പ്രഖ്യാപിക്കുക മാത്രമേ ഉള്ളോ, സിനിമകളൊന്നും വെളിച്ചം കാണില്ലേ? ഹാരി രാജകുമാരനെയും മേഗൻ മാർക്കിളിനെയും കാളിയാക്കി ആളുകൾ

Authored by: അശ്വിനി പി|Samayam Malayalam•26 Jul 2025, 1:44 pm

സമീപകാലത്തായി ബ്രീട്ടീഷ് രാജകുടുംബത്തിലെ ഇളമുറക്കാരനായ ഹാരി രാജകുമാരനും പങ്കാളി മേഗൻ മാർക്ക്ളും ചില സിനിമകൾ പ്രഖ്യാരിച്ചിരുന്നു. എന്നാൽ അതൊന്നും അടുത്തെങ്ങും ബിഗ് സ്ക്രീനിൽ എത്താനുള്ള സാധ്യത കാണുന്നില്ല. പ്രഖ്യാപിയ്ക്കുക മാത്രമേ ചെയ്യുന്നുള്ളോ, ഇതൊന്നും വെളിച്ചം കാണില്ലേ എന്നാണ് ആരാധകരുടെ ചോദ്യം

കാർലി ഫോർച്യൂണിന്റെ ബെസ്റ്റ് സെല്ലിംഗ് റൊമാൻസ് നോവലിന്റെ ചലച്ചിത്രാവിഷ്കാരമായി മീറ്റ് മി ദ ലേക്ക് എന്ന ചിത്രം ഹാരി രാജകുമാരനും മേഗൻ മാർക്ക്ളും പ്രഖ്യാപിച്ചിരുന്നു. എന്നാൽ ചിത്രത്തിന്റെ ചിത്രീകരണം ആരംഭിയ്ക്കുന്നത് പോയിട്ട് സംവിധായകനെ കണ്ടെത്താനോ അഭിനേതാക്കളെ തിരഞ്ഞെടുക്കാനും ഇതുവരെ നിർമാതാക്കളായ രാജകുമാരനും പങ്കാളിയ്ക്കും സാധിച്ചിട്ടില്ല.

Also Read: തെറാപ്പിയെക്കാൾ ഇത് ചെലവ് കുറഞ്ഞതാണ്, ലാഭവും; വേർപിരിയൽ വിവാദങ്ങൾക്കിടയിൽ തന്റെ ഹീലിങ് പ്രോസസിനെ കുറിച്ച് ആർതി രവി

ഓടിടി പ്ലാറ്റ്ഫോമായ നെറ്റ്ഫ്ളിക്സിലൂടെ ചിത്രം സ്ട്രീം ചെയ്യും എന്നായിരുന്നു പ്രഖ്യാപിയ്ക്കുമ്പോൾ പറഞ്ഞിരുന്നത്. എന്നാൽ ഈ വർഷത്തോടെ ഹാരി രാജകുമാരനും മേഗൻ മാർക്ക്ളിനും നെറ്റ്ഫ്ളിക്സുമായുള്ള കരാർ അവസാനിക്കും. ഇനിയുള്ള അഞ്ച് മാസത്തിനുള്ളിൽ എങ്ങനെ സംവിധായകനെ കണ്ടെത്തി, അഭിനേതാക്കളെ കണ്ടെത്തി സിനിമ ചിത്രീകരിച്ച് റിലീസ് ചെയ്യും എന്നാണ് ആളുകളുടെ ചോദ്യം. മൂന്ന് മില്യൺ ഡോളർ നൽകിയാണ് നെറ്റ്ഫ്ളിക്സിന്റെ സ്ളോട്ട് രാജകുടുംബം ബ്ലോക്ക് ചെയ്തത്. ആ കാശ് പോകുന്ന സാധ്യതയാണ് കാണുന്നത്.

നെറ്റ്ഫ്ലിക്സിനുവേണ്ടി എന്തെങ്കിലും ഉണ്ടാക്കുമ്പോൾ, അത് സ്ട്രീമറിൽ എത്താൻ വളരെ സമയമെടുക്കും — ഓരോ രാജ്യത്തിനും അനുയോജ്യമാക്കാൻ പോസ്റ്റ്-പ്രൊഡക്ഷനിൽ ഒരുപാട് കാര്യങ്ങൾ ചെയ്യാനുണ്ട്. ഈ വർഷം കരാർ അവസാനിക്കുകയാണെങ്കിൽ, ഈ സിനിമ എപ്പോഴാണ് നിർമ്മിക്കാൻ പോകുന്നത് എന്നാണ് ആരാധകരുടെയും മാധ്യമങ്ങളുടെയും ചോദ്യം.


നേരത്തെ, ഹാരി രാജകുമാരനും മേഗർ മാർക്ക്ളും ആഫ്രിക്കയിൽ ഒരു ഡോക്യുമെന്ററിയിൽ പ്രവർത്തിക്കുകയാണെന്ന് സൂചിപ്പിച്ചിരുന്നു. എന്നാൽ അതും മാറ്റിവെച്ചിരിക്കുകയാണ്. ഈ സാഹചര്യത്തിലാണ് പ്രഖ്യാപനം മാത്രമേയുള്ളോ, സിനിമ ഇല്ലേ എന്ന ചോദ്യവുമായി ചിലർ രംഗത്തെത്തിയത്.