പ്രണയം, പ്രസവം, മതംമാറ്റം, കേസ് എന്നിങ്ങനെ എണ്ണിയാല്‍ തീരാത്ത വിവാദങ്ങളും നയന്‍താരയും!

ചെയ്ത സിനിമകളെക്കാള്‍ നയന്‍താര പലപ്പോഴും വിവാദങ്ങളില്‍ ചെന്നുപെട്ടിട്ടുള്ളത് തന്റെ റിലേഷന്‍ഷിപ്പുകളുടെ പേരിലായിരുന്നു. അതില്‍ ഏറ്റവും ആദ്യത്തേതായിരുന്നു സിലമ്പരസന്‍ എന്ന ചിമ്പുവുമായുള്ള ബന്ധം. ഒരു ലിപ് ലോക്ക് ഫോട്ടോ പുറത്ത് വന്നതില്‍ തുടങ്ങിയതാണ് ആ പ്രശ്‌നം. ശേഷം ഇരുവരും ബ്രേക്കപ് ആയി. പിന്നീട് പ്രശ്‌നങ്ങളെല്ലാം മറന്ന് സുഹൃത്തുക്കളാകുകയും ഒന്നിച്ച് സിനിമകള്‍ ചെയ്യുകയും ചെയ്തിട്ടുണ്ട്.

നയന്‍താരയുടെ ഇമേജിനെ ഏറ്റവും അധികം ബാധിച്ച ബന്ധമായിരുന്നു പ്രഭുദേവയുമായുള്ളത്. വിവാഹിതനും രണ്ട് കുട്ടികളുടെ അച്ഛനുമായ പ്രഭുദേവയുമായുള്ള ബന്ധവും, കൈയ്യില്‍ പ്രഭുദേവയുടെ പേര് ടാറ്റു ചെയ്തതും എല്ലാം അന്ന് ചര്‍ച്ചയായിരുന്നു. നയന് വേണ്ടി പ്രഭുദേവ ഭാര്യയെ ഒഴിവാക്കി, അതിനെതിരെ അവര്‍ രംഗത്തു വന്നു. അവസാനം ആ ബന്ധം വേര്‍പിരിയുകയും ചെയ്തു, നയന്‍താരയും പ്രഭുദേവയും ഒന്നിച്ചതുമില്ല

ക്രിസ്ത്യന്‍ കടുംബത്തില്‍ ജനിച്ചുവളര്‍ന്ന പെണ്‍കുട്ടിയാണ് നയന്‍താര. പിന്നീട് മതം മാറ്റം നടത്തുകയും, നയന്‍താര എന്ന സ്‌ക്രീന്‍ നെയിം ഒഫിഷ്യലി തന്റെ പേരാക്കി മാറ്റുകയും ചെയ്തു. എന്തിന് വേണ്ടി മതം മാറി എന്നതും വലിയ വിവാദമായിരുന്നു. അതും പ്രഭുദേവയെ വിവാഹം ചെയ്യുന്നതിന് വേണ്ടിയാണെന്നാണ് വാര്‍ത്തകള്‍ പുറത്തുവന്നിരുന്നത്.

ശ്രീ രാമ രാജ്യം എന്ന തെലുങ്ക് ചിത്രത്തില്‍ സീതയായി നയന്‍താരയെ കാസ്റ്റ് ചെയ്തത് വലിയ വിവാദങ്ങള്‍ക്ക് വഴിവച്ചിരുന്നു. അന്യന്റെ കുടുംബം തകര്‍ത്ത, ബിക്കിനി ധരിക്കുന്ന നയന്‍താര സീതയായി അഭിനയിക്കാന്‍ യോഗ്യയല്ല എന്ന് പറഞ്ഞ് പല വിശ്വാസികളും രംഗത്തെത്തിയത് കോളിളക്കം സൃഷ്ടിച്ചു. എന്നിരുന്നാലും ആ വേഷം നയന്‍ തന്നെ ചെയ്യുകയും പ്രീതി പിടിച്ചുപറ്റുകയും ചെയ്തു.

അതുപോലെ തന്നെ മതപരമായി വിവാദമായ സിനിമയാണ് നയന്‍താര നിര്‍മിച്ച്, അഭിനയിച്ച അന്നപൂര്‍ണയും. ചിത്രത്തില്‍ ക്ഷേത്രത്തില്‍ പൂജ ചെയ്യുന്ന ആളുടെ മകളായി എത്തുന്ന നയന്‍താര നോണ്‍ വെജ് കഴിക്കുന്നതും, ബിരിയാണി വയ്ക്കുന്നതിന് മുന്‍പ് നിസ്‌കാരം ചെയ്യുന്നതുമൊക്കെയായ രംഗങ്ങള്‍ വലിയ വിവാദമായി. വിശ്വാസത്തെ വ്രണപ്പെടുത്തി എന്ന കാരണത്താല്‍ വലിയ വിവാദമാവുകയും നയന്‍ മാപ്പ് പറയുകയും ചെയ്തിട്ടുണ്ട്.

വാടകഗര്‍ഭധാരണയിലൂടെ നയന്‍താരയ്ക്കും വിഘ്‌നേശിനും ഇരട്ടക്കുട്ടികള്‍ ജനിച്ചതും വിവാദങ്ങള്‍ക്ക് വഴിയൊരുക്കിയിരുന്നു. വിവാഹം കഴിഞ്ഞ് മാസം ഒന്ന് കഴിയുമ്പോഴേക്കും കുട്ടികള്‍ പിറന്നു എന്ന സന്തോഷ വാര്‍ത്തയുമായി നയനും വിക്കിയും എത്തി. ഇതെങ്ങനെ നിയമപരമായി സാധ്യമാവും എന്ന ചോദ്യത്തിനൊടുവില്‍, 6 വര്‍ഷം മുന്‍പ് വിവാഹം രജിസ്റ്റര്‍ ചെയ്തു എന്ന ഡോക്യുമെന്റ്‌സുമായി നയനും വിക്കിയും എത്തി.

ഏറ്റവുമൊടുവില്‍ നയന്‍താര നേരിട്ട വിവാദമായിരുന്നു ധനുഷുമായി ഉണ്ടായത്. തന്‍രെ ഡോക്യുമെന്ററി ചിത്രത്തിന് വേണ്ടി ധനുഷ് നിര്‍മിച്ച നാനും റൗഡി താന്‍ എന്ന ചിത്രത്തിലെ, അതേ കോസ്റ്റിയൂമിലുള്ള സീനുകളും ഫോട്ടോകളും ഉള്‍പ്പെടുത്തി എന്ന് പറഞ്ഞ് വലിയ വിവാദങ്ങള്‍ ഉണ്ടായി. അത് കേസ് വരെ എത്തി. അവസാനം നഷ്ടപരിഹാരം കൊടുക്കുന്നതിലേക്കാണ് ആ കേസ് ചെന്നു നിന്നത്‌