പ്രണവ് ജർമ്മനയിൽ മീനാക്ഷിയും പുറത്താണ്; പൃഥ്വി എത്തിയില്ല; മഞ്ജു ഇത്തവണയും വിട്ടുനിന്നു; താര നിബിഢമായി കല്യാൺ നവരാത്രി

Authored by: ഋതു നായർ|Samayam Malayalam•26 Sept 2025, 7:32 am

ഭൂമിയിലെ നക്ഷത്രങ്ങൾ ഒന്നുചേർന്ന ആഘോഷരാവ് ആയിരുന്നു ഇക്കഴിഞ്ഞ ദിവസം. കല്യാൺ ജ്വല്ലേഴ്സിന്റെ നവരാത്രി ആഘോഷ രാവിൽ ആണ് താര നിബിഢമായ ചടങ്ങുകൾ നടന്നത്. ഹിന്ദി സൂപ്പർ താരങ്ങൾ, മല്ലു താരങ്ങൾ, തെലുഗു കന്നഡ സിനിമയിലെ പ്രമുഖർ എല്ലാവരും പങ്കെടുത്ത ചടങ്ങിൽ മലയാളത്തിലെ സൂപ്പർ താരങ്ങൾ എല്ലാം കുടുംബസമേതം ആണ് പങ്കെടുക്കാൻ എത്തിയത്. എല്ലാ വർഷവും പങ്കെടുക്കുന്ന താരങ്ങളിൽ മിക്ക ആളുകളും ഇത്തവണയും എത്തി.

കാവ്യാ മാധവൻ ദിലീപിനൊപ്പം ചേർന്നാണ് ചടങ്ങിൽ സംബന്ധിക്കാൻ എത്തിയത്. മക്കൾ രണ്ടുപേരെയും പങ്കെടുപ്പിക്കാഞ്ഞതുകൊണ്ട്തന്നെ എവിടെയെന്ന് ചോദ്യങ്ങളെത്തി. മീനാക്ഷി പുറത്താണ് എന്ന പ്രതികരണം ലഭിച്ചപ്പോൾ കാവ്യയുടെ മേക്കോവർ, ഡ്രസിങ് സ്റ്റൈൽ ഒക്കെയാണ് അടുത്ത സംസാര വിഷയം നടന്നത്. പൃഥ്വി ഇല്ലാതെ ഒറ്റക്കാണ് സുപ്രിയ മേനോൻ പങ്കെടുക്കാൻ എത്തിയത്.

കല്യാൺ സിൽക്‌സ് ബ്രാൻഡ് അംബാസിഡർ കൂടിയായ പൃഥ്വി ഷൂട്ടിങ് തിരക്കിൽ ആയതുകൊണ്ടാണ് സുപ്രിയ ഒറ്റക്ക് എത്തിയത്. പൂര്ണിമ ഭർത്താവ് ഇന്ദ്രജിത്തിന് ഒപ്പം എത്തിയപ്പോൾ പേളി മക്കൾക്കും ശ്രീനിക്കും ഒപ്പമാണ് എത്തിയത്. ആരാധകർ പറയുന്നതിന് അനുസരിച്ചു അവർക്ക് ഒപ്പം അവരിൽ ഒരാൾ ആയി ചേർന്നുനിൽക്കാൻ പേളി ശ്രമിച്ചു.

അതേസമയം മഞ്ജുവാര്യർ ചടങ്ങിൽ പങ്കെടുക്കാൻ എത്തിയില്ല. മുൻപും കാവ്യാ ദിലീപ് കുടുംബം പങ്കെടുക്കാൻ എത്തിയപ്പോൾ മഞ്ജു ആ ചടങ്ങിൽ നിന്നും വിട്ടുനിന്നിരുന്നു. മഞ്ജു വാര്യർ ഇന്ഡസ്ട്രിയിലേക്ക് തിരികെ എത്തിയപ്പോൾ കല്യാൺ ജ്യൂവലറി ആഡ്‌സിൽ ആയിരുന്നു ആദ്യ തുടക്കം കുറിച്ചത്. പിന്നീട് ഏറെക്കാലം ബ്രാൻഡ് അംബാസിഡർ ആയിരുന്നു മഞ്ജു.

ALSO READ: സുചിത്രയ്ക്ക് അവരുടേതായ സ്റ്റൈൽ ഉണ്ട്! എളിമയാണ് മെയിൻ; അല്ലെങ്കിൽ ഷാജോണിനെ കണ്ടപ്പോൾ പോലും എഴുനേൽക്കണോ

ലാലേട്ടൻ ഇല്ലാതെ സുചിത്ര ആന്റണി പെരുമ്പാവൂരിനും ഭാര്യക്കും ഒപ്പമാണ് എത്തിയത്. പ്രണവ് ജർമ്മനിയിൽ ആണ്. ചേട്ടൻ ഷൂട്ടിലെന്നും സുചിത്ര പറഞ്ഞു.

കല്യാണി പ്രിയദർശൻ ഒറ്റയ്ക്കാണ് ചടങ്ങിൽ പങ്കെടുക്കാൻ എത്തിയത്. ലോകയുടെ വമ്പൻ വിജയത്തിന് ശേഷം കല്യാണി പങ്കെടുക്കാൻ എത്തിയ ചടങ്ങ് കൂടി ആയിരുന്നു ഇത്.

കന്നഡ തെലുഗു, ബോളിവുഡ് താരങ്ങൾ മിക്ക ആളുകളും ഈ ചടങ്ങിൽ പങ്കെടുക്കാൻ എത്തുകയും താര നിബിഢമായി കല്യാൺ നവരാത്രി ആഘോഷം ഇവർ ആഘോഷിക്കുകയും ചെയ്തു. ചടങ്ങിൽ സംബന്ധിച്ച എല്ലാവർക്കും ഗിഫ്റ്റ് ഹാംബർ നൽകിയാണ് കല്യാൺ മടക്കി അയച്ചത്.