പ്രിയ ഒറ്റയാൾ അത്രയും മനസ്സ് വയ്ക്കുന്നതുകൊണ്ടാണ് ഈ ബന്ധം ഇത്രയും സ്മൂത്തായി പോകുന്നത്; തനിക്ക് സഹോദരിയാണ് പ്രിയയെന്ന് മഞ്ജു!

Authored byഋതു നായർ | Samayam Malayalam | Updated: 11 Apr 2025, 1:45 pm

Samayam Malayalamപ്രിയ കുഞ്ചാക്കോ ബോബൻ

തന്റെ പ്രിയതമയുടെ പിറന്നാൾ ആഘോഷത്തിലാണ് പ്രിയ നടൻ കുഞ്ചാക്കോബോബൻ. ഭാര്യക്ക് തീർത്തും സർപ്രൈസ് ആയൊരു വിരുന്ന് ഒരുക്കിയാണ് പ്രിയയെ അമ്പരിപ്പിച്ചത്. സർപ്രൈസ് ഒരുക്കാൻ ചാക്കോച്ചന് കൂട്ടുനിന്നത് അച്ചു ഉമ്മൻ ആയിരുന്നു. ഇവരുടെ കുടുംബവുമായി അടുത്തബന്ധമാണ് പ്രിയയ്ക്കും ചാക്കോച്ചനും. പ്രിയയുടെ പിറന്നാൾ ഇവരെപ്പോലെ തന്നെ ആഘോഷം ആക്കുന്ന മറ്റൊരാൾ കൂടിയുണ്ട് അത് മറ്റാരും അല്ല മഞ്ജു വാര്യർ. മിക്ക യാത്രകളും സന്തോഷങ്ങളും സങ്കടങ്ങളും എല്ലാം പങ്കിടുന്ന നല്ല കൂട്ടുകാരാണ് ആണ് മഞ്ജുവും ചാക്കോച്ചന്റെ ഫാമിലിയും.

എന്റെ സഹോദരി എന്നാണ് പ്രിയയെ മഞ്ജു വിശേഷിപ്പിച്ചത്. മനോഹരമായ ഒരു വീഡിയോ പങ്കിട്ടുകൊണ്ട് മഞ്ജു എത്തിയപ്പോൾ സ്നേഹ പ്രവാഹം ആയിരുന്നു ആരാധകർ നൽകിയത്. ഇവരുടെ മിക്ക യാത്രകളും ഒരുമിച്ചായതുകൊണ്ടുതന്നെ നിറയെ സന്തോഷ നിമിഷങ്ങളെക്കുറിച്ചും ഇവർക്ക് പറയാനുണ്ട്. അതേസമയം മഞ്ജുവിന്റെ തിരിച്ചുവരവിൽ ഒപ്പത്തിനൊപ്പം തോൾ ചേർന്ന് നിന്നതിൽ ചാക്കോച്ചൻ മുൻപിൽ തന്നെ ആയിരുന്നു. ചാക്കോച്ചനൊപ്പം ആയിരുന്നു മഞ്ജുവിന്റെ രണ്ടാം വരവ് എന്നാൽ ഇവരുടെ ബന്ധം ഇത്രയും സ്മൂത്തായി പോകണം എങ്കിൽ ഉറപ്പായും അതിൽ പ്രിയ വഹിക്കുന്ന പങ്ക് ചെറുതല്ല. പ്രിയയുടെ പിന്തുണ ഒന്നുകൊണ്ട് മാത്രമാണ് ഈ ബന്ധം ഈ ഫ്രണ്ട്ഷിപ്പ് ഇത്രയും ശ്കതമായി തന്നെ പോകുന്നതും.

അതേസമയം 2005 ഏപ്രില്‍ 2നാണ് പ്രിയ ആന്‍ സാമുവല്‍ എന്ന തന്റെ ആരാധികയെ കുഞ്ചാക്കോ ബോബന്‍ വിവാഹം ചെയ്യുന്നത്. 2019 ഏപ്രില്‍ 16ന് ആയിരുന്നു ഇസഹാക്കിന്റെ ജനനം.

നമുക്കിടയിലെ നല്ലതും ചീത്തയുമെല്ലാം പരസ്പരം അംഗീകരിച്ച് കൈകോര്‍ത്ത് നമ്മള്‍ മുമ്പോട്ടു പോയി.. നിന്റെ അച്ഛനുമമ്മയ്ക്കും നീ നല്ലൊരു മകളായിരുന്നു. നിന്റെ കസിന്‍സിന് നീ നല്ലൊരു സഹോദരിയാണ്... സുഹൃത്താണ്.. എനിക്കുള്‍പ്പെടെ... നല്ലൊരു കാമുകിയാണ്.. (അതെനിക്കു മാത്രം) എനിക്ക് നല്ലൊരു ഭാര്യയാണ്.. എന്റെ കുടുംബത്തിന് നീ നല്ലൊരു മരുമകളും നാത്തൂനുമൊക്കെയാണ്.. ഇപ്പോള്‍ എന്റെ മകന്റെ സൂപ്പര്‍ അമ്മ കൂടിയുമാണ്.. ഒരായിരം ആലിംഗനങ്ങളും ചുംബനങ്ങളും എന്റെ പ്രിയതമയ്ക്ക് എന്നാണ് ഒരിക്കൽ ചാക്കോച്ചൻ വിവാഹവാര്ഷികത്തിനു കുറിച്ചത്.

ALSO READ: അവർ മൂന്നുപേർക്കും ഒറ്റ പെങ്ങളാണ്! അഭയും അക്ഷയും ചേട്ടന്മാർ! എംബിബിഎസ്‌ കഴിയാനായി; ആർച്ച അമ്മയുടെ അതേ രൂപം

എന്റെ പ്രിയപ്പെട്ട പങ്കാളിക്ക് ജന്മദിനാശംസകൾ, എന്റെ ജീവിതത്തിൽ സംഭവിച്ചതിൽ വച്ച് ഏറ്റവും മികച്ച കാര്യം നീയാണ് പ്രിയേ.അപ്പോൾ ഇതാ നിനക്ക് നൽകാൻ കഴിയുന്ന ഏറ്റവും മികച്ചത് നല്ല ജീവിതം തന്നെയാണ്.ഇനിയും ഒരുപാട് വർഷങ്ങൾ ആരോഗ്യത്തോടെയും സന്തോഷത്തോടെയും പോകാൻ ആകട്ടെ.

ഇത്രയും കുറഞ്ഞ സമയത്തിനുള്ളിൽ മനോഹരമായ ഒരു പാർട്ടി നടത്തിയതിനും ഇതൊരു ഗംഭീര സംഭവമാക്കിയതിനും അച്ചുമോൾ അച്ചു ഉമ്മന് നന്ദി! ഈ അവസരം ഇത്രയും രസകരവും സന്തോഷകരവുമാക്കിയ എന്റെ എല്ലാ കുടുംബാംഗങ്ങൾക്കും സുഹൃത്തുക്കൾക്കും നന്ദി ഉണ്ടെന്നും പ്രിയയുടെ ചിത്രങ്ങൾക്ക് ഒപ്പം ചാക്കോച്ചൻ കുറിച്ചു.