പ്രണവിന്റെയും കല്യാണിയുടെയും വിവാഹത്തിന് കാത്തിരിക്കുകയാണെന്ന്; മറുപടി നല്‍കി ലിസി

പ്രണവ് മോഹന്‍ലാലിന്റെയും കല്യാണി പ്രിയദര്‍ശന്റെയും സൗഹൃദത്തോ കുറിച്ച് പലപ്പോഴും പല തരത്തിലുമുള്ള ഗോസിപ്പുകള്‍ വന്നിരുന്നു. ഇരുവരും പ്രണയത്തിലാണെന്നും പ്രിയനോ മോഹന്‍ലാലിനോ അതിന് എതിര്‍പ്പില്ല എന്നും, ചെറുപ്പം മുതലേ അറിയാവുന്ന സുഹൃത്തുക്കള്‍ എന്ന നിലയില്‍ അവര്‍ തമ്മില്‍ വലിയ അടുപ്പമാണെന്നുമൊക്കെയായിരുന്നു ഗോസിപ്പുകള്‍. എന്നാല്‍ തുടക്കത്തില്‍ തന്നെ കല്യാണി അതിനുള്ള മറുപടി നല്‍കിയിട്ടുണ്ട്.

അപ്പു ( പ്രണവ് മോഹന്‍ലാല്‍ ) തന്റെ ഏറ്റവും അടുത്ത സുഹൃത്തുക്കളാണ്, ഞങ്ങള്‍ പരസ്പരം വിവാഹം ചെയ്യുന്നതിനെ കുറിച്ച് ചിന്തിക്കാനേ സാധിക്കില്ല എന്ന തരത്തിലായിരുന്നു കല്യാണിയുടെ പ്രതികരണങ്ങള്‍. അതിന് ശേഷം അത്തരം ഗോസിപ്പുകളും അവസാനിച്ചിരുന്നു. എന്നാല്‍ ചില ആരാധകര്‍ ഇപ്പോഴും അവരൊന്നിച്ചിരുന്നുവെങ്കില്‍ എന്ന് ആഗ്രഹിക്കുന്നു.

Also Read: നിന്നെ ഞങ്ങള്‍ക്ക് തന്നതിന് ദൈവത്തോട് നന്ദി പറയാത്ത ഒരു ദിവസം പോലുമില്ല; മകന്റെ പിറന്നാള്‍ ദിനത്തില്‍ കുഞ്ചാക്കോ ബോബന്‍

കഴിഞ്ഞ ദിവസം കല്യാണി പ്രിയദര്‍ശന്റെ അമ്മയും നടിയുമായ ലിസി പ്രിയദര്‍ശന്‍ തന്റെ വിഷി ആഘോഷത്തിന്റെ ഭാഗമായുള്ള ചില ഫോട്ടോകള്‍ പങ്കുവച്ചിരുന്നു. അതിന് താഴെ വന്ന ഒരു കമന്റ് - കല്യാണി - പ്രണവ് വിവാഹത്തിനായി കാത്തിരിക്കുന്നു- എന്നായിരുന്നു. ഉടനെ തന്നെ ലിസി അതിന് മറുപടിയുമായി എത്തി, അത് വ്യാജ വാര്‍ത്തയാണ് എന്ന്.

കല്യാണി - പ്രണവ് ബന്ധത്തെ കുറിച്ച് ഇനിയും ഗോസിപ്പുകള്‍ പ്രചരിപ്പിക്കുന്നതിനുള്ള ഉത്തമ മറുപടിയാണിതെന്ന് ചിലര്‍ പറയുന്നു. വിവാഹ മോചനത്തിന് ശേഷം അടുത്തിയാണ് ലിസിയും പ്രിയദര്‍ശനും വീണ്ടും ഒന്നിച്ചത്. മക്കളായ സിദ്ധാര്‍ത്ഥിന്റെയും കല്യാണിയുടെയും പങ്ക് അതിലുണ്ട്. സിദ്ധാര്‍ത്ഥിന്റെ വിവാഹം കഴിഞ്ഞതു മുതലേ ഒന്നിക്കാനുള്ള സാധ്യതകള്‍ ഒത്തുവന്നിരുന്നുവത്രെ.

Also Read: ഹോ മീനാക്ഷി ദിലീപ് തന്നെയായിരുന്നോ, ആദ്യം കണ്ടപ്പോള്‍ മനസ്സിലായില്ല! വിഷു വൈബില്‍ താരപുത്രിയും

നിലവില്‍ കല്യാണി പ്രിയദര്‍ശന്‍ തന്റെ സിനിമകളുമായി തിരക്കിലാണ്. ലോക ചാപ്റ്റര്‍ 1 ചന്ദ്ര എന്ന ചിത്രത്തിലൂടെ പാന്‍ ഇന്ത്യന്‍ തലത്തില്‍ തന്നെ കല്യാണിയ്ക്ക് വലിയ സ്വീകരണം ലഭിച്ചിരുന്നു. മലയാളത്തിന് പുറമെ തമിഴ്, തെലുങ്ക് ഭാഷകളില്‍ എല്ലാം മികച്ച അവസരങ്ങളാണ് കല്യാണിയ്ക്ക് ലഭിക്കുന്നത്.