക് തിരികെ പോയി. അന്ന് സുരേഷേട്ടനും അവിടെയുണ്ട്. പാവം കൊച്ച് അത് കഴിഞ്ഞു ഞാൻ എം എ എടുത്തു എംഫിലും ചെയ്തു. പക്ഷേ അന്ന് അവൾ എഴുതിയിരുന്നു എങ്കിൽ അത് എഴുതിപ്പോയേനെ.

രാധിക : ഷോയിൽ വരണം എന്ന് എനിക്ക് ആഗ്രഹം ഉണ്ടായിരുന്നു. സാരി വരെ സെലക്ട് ചെയ്തായിരുന്നു.

മാല: ഞാൻ പറയുവായിരുന്നു രാജി നിന്റെ പഠിത്തം നിർത്തിയത് ഞാൻ ആണെന്ന്.

രാധിക: പാറൂ അങ്ങനെ വിഷമിക്കുകയെ വേണ്ട. ഓരോരുത്തർക്ക് ഓരോന്ന് പറഞ്ഞിട്ടില്ലേ, എനിക്ക് ഇതേ പറഞ്ഞിട്ടുള്ളൂ.

ALSO READ: ആളുകൾക്ക് പലതും പറയാം പക്ഷേ സത്യം നമ്മുക്ക് മാത്രമേ അറിയൂ! അവർക്ക് ഒരിക്കലും നമ്മുടെ ശരിക്കുള്ള കഥ അറിയില്ലല്ലോ; സ്വാതി

മാല : എന്തോരം നല്ല ഓർമ്മകൾ ആണല്ലേ രാജി. നിന്റെ കല്യാണത്തിന് കുപ്പിവള വാങ്ങാൻ പോയതൊക്കെ ഇന്നലെ കഴിഞ്ഞ പോലെയുണ്ട്

രാധിക: എന്റെ കൈയ്യിൽ ഇപ്പഴും ആ കുപ്പിവളകളിൽ ചിലതുണ്ട്.

മാല: നേവി ബ്ലൂ കളർ ഒരു ചുരിദാർ ഇട്ടാണ് ഞാൻ രാധികയെ ആദ്യമേ കാണുന്നത്.

രാധിക: എനിക്ക് അത് ഇപ്പോഴും ഓർമ്മയുണ്ട്.

ആ മരത്തിന്റെ മൂട്ടിൽ ഇരിക്കുന്ന ഞങ്ങളുടെ ഗ്രൂപ്പ്. ഇടയ്ക്കിടെ ഞാൻ അത് ഓർക്കും. ആ ഒരു സന്തോഷം ഇനി കിട്ടില്ല. ആ സമയത്ത് നമുക്ക് അറിയില്ല പക്ഷെ നമ്മുടെ ജീവിതത്തിലെ ഏറ്റവും നല്ല സമയം ആണ് അത്. ഒരിക്കലും തിരിച്ചു കിട്ടാത്ത സമയം. (ജിഞ്ചർ മീഡിയ ഷോയിൽ നിന്നും )