പ്രാവിന്‍കൂട് ഷാപ്പും പൈങ്കിളിയും അടക്കം ഓടിടിയില്‍ ഉടന്‍ വരാന്‍ പോകുന്ന സിനിമകളും വെബ് സീരീസുകളും ഏതൊക്കെ?

Authored byഅശ്വിനി പി | Samayam Malayalam | Updated: 25 Mar 2025, 12:14 pm

Samayam Malayalamഈ ആഴ്ചത്തെ ഒടിടി റിലീസ്

ഇപ്പോള്‍ തിയേറ്റര്‍ റിലീസ് പോലെ തന്നെ പ്രേക്ഷകര്‍ അറിയാനും കാണാനും കാത്തിരിയ്ക്കുന്നത് ഒടിടി റിലൂസ് വിവരങ്ങള്‍ ആണ്. തിയേറ്ററില്‍ മികച്ച പ്രതികരണം നേടിയ പ്രാവിന്‍കൂട് ഷാപ്പും പൈങ്കിലും അടക്കം പല സിനിമകളുടെയും വെബ് സീരീസുകളുടെയും ഓടിടി റിലീസ് ഡേറ്റ് പ്രഖ്യാപിച്ചു

സൗബിന്‍ ഷഹീര്‍, ബേസില്‍ ജോസഫ്, ചെമ്പന്‍ വിനോദ് ജോസ് എന്നിവരെ കേന്ദ്ര കഥാപാത്രങ്ങളാക്കി നവാഗതനായ ശ്രീരാജ് ശ്രീനിവാസന്‍ സംവിധാനം ചെയ്ത പ്രാവിന്‍കൂട് ഷാപ്പ് ഏപ്രില്‍ 11 ന് സോണി ലൈവില്‍ സ്ട്രീമിങ് ആരംഭിയ്ക്കും. ഒരു ഷാപ്പില്‍ നടക്കുന്ന മരണവും അതിനെ ചുറ്റിപ്പറ്റിയുള്ള കേസ് അന്വേഷണവുമാണ് സിനിമ.

Also Read: എത്ര ആലോചിച്ചിട്ടായിരിക്കും സായി പല്ലവി ഈ തീരുമാനം എടുത്തത്, കാലങ്ങള്‍ക്ക് ശേഷം നടി പങ്കുവച്ച ഫോട്ടോകള്‍

പ്രേക്ഷകര്‍ ഏറെ പ്രതീക്ഷയോടെ കാത്തിരിയ്ക്കുന്ന മറ്റൊരു ഒടിടി റിലീസ് ആണ് പൈങ്കിളി. അനശ്വര രാജനെയും സജിന്‍ ഗോപുവിനെയും പ്രധാന കഥാപാത്രങ്ങളാക്കി ശ്രീജിത്ത് ബാബു സംവിധാനം ചെയ്ത സിനിമ ഏപ്രില്‍ മാസത്തില്‍ ഒടിടിയില്‍ എത്തും. മനോരമ മാക്‌സ് ആണ് പൈങ്കിളിയുടെ ഒടിടി പാര്‍ട്ണര്‍. എന്നാല്‍ ഡേറ്റ് പുറത്തുവിട്ടിട്ടില്ല.

Also Read: ഒരു ദുരുദ്ദേശവും എനിക്കുണ്ടായിരുന്നില്ല, വേദനിപ്പിക്കാനല്ല, അസൂയ കൊണ്ടുമല്ല; എലിസബത്തിനോട് കേണപേക്ഷിച്ച് അഭിരാമി, മാപ്പ്! അമ്മയുടെ കരച്ചില്‍ സഹിക്കാന്‍ പറ്റുന്നില്ല

മഞ്ജു വാര്യരും വിജയ് സേതുപതിയും കേന്ദ്ര കഥാപാത്രങ്ങളായി എത്തിയ വിടുതലൈ പാര്‍ട്ട് 2 സീ ഫൈവില്‍ ആണ് സ്ട്രീമിങ് ചെയ്യാന്‍ പോകുന്നത്. മാര്‍ച്ച് 28 ന് ആയിരിക്കും സ്ട്രീമിങ് ആരംഭിയ്ക്കുന്നത്.

ഹോട്‌സ്റ്റാര്‍ സ്‌പെഷ്യല്‍ ഓം കാളി ജയ് കാളി എന്ന വെബ് സീരീസും മാര്‍ച്ച് 28 ന് സ്ട്രീമിങ് ആരംഭിയ്ക്കും. ജിയോ ഹോട്‌സ്റ്റാറില്‍ പ്രേക്ഷകര്‍ കാത്തിരിയ്ക്കുന്ന മറ്റൊരു വെബ് സീരീസാണ് മുഫാസ ദ ലയേണ്‍ കിങ്. പുതിയ ഭാഗം മാര്‍ച്ച് 26 മുതല്‍ സ്ട്രീമിങ് ആരംഭിയ്ക്കും


നെറ്റ്ഫ്‌ളിക്‌സിന്റെ യു (You) എന്ന വെബ് സീരീസിന്റെ അവസാന സീസണ്‍ റിലീസ് ഡേറ്റ് പുറത്തുവിട്ടു. ഏപ്രില്‍ 24 മുതലായിരിക്കും You യുടെ അവസാന സീസണ്‍ സ്ട്രീമിങ് ആരംഭിയ്ക്കുന്നത്. പ്രമുഖ സ്റ്റാന്റ് അപ് കൊമേഡിയന്‍ സക്കീര്‍ ഖാന്റെ ഡ്യൂലക്‌സ് എക്‌സ്പ്രസ് എന്ന പുതിയ ഷോ മാര്‍ച്ച് 27 മുതല്‍ ആമസോണ്‍ പ്രൈമില്‍ സ്ട്രീമിങ് ആരംഭിയ്ക്കും.