പ്രണയ ​ഗോസിപ്പുകൾക്കിടയിൽ ധ്രുവ് വിക്രമിന് പിറന്നാൾ ആശംസകളുമായി അനുപമ പരമേശ്വരൻ; അത്ഭുതങ്ങൾ നിന്നെ കാത്തിരിക്കുന്നു

Authored by: അശ്വിനി പി|Samayam Malayalam•24 Sept 2025, 11:12 am

ചിയാൻ വിക്രമിന്റെ മകനും നടനുമായ ധ്രുവ് വിക്രമിന്റെ ജന്മദിനമാണ് ഇന്ന്. 28 വയസ്സുകാരനായ ധ്രുവിന് ആശംസകളുമായി ആരാധകരും സഹപ്രവർത്തകരും സുഹൃത്തുക്കളും എല്ലാം എത്തുന്നു. അതിൽ ഏറ്റവും അധികം ശ്രദ്ധ നേടിയത് നടി അനുപമ പരമേശ്വരന്റെ ആശംസാ പോസ്റ്റ് ആണ്.

ഇരുവരും ഒന്നിച്ച് അഭിനയിക്കുന്ന ബൈസൺ എന്ന ചിത്രത്തിന്റെ പൂജ സമയത്ത് എടുത്ത ചിത്രങ്ങൾ പങ്കുവച്ചുകൊണ്ടാണ് അനുപമയുടെ പോസ്റ്റ്. എനിക്കറിയാവുന്നവരിൽ ഏറ്റവും അഭിനിവേശമുള്ള നടന് ജന്മദിനാശംസകൾ. അത്ഭുതങ്ങൾ നിറഞ്ഞ ഒരു വർഷം നിങ്ങൾക്കായി കാത്തിരിയ്ക്കുന്നു ബൈസൺ- എന്ന് പറഞ്ഞാണ് ക്യാപ്ഷൻ നൽകിയിരിക്കുന്നത്. പോസ്റ്റിന് താഴെ ലവ് ഇമോജികളുമായി ധ്രുവ് വിക്രവും എത്തി.

Also Read: ഇതെനിക്ക് സ്വപ്ന സാക്ഷാത്കാരമല്ല, സ്വപ്നം കണ്ടിട്ടില്ല എന്ന് മോഹൻലാൽ; ഷാരൂഖ് സുചിത്രയ്ക്ക് സീറ്റ് കൊടുത്തതു മുതൽ, ലാലേട്ടൻ വിളി വരെ എല്ലാം!

മാരി സെൽവരാജ് സംവിധാനം ചെയ്യുന്ന ബൈസൺ എന്ന ചിത്രത്തിന്റെ ഷൂട്ടിങ് സെറ്റിൽവച്ചാണ് ഇരുവരും പരിചയപ്പെട്ടത്. എന്നാൽ സൗഹൃദത്തിനപ്പുറമുള്ള ഒരു ബന്ധം ധ്രുവ് വിക്രമും അനുപമയും തമ്മിലുണ്ട് എന്ന് തെളിയികുന്ന ഒരു ചിത്രം നേരത്തെ വൈറലായിരുന്നു. ഒരു ലിപ് ലോക്ക് ചിത്രത്തിന്റെ ഫോട്ടോയ്ക്കൊപ്പമാണ് പ്രണയ ഗോസിപ്പ് പ്രചരിച്ചത്. അത് ലൊക്കേഷൻ ചിത്രമല്ല എന്നതും വ്യക്തമായിരുന്നു. എന്നാൽ പ്രണയ ഗോസിപ്പിനോട് ഇരുവരും പ്രതികരിച്ചിട്ടുമില്ല.

Also Read: സ്വിം സ്യൂട്ടിൽ സായി പല്ലവി; ഇതിന് കുഴപ്പമില്ലേ എന്ന് വിമർശനം, എന്തുകൊണ്ട് ഈ ചിത്രങ്ങൾ ഒരു ചർച്ചയാവുന്നു?

ആദിത്യവർമ എന്ന ചിത്രത്തിലൂടെ 2019 ൽ ആയിരുന്നു ധ്രുവ് വിക്രമിന്റെ തുടക്കം. അഭിനയത്തിലേക്ക് മാത്രമല്ല, സിനിമയുടെ മറ്റ മേഖലകളിലേക്കും ഉള്ള തുടക്കമായിരുന്നു അത്. ധ്രുവ് അഭിനയിക്കുന്ന നാലാമത്തെ സിനിമയാണ് ബൈസൺ, എന്നാൽ അതിലേറെ ചിത്രങ്ങളിൽ ധ്രുവ് പാട്ട് എഴുതുകയും പാടുകയും ചെയ്തിട്ടുണ്ട്.

2015 ൽ പ്രേമം എന്ന മലയാള സിനിമയിലൂടെ അഭിനയാരങ്ങേറ്റം കുറിച്ച നടിയാണ് അനുപമ പരമേശ്വരൻ . എന്നാൽ മലയാളത്തെക്കാൾ സ്വീകാര്യത ലഭിച്ചത് തെലുങ്ക് സിനിമാ ലോകത്താണ്. പർദ്ദ എന്ന പാൻ ഇന്ത്യൻ ചിത്രമാണ് ഏറ്റവുമൊടുവിൽ അനുപമ പരമേശ്വരന്റേതായി പുറത്തിറങ്ങിയത്. ധ്രുവും അനുപമയും ഒന്നിച്ചഭിനയിച്ച ബൈസൺ ഒക്ടോബർ 17 ന് റിലീസ് ചെയ്യും എന്നാണ് നിലവിലെ വിവരം.