9 months ago
8
Authored byഅശ്വിനി പി | Samayam Malayalam | Updated: 29 Mar 2025, 12:27 pm
ഒരിക്കല് നിശ്ചയിച്ചുറപ്പിച്ച വിവാഹം മുടങ്ങിയതിന് ശേഷം തൃഷ നിരന്തരം കേട്ട ചോദ്യമായിരുന്നു എപ്പോഴാണ് വിവാഹം എന്നത്. പ്രണയം എന്നും വിജയിക്കും എന്ന് പറഞ്ഞ് ഇപ്പോള് നടി പങ്കുവച്ച ഫോട്ടോ ആണ് സോഷ്യല് മീഡിയയില് വൈറലാവുന്നത്
തൃഷ കൃഷ്ണൻ പങ്കുവച്ച ഫോട്ടോപ്രണയം എന്നും വിജയ്ക്കും
പച്ച നിറത്തിലുള്ള സാരിയുടുത്ത്, തലയില് മുല്ലപ്പൂവ് ചൂടി, കല്യാണപ്പെണ്ണിനെ പോലെ ഒരുങ്ങുന്ന ഒരു ഫോട്ടോ ആണ് തൃഷ ഏറ്റെവുമൊടുവില് തന്റെ ഇന്സ്റ്റഗ്രാമില് പങ്കുവച്ചിരിയ്ക്കുന്നത്. ഫോട്ടോയെക്കാള്, അതിന് നല്കിയിരിക്കുന്ന ക്യാപ്ഷനാണ് കൂടുതല് സംശയിപ്പിയ്ക്കുന്നത്. 'പ്രണയം എന്നും വിജയിക്കും' എന്നാണ് നാണിച്ച് ചിരിച്ച് തല താഴ്ത്തുന്ന ചിത്രത്തിനൊപ്പം തൃഷ പറയുന്നത്.
എന്താണ് സംഭവിക്കുന്നത്
ഇന്റസ്ട്രിയിലെ തൃഷയുടെ അടുത്ത സുഹൃത്തുക്കളും ആരാധകരും നടിയുടെ സൗന്ദര്യത്തെ പ്രശംസിച്ചുകൊണ്ടാണ് കമന്റ് ബോക്സില് എത്തുന്നത്. എന്നാല് ചിലര്ക്ക് എന്താണ് സംഭവിക്കുന്നത് എന്ന് അറിയില്ല. ഇവിടെ എന്താണ് സംഭവിക്കുന്നത്, കല്യാണമാണോ എന്നൊക്കെ ചോദിച്ചുകൊണ്ടുള്ള കമന്റുകള് ഫോട്ടോയ്ക്ക് താഴെ വരുന്നു.
ഷൂട്ടിങ് ചിത്രമാണോ
ഏതെങ്കിലും സിനിമയുടേതോ ആഡ് ഫിലിമിന്റെയോ ഷൂട്ടിങിന് ഇടയില് എടുത്ത ഫോട്ടോ ആണോ, അതോ ശരിക്കും ഈ 41 ആം വയസ്സില് തൃഷ വിവാഹത്തിന് ഒരുങ്ങുകയാണോ ന്നൊണ് ആരാധകരുടെ കണ്ഫ്യൂഷന്. എന്തെന്നാല് ഇതിന് മുന്പ് പല തവണ ചില ആഡ് ഫിലിം ഷൂട്ടിന്റെ ഫോട്ടോകള് ഇതുപോലെ വിവാഹം എന്ന് പറഞ്ഞ് പ്രചരിച്ചിട്ടുണ്ട്.
മുടങ്ങിപ്പോയ വിവാഹം
2015 ല് ആണ് തൃഷയുടെ വിവാഹ നിശ്ചയം കഴിഞ്ഞത്. വരുണ് മണിയന് എന്ന ആളുമായി നടന്ന വിവാഹ നിശ്ചയം പ്രൗഢ ഗംഭീരമായിരുന്നു. എന്നാല് വിവാഹത്തിന് മുന്പേ അത് മുടങ്ങിപ്പോയി. അതിന് ശേഷം, കല്യാണം സംഭവിക്കുമ്പോള് സംഭവിക്കും. സംഭവിച്ചാലും ഇല്ലെങ്കിലും അത് തന്നെ ഒരു തരത്തിലും ബാധിക്കുന്നില്ല, കല്യാണം കഴിഞ്ഞില്ലെങ്കില് കുറ്റബോധവും ഇല്ല എന്നാണ് തൃഷ പറഞ്ഞത്
രചയിതാവിനെക്കുറിച്ച്അശ്വിനി പിഅശ്വിനി- സമയം മലയാളത്തില് എന്റര്ടൈന്മെന്റ് സെക്ഷനില് സീനിയർ ഡിജിറ്റൽ കണ്ടൻ്റ് പ്രൊഡ്യൂസർ ആയി പ്രവൃത്തിയ്ക്കുന്നു. സിനിമ മേഖലയെ വളരെ ഗൗരവമായി കാണുകയും ആ വിഷയത്തെ കുറിച്ച് അറിയാനും എഴുതാനും താത്പര്യം. സിനിമാ രംഗത്തെ എഴുത്തുകാരുമായും സംവിധായകന്മാരായും അഭിനേതാക്കളുമായി അഭിമുഖം നടത്തിയിട്ടുണ്ട്. വണ്, ഇന്ത്യ ഫില്മിബീറ്റ് പോലുള്ള ദേശീയ മാധ്യമങ്ങളില് പ്രവൃത്തിച്ചു. നവമാധ്യമ രംഗത്ത് പത്ത് വര്ഷത്തെ പ്രവൃത്തി പരിചയം. പൊളിട്ടിക്കല് സയന്സില് ബിരുദവും ജേര്ണലിസത്തില് ഡിപ്ലോമയും നേടി.... കൂടുതൽ വായിക്കുക
English (US) ·