പ്രായവും പക്വതയും ഒരുപാട് പഠിപ്പിച്ചു; ജീവിത വിജയം നേടിയതിനെ കുറിച്ച് സിമ്രന്‍

Authored by: അശ്വിനി പി|Samayam Malayalam•15 Nov 2025, 12:47 pm

തൊണ്ണൂറുകളില്‍ പകരം വയ്ക്കാനില്ലാത്ത അഭിനയ മികവുകൊണ്ടും ശരീര സൗന്ദര്യം കൊണ്ടും ആരാധകരുടെ മനസ്സ് കീഴടക്കിയ നടിയാണ് സിമ്രന്‍ . കരിയറില്‍ നിന്ന് ചെറിയൊരു ബ്രേക്ക് എടുത്തുവെങ്കിലും പഴയ സൗന്ദര്യം വീണ്ടെടുത്ത് ഇപ്പോഴും സിനിമകളില്‍ സജീവമാണ് നടി. എന്താണ് ഈ വിജയത്തിന്റെ രഹസ്യം എന്ന് സിമ്രന്‍ തുറന്ന് പറയുന്നു.

നമുക്കെല്ലാവര്‍ക്കും മൂന്ന് ജീവിതമാണ് ഉള്ളത്. ഒന്ന് പേഴ്‌സണല്‍ ലൈഫ്, മറ്റൊന്ന് പ്രൊഫഷണല്‍ ലൈഫ്, മൂന്നാമത്തേത് സ്വന്തം ജീവിതം (Me Life) ആ സ്വന്തം ജീവിതം എന്നതിന് കൂടുതല്‍ ശ്രദ്ധയും പ്രാധാന്യവും നല്‍കിയാല്‍ മറ്റെല്ലാം വളരെ എളുപ്പമാണ്. മി ടൈം, മി ലൈഫ് എന്നത് വളരെ പ്രധാനമാണ്, ആ ലൈഫില്‍ നമ്മള്‍ ഹാപ്പിയാണെങ്കില്‍ പ്രൊഫഷണല്‍ ലൈഫിലും പേഴ്‌സണല്‍ ലൈഫിലും നമ്മള്‍ ഹാപ്പിയായിരിക്കും, അത് ബാലന്‍സ് ചെയ്യാനും സാധിക്കും

Also Read: ഇതെന്തൊരു അമ്മയും മകളുമാണ്, എസ്തറിനൊപ്പം ഡാന്‍സ് ചെയ്ത് മീന; അമ്മ വളരാന്‍ മറന്നുപോയോ?

പണ്ടുമുതലേ ഞാന്‍ ഫോളോ ചെയ്യുന്നതാണ് അത്. ഇപ്പോള്‍ നൂറ് ശതമാനത്തിലേറെ മി ലൈഫിന് പ്രാധാന്യം നല്‍കുന്നു. പ്രായവു പക്വതയും ശരിക്കും നമ്മളെ ഒരുപാട് പഠിപ്പിക്കും- സിമ്രന്‍ പറഞ്ഞു

സനം ഹര്‍ജായി എന്ന ഹിന്ദി സിനിമയിലൂടെ 1995 ല്‍ ആണ് സിമ്രന്‍ സിനിമാ ലോകത്തേക്ക് വന്നത്. രണ്ട് മൂന്ന് ഹിന്ദി സിനിമകള്‍ക്ക് ശേഷം, ഇന്ദ്രപ്രസ്ഥം എന്ന മലയാള സിനിമയിലൂടെ സൗത്ത് ഇന്ത്യന്‍ സിനിമകളിലേക്ക് എത്തി. അതിന് ശേഷം കന്നട, തെലുങ്ക് സിനിമകളിലും അഭിനയിച്ചതിന് ശേഷമാണ് വണ്‍സ് മോര്‍ എന്ന ചിത്രത്തിലൂടെ തമിഴകത്തേക്ക് എത്തിയത്. പിന്നീട് തിരിഞ്ഞു നോക്കേണ്ടി വന്നിട്ടില്ല


ഒരു നായിക എന്ന നിലയില്‍ തമിഴ് സിനിമാ ലോകത്താണ് സിമ്രനെ ആഘോഷിച്ചത്. 2009 വരെ തമിഴ്, തെലുങ്ക് സിനിമകളിലായി സിമ്രന്‍ മിന്നി നിന്ന കാലമായിരുന്നു അത്. അതിനിടയില്‍ 2003 ല്‍ ഉറ്റ സുഹൃത്തായ ദീപക്കിനെ വിവാഹം ചെയ്തിരുന്നു. രണ്ട് മക്കളുടെ മെറ്റേണിറ്റി സമയത്താണ് പിന്നീട് സിമ്രന്‍ ബ്രേക്ക് എടുത്തത്. അതിന് ശേഷം ശരീര സൗന്ദര്യമെല്ലാം വീണ്ടെടുത്ത് പേട്ട എന്ന ചിത്രത്തിലൂടെയുള്ള തിരിച്ചുവരവ് അതി ഗംഭീരമായിരുന്നു. പിന്നീട് വില്ലത്തിയായും നായികയായുമെല്ലാം സിമ്രന്‍ വീണ്ടും സജീവമായി. ഏറ്റവുമൊടുവില്‍ ടൂറിസ്റ്റ് ഫാമിലി എന്ന ചിത്രത്തിലെ അഭിനയവും ഏറെ ശ്രദ്ധ നേടിയിരുന്നു