പോസ്റ്റ്പാര്‍ട്ടം അത്ര എളുപ്പമല്ല, സഹായം തേടേണ്ടി വന്നു എന്ന് കാജള്‍ അഗര്‍വാള്‍; ഗൗതം ഇല്ലാതെ ചിന്തിക്കാന്‍ പറ്റില്ല

പോസ്റ്റപാര്‍ട്ടം എന്നത് ഒട്ടും എളുപ്പമുള്ള ഒന്നല്ല എന്ന് കാജള്‍ അഗര്‍വാള്‍ . എന്നെ സംബന്ധിച്ച് പിന്തുണയ്ക്കാന്‍ എനിക്കൊരുപാട് പേരുണ്ടായിരുന്നു. എന്റെ ഫാമിലിയാണെങ്കിലും ഇന്‍ലോസ് ആണെങ്കിലും എല്ലാം അത്രയേറെ സപ്പോര്‍ട്ടീവും കൈന്റുമായിരുന്നു എന്നോട്. അതിനെക്കാള്‍ അപ്പുറം അത്രയും സപ്പോര്‍ട്ടീവായ ഒരു ഭര്‍ത്താവിനെയും എനിക്ക് കിട്ടി. അതുകൊണ്ടു തന്നെ കുഞ്ഞ് പിറന്നതിന് ശേഷം കരിയര്‍ ബാലന്‍സ് ചെയ്യുക എന്നത് എന്നെ സംബന്ധിച്ച് വലിയ പ്രയാസമായിരുന്നില്ല.

എന്നിരുന്നാലും കൈവിട്ടു പോകുന്ന ചില സന്ദര്‍ഭങ്ങളുണ്ടാവും. എന്തൊക്കെയായാലും പോസ്റ്റ്പാര്‍ട്ടം എന്നത് അത്ര എളുപ്പമുള്ള ഒന്നല്ല. എനിക്ക് അതില്‍ സഹായം തേടേണ്ടി വന്നിട്ടുണ്ട്. ഷൂട്ടിങിന് പോകേണ്ടതും, മകനെ വിട്ടിട്ട് പോകുന്നതിനും ഇടയില്‍ അനുഭവിക്കുന്ന വേദനയും, ആ വഴി കണ്ടെത്തുന്നതും വളരെ പ്രയാസമായിരുന്നു. പക്ഷേ അവനെ കണ്‍വിന്‍സ് ചെയ്ത്, ജോലിയില്‍ വീഴ്ചവരുത്താതെ ഞാന്‍ അത് ചെയ്‌തെടുത്തു.

കുത്തിവെപ്പ് എടുത്തോ എന്നുള്ള ചോദ്യം, അഞ്ച് വര്‍ഷം കഷ്ടപ്പെട്ടിട്ടാണ് എന്ന് കാജള്‍; എന്ത് ചെയ്താലും കുറ്റമാണ്!കുഞ്ഞിന് മൂന്ന് മാസം ഉള്ളത് മുതല്‍ ഷൂട്ടിങ് തിരക്കുകളായിരുന്നു. അപ്പോള്‍ അത്ര പ്രയാസമായിരുന്നില്ല, കാരണം അവന് തിരിച്ചറിവുകള്‍ വന്നിട്ടില്ല, ആവശ്യങ്ങളില്ല. ഒരു വയസ്സ് വരെയൊക്കെ പ്രയാസമില്ലാതെ പോയി. പക്ഷേ ഇപ്പോള്‍ അത് അങ്ങനെയല്ല. അവിടെ എനിക്കേറ്റവും വലിയ ഭാഗ്യം ഭര്‍ത്താവ് ഗൗതം കിച്ച്‌ലു തന്നെയാണ്. എനിക്ക് ഷൂട്ടിങ് തിരക്കുകള്‍ ഉണ്ടാവുമ്പോള്‍ അദ്ദേഹം മാനേജ് ചെയ്യും, അദ്ദേഹത്തിന്റെ തിരക്കുകളില്‍ ഞാനും മറ്റ് ഷൂട്ടുകള്‍ ഏറ്റെടുക്കില്ല. അത്രയധികം എന്റെ കരിയറിനെ സപ്പോര്‍ട്ട് ചെയ്യുന്ന ആളാണ് ഗൗതം, ഗൗതം ഇല്ലാതെ എനിക്കൊന്നും ചെയ്യാന്‍ പറ്റില്ല എന്ന സ്റ്റേജിലാണ് ഇപ്പോള്‍ എന്റെ ലൈഫ്. ജോലികള്‍ തിരക്കുകള്‍ ആവുമ്പോഴും ഞങ്ങള്‍ ഞങ്ങളുടേതായ സമയം കണ്ടെത്താറുണ്ട് എന്നും കാജള്‍ പറയുന്നു

ഈ സാഹചര്യത്തിലാണ് ദീപിക പദുക്കോണ്‍ പറഞ്ഞ കാര്യത്തോട് കാജള്‍ യോജിക്കുന്നത്. എട്ട് മണിക്കൂര്‍ എന്ന സമയ പരിതി എല്ലാ തൊഴിലിടത്തിലും എന്നത് പോലെ സിനിമയിലും വേണം എന്ന കാജലിന്റെ ആവശ്യത്തോട് പൂര്‍ണമായും യോജിക്കുന്നു. അത് ആവശ്യം എന്നതിനുപരി അത്യാവശ്യമാണ്. നമുക്ക് ഒരു ലൈഫ് ഉണ്ട്, പ്രയോരിറ്റികളുണ്ട് എന്നത് തിരിച്ചറിയണം എന്നാണ് കാജള്‍ അഗര്‍വാള്‍ പറയുന്നത്.

എന്റെ അമ്മയെ പോലെ ഒരു അമ്മയാവണം എന്നതാണ് തന്‍രെ ആഗ്രഹം എന്നും നടി പറഞ്ഞു. ഒന്നിനും നോ പറയാത്ത, ഏത് സാഹചര്യത്തെയും തരണം ചെയ്യുന്ന പവര്‍ഫുള്‍ ആയ അമ്മയാണ് എന്റേത്. എനിക്ക് ഏതൊരു സമയത്തും മെന്റല്‍ സപ്പോര്‍ട്ടിനും ഒപ്പമുണ്ട്. അമ്മ കൂടെയുണ്ടെങ്കില്‍ എന്തിനും എനിക്ക് ധൈര്യമാണ്. അതുപോലെ ഒരു അമ്മയാവണം എന്നാണ് എന്റെ ആഗ്രഹം. അമ്മയുടെ അത്രയും ഇല്ലെങ്കിലും, അതിന്റെ പാതിയെങ്കിലും എത്തിയാല്‍ വലിയ നേട്ടമാണെന്നാണ് കാജള്‍ അഗര്‍വാള്‍ പറയുന്നത്‌