പിന്‍തിരിഞ്ഞ് നില്‍ക്കുന്ന മോഹന്‍ലാല്‍, പിന്നില്‍ ആന്റണിയുടെ മകന്‍; സുരക്ഷിതയായി വീണ്ടും വിസ്മയ മോഹന്‍ലാല്‍

പ്രണവ് മോഹന്‍ലാലിന് പിന്നാലെ, മോഹന്‍ലാലിന്റെ മകള്‍ വിസ്മയ മോഹന്‍ലസാലും അഭിനയത്തിലേക്ക് വരുന്നു എന്നത് മലയാളികളെ സംബന്ധിച്ച് ആഘോഷം തന്നെയായിരുന്നു. പ്രഖ്യാപനവും ലോഞ്ചിങ് സെറമണിയും എല്ലാം അത്രമേല്‍ ആഘോഷിച്ചതുമാണ്. ജൂഡ് ആന്റണി ജോസഫ് സംവിധാനം ചെയ്യുന്ന ചിത്രത്തിന്റെ ടൈറ്റില്‍ പോസ്റ്റര്‍ ദിവസങ്ങള്‍ക്ക് മുന്‍പ് വന്നത് വൈറലായിരുന്നു

ആദ്യം പുറത്തുവന്ന പോസ്റ്ററില്‍ വിസ്മയയെ മാത്രമേ ഫോക്കസ് ചെയ്തിരുന്നുള്ളൂ. ബസ്സിൻറെ വിൻറോ സീറ്റിൽ ഇളം പുഞ്ചിരിയോടെ എന്തോ ആലോചിച്ചിരിയ്ക്കുന്ന വിസ്മമയെയാണ് പോസ്റ്ററിൽ കണ്ടത്. പിന്നിൽ ആശിഷിനെയും അവ്യക്തമായി കാണാം. അദൃശ്യമായി ആ പോസ്റ്ററില്‍ മോഹന്‍ലാലിൻറെ സാന്നിധ്യവും ചർച്ചയായിരുന്നു. പോസ്റ്ററില്‍ മാത്രമല്ല, സിനിമയിലും ശക്തമായ റോളില്‍ മോഹന്‍ലാല്‍ ഉണ്ട് എന്ന് കാണിക്കുന്നതാണ് ഇപ്പോള്‍ പുറത്തുവന്ന പോസ്റ്റര്‍.

Also Read: ധ്യാനിനൊപ്പം ചെറിയ റോളില്‍ തുടക്കം കുറിച്ച റോഷന്‍, ഇന്ന് നയന്‍താര, അലിയ ഭട്ട്, ജാന്‍വി കപൂര്‍ സിനിമകളിലെ താരം!

പോസ്റ്ററില്‍ പിന്‍തിരിഞ്ഞ് നില്‍ക്കുന്ന മോഹന്‍ലാലിനും, പിന്നില്‍ ആന്റണി പെരുമ്പാവൂരിന്റെ മകന്‍ ആശിഷും നില്‍ക്കുന്നതിന് നടുവിലാണ് വിസ്മയയെ കാണാന്‍ സാധിക്കുന്നത്. റിയല്‍ ലൈഫില്‍ നിന്നും വ്യത്യസ്തമായ, ഇതുവരെ കാണാത്ത ലുക്കിലാണ് വിസ്മയയെ കാണുന്നത്. കണ്ണുകള്‍ വളരെ ആകര്‍ഷണീയമാണ്.

ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ നിര്‍മിക്കുന്ന ചിത്രത്തില്‍, മകന്‍ ആശിഷ് ഒരു പ്രധാന വേഷം ചെയ്യുന്നു എന്ന കാര്യം ലോഞ്ചിങ് ചടങ്ങില്‍ വ്യക്തമാക്കിയതാണ്. എന്നാല്‍ മോഹന്‍ലാലിന്റെ സാന്നിധ്യം ആരധകര്‍ക്ക് സര്‍പ്രൈസ് തന്നെയാണ്. ചിത്രം 2026 ഓണത്തിന് തിയേറ്ററുകളിലേക്ക് എത്തും എന്നാണ് നിലവിലെ വിവരം

Also Read: ഭയമോ മോൾക്കോ ഇന്ന് കൊച്ചുകുഞ്ഞല്ല കേട്ടോ 12 കാരി; ഏറെനാളത്തെ കാത്തിരിപ്പിന് ശേഷം ലഭിച്ച രേവതിയുടെ സ്വന്തം മാഹി

മകളുടെ സിനിമയ്ക്ക് സകല പിന്തുണയും നല്‍കി മോഹന്‍ലാല്‍ സജീവമാണ്. ഏറ്റവും നല്ല തുടക്കം മകളുടെ തുടക്കം എന്ന ചിത്രത്തിന് ലഭിക്കണം എന്ന പാര്‍ത്ഥനയാണ് നടന്. പിന്തുണയുമായി പ്രണവ് മോഹന്‍ലാലും പോസ്റ്റര്‍ ഷെയര്‍ ചെയ്തിട്ടുണ്ട്. വിസ്മയയ്ക്ക് ഇതൊരു മികച്ച തുടക്കമാവട്ടെ എന്നാണ് ലോകമെമ്പാടുമുള്ള മോഹൻലാൽ ആരാധകരും മലയാളികളും ആശംസിക്കുന്നത്. തുടർന്ന് സിനിമയിൽ സജീവമാവുമോ എന്ന ചോദ്യത്തിന്, ആദ്യത്തെ സിനിമയുടെ രിലീസിന് ശേഷം തീരുമാനിക്കാം എന്ന അഭിപ്രായമാണ് മോഹൻലാലിനും സുത്രിയ്ക്കും