പേര് മാറ്റി പേളി! 36 വയസായപ്പോഴേക്കും എത്തിപ്പിടിക്കാവുന്നതെല്ലാം നേടി; തന്റെ ജീവിതത്തിലെ റിയൽ ഹീറോ മമ്മിയെന്നും താരം

തന്റെ പേരിലെ അക്ഷരങ്ങളുടെ എണ്ണം വെട്ടി കുറച്ചാണ് ഇപ്പോൾ താരം എത്തിയിരിക്കുന്നത്. പേരിലെ മാറ്റം വേഗം മനസിലാകില്ല എങ്കിലും Pearle Maaney എന്ന് എഴുതുന്ന പേരാണ് pearlemaany എന്ന രീതിയിൽ ഇൻസ്റ്റയിൽ താരം മാറ്റിയത്. ഒരു പക്ഷേ ന്യൂമറോളജി പ്രകാരം വരുത്തിയ മാറ്റം ആയിരിക്കാം ഇതെന്നാണ് സോഷ്യൽ മീഡിയ പറയുന്നത്. കൗതുകം നിറഞ്ഞ പേരുകൾ ആണ് മക്കൾക്ക് വേണ്ടിയും പേളിയും ശ്രീനിയും കണ്ടെത്തിയത്

അതേസമയം തന്റെ ജീവിതത്തിലെ റിയൽ ഹീറോ മമ്മി ആണെന്നും ഒരു ആരാധികയുടെ കമന്റിന് മറുപടിയായി പേളി പറയുന്നു.

'ഒരിക്കൽ ഞാൻ എന്റെ സഹോദരിയോടൊപ്പം പേളിയുടെ വീട്ടിൽ അവളുടെ സുഹൃത്തിനെ കാണാൻ പോയി. സത്യത്തിൽ പേളിയെ കാണുന്നതിന്റെ ആവേശമായിരുന്നു, പക്ഷേ അവൾ നിലയെ ഉറക്കുന്ന തിരക്കിലായിരുന്നു- ആരാധിക പറഞ്ഞു തുടങ്ങുന്നു. .

അവിടെവച്ചാണ് പേളിയുടെ അമ്മയെ ഞാൻ കണ്ടത്... സത്യം പറഞ്ഞാൽ, അവരുടെ പെരുമാറ്റം ആളുകളോടുള്ള സ്നേഹം ഒക്കെയും എന്നെ അത്ഭുതപ്പെടുത്തി. അവർ ഞങ്ങളെ പൂർണ്ണമായും അവരുടെ വീട്ടിലെ അംഗങ്ങളെ പോലെ മാറ്റി. എപ്പോഴും പേളിയെയും അച്ഛനെയും കുറിച്ച് ആണ് പൊതുവെ ആളുകൾ ചർച്ച ചെയ്യുക പതിവ്. പക്ഷേ പേളിയുടെ യഥാർത്ഥ ശക്തി അവരുടെ അമ്മയാണ്.

പേളിയുടെ 'അമ്മ ചുറ്റുമുള്ള എല്ലാവരിലും യഥാർത്ഥ ദയ വളർത്തുകയും സ്നേഹത്തോടെ പെരുമാറുകയും അവരുടെ സന്തോഷത്തിനായി നിലകൊള്ളുകയും ചെയ്യുന്ന ആളാണ് . പേളിക്ക് ഈ മനോഹരമായ ഗുണങ്ങളെല്ലാം അവളുടെ അമ്മയിൽ നിന്നും അച്ഛനിൽ നിന്നും പാരമ്പര്യമായി ലഭിച്ചതാണെന്ന് ഞാൻ വിശ്വസിക്കുന്നു എന്ന് സംഗീത കുറിച്ചപ്പോൾ മമ്മി ഈസ് ദി റിയൽ ഹീറോ എന്നാണ് പേളി മറുപടി നൽകിയത്.