പ്രണവിനെ മമ്മൂട്ടി വടിയെടുത്ത് തല്ലി പോ പോ എന്ന് പറഞ്ഞ് ഓടിച്ചു; അത് കണ്ട് മണിരത്നം ഞെട്ടി, സുഹാസിനി പറയുന്നു

Authored by: അശ്വിനി പി|Samayam Malayalam•8 Oct 2025, 5:06 pm

മോഹൻലാലും മമ്മൂട്ടി യും തമ്മിലുള്ള സൗഹൃദം വളരെ വലുതാണ്. ഞങ്ങൾ സുഹൃത്തുക്കളല്ല, ശരിക്കും സഹോദരങ്ങളാണ് എന്ന് പലപ്പോഴും മമ്മൂട്ടിയും മോഹൻലാലും പല വേദികളിലും തുറന്ന് പറഞ്ഞിട്ടുള്ളതുമാണ്. ആ സ്നേഹം എത്രത്തോളം വലുതാണ് എന്ന് ഇപ്പോൾ മമ്മൂട്ടിയ്ക്ക് വയ്യാതെയായ അവസ്ഥയിലും മലയാലികൾ കണ്ടു. ശബരിമലയിൽ മമ്മൂട്ടിയ്ക്ക് വേണ്ടി മോഹൻലാൽ വഴിപാടുകൾ നടത്തി. പ്രാർത്ഥനയുടെ ഫലം മമ്മൂട്ടി തിരിച്ചെത്തുന്നു. തിരിച്ചെത്തി ആദ്യം ചെയ്യുന്നതും മോഹൻലാലിനൊപ്പമുള്ള മഹേഷ് നാരായണൻ സിനിമയാണ്.

ഈ സൗഹൃദത്തെ കുറിച്ച് ചോദിക്കവെ പഴയ ഒരു സംഭവത്തെ കുറിച്ച് സുഹാസിനി മോഹൻലാലിനോട് സംസാരിക്കുന്ന ഒരു വീഡിയോ ക്ലിപ് ആണ് സോഷ്യൽ മീഡിയയിൽ ഇപ്പോൾ വൈറലാവുന്നത്. മോഹൻലാലുമായി നടത്തിയ ഒരു തമിവ് അഭിമുഖത്തിന്റെ വീഡിയോ ക്ലിപ് ആണത്.

Also Read: എനിക്കിന്ന് 18 വയസ്സ്, കാണാൻ വാപ്പിച്ചിയില്ല; വേദനയോടെ കലാഭവൻ നവാസിന്റെ മകൻ! ഈ ഡ്രസ്സ് ധരിക്കുന്നത് ഒരു ധൈര്യമാണ്

ഏതോ ഒരു സിനിമയുടെ കഥ പറയാൻ വേണ്ടി മണിരത്നം മമ്മൂട്ടിയുടെ വീട്ടിലെത്തി. അവിടെ കണ്ടത് ഓടി വന്ന ഒരു കുട്ടിയെ മമ്മൂട്ടി വടിയെടുത്ത് തല്ലി, പോ പോ എന്ന് പറഞ്ഞ് വിരട്ടി ഓടിക്കുന്നതാണ്. ആരാണ് ആ കുട്ടി എന്ന് ചോദിച്ചപ്പോൾ, അത് മോഹൻലാലിന്റെ മകൻ പ്രണവ് മോഹൻലാൽ ആണെന്ന് പറഞ്ഞു. എന്നാലും വടിയൊക്കെ എടുത്ത് തല്ലുമോ എന്ന കൗതുകത്തോടെയാണ് ഇക്കാര്യം മണിരത്നം സുഹാസിനിയോട് പറഞ്ഞത്. ഇത് നേരിട്ട് മോഹൻലാലിനോട് സുഹാസിനി ചോദിക്കുന്നു.

താനും മമ്മൂട്ടിയും തമ്മിലുള്ള ബന്ധം അങ്ങനെയാണ് എന്നാണ് മോഹൻലാൽ അതിന് മറുപടി നൽകിയത്. ചെന്നൈയിലെ വീട്ടിൽ വച്ചായിരുന്നു അത്. മമ്മൂട്ടിയുടെ മക്കളും പ്രണവും എല്ലാം ഒരു പ്രായം വരെ ഒന്നിച്ച് കളിച്ചു വളർന്നവരാണ്. പിന്നീട് പഠനത്തിന്റെ ആവശ്യത്തിനൊക്കെയായി വേർപിരിഞ്ഞതാണ് എന്ന് മോഹൻലാൽ പറയുന്നു.

Also Read: കല്യാണം കഴിച്ചാൽ അശ്വിനെ മാത്രമേ കഴിക്കൂ എന്ന് ഞാൻ ഒറ്റക്കാലിൽ നിന്ന് വാശി പിടിച്ചു എന്ന് ശ്വേത; ഞാൻ പാടാൻ വേണ്ടി എല്ലാം ത്യജിച്ച ആളാണ്!
പ്രണവ് ചെറുപ്പം മുതലേ അഭിനയിക്കുന്നുണ്ട്. ആറാം വയസ്സിൽ തന്നെ ബെസ്റ്റ് ആക്ടർ അവാർഡ് ഒക്കെ വാങ്ങിയിരുന്നു. അദ്ദേഹത്തിന്റെ ജീവിതം തീരുമാനിക്കുന്നത് അദ്ദേഹം തന്നെയാണ്. പഠനം പൂർത്തിയാക്കണം എന്ന് മാത്രമേ ഞാൻ ആവശ്യപ്പെട്ടിട്ടുള്ളൂ- എന്ന് മോഹൻലാൽ പറഞ്ഞു.