പ്രെഡിക്ഷന്‍ സത്യമായി, ബത്‌ലഹേം കുടുംബ യൂണിറ്റ് നൂറ് കോടി ക്ലബ്ബിലേക്ക്; പ്രേമം ആവര്‍ത്തിക്കുമോ?

നിവിന്‍ പോളിയുടെ കരിയറിലെ ഏറ്റവും വലിയ ബ്രേക്ക് നേടിയ സിനിമയാണ് പ്രേമം. പ്രേമത്തിന് മുന്‍പ് ശേഷം എന്ന് നിവിന്റെ കരിയരിനെ തന്നെ വിലയിരുത്തിയ കാലം. ഇപ്പോള്‍ ഇത് നിവിന്റെ രണ്ടാം ഇന്നിങ്‌സ് ആണ്. ചെറിയൊരു ബ്രേക്കും തുടര്‍ പരാജയങ്ങള്‍ക്കും ശേഷം നിവിന്‍ സര്‍വ്വം മായയിലൂടെ വരവറിയിച്ചിരുന്നു. ആ വരവില്‍ നിവിന് ബ്രേക്ക് ആവാന്‍ പോകുന്നത് ബികെയു എന്ന ചുരുക്കപ്പേരില്‍ അറിയപ്പെടുന്ന ബത്‌ലഹേം കുടുംബ യൂണിറ്റ് ആയിരിക്കുമെന്ന് ആദ്യ ഷോ കണ്ടിറങ്ങിയതിന് ശേഷം പ്രേക്ഷകരും പ്രെഡിക്ട് ചെയ്തിരുന്നു. ആ പ്രഡിക്ഷന്‍ സത്യമായിരിക്കുന്നു.

പ്രേമലുവിന് ശേഷം ഗിരീഷ് എഡിയും ഭാവന സ്റ്റുഡിയോസും വീണ്ടും ഒന്നിച്ച സിനിമ കൂടെയാണ് ബത്‌ലഹേം കുടുംബ യൂണിറ്റ്. ഒരുപാട് പബ്ലിസിറ്റിയും പ്രമോഷന്‍ പ്രോഗ്രാമുകളും ഒന്നും ബികെയുവിന് വേണ്ടി നടത്തിയിരുന്നില്ല. ഒരൊറ്റ ഓണപ്പരിപാടിയിലൂടെ തന്നെ ആവശ്യത്തിലധികമുള്ള പ്രമോഷന്‍ വന്നിരുന്നു. റിലീസിന് ശേഷം സിനിമ സംസാരിക്കും എന്ന് പറയുന്നത് പോലെ, സിനിമ കണ്ടിറങ്ങിയവരുടെ മികച്ച അഭിപ്രായം മൗത്ത് പബ്ലിസിറ്റിയായി സിനിമയ്ക്ക് കിട്ടുന്നുണ്ട്. അതിന്റെ പ്രതിഫലനം കൂടെയാണ് ബോക്‌സോഫീസില്‍ കാണുന്നത്.

കല്യാണം കഴിച്ച്, കുട്ടികളായി, നടുവേദനയും സഹിച്ച് ജീവിക്കേണ്ട ആളായിരുന്നു ഞാന്‍; രക്ഷപ്പെടുത്തിയത് അനിയത്തിയാണ് എന്ന് ഐശ്വര്യ
നിലവിലെ റിപ്പോര്‍ട്ടുകള്‍ പ്രകാരം ബത്‌ലഹേം കുടുംബ യൂണിറ്റ് നൂറ് കോടി കടന്നു, ആഗോളതലത്തില്‍ 135 കോടിയിലധികം നേടി എന്നാണ് റിപ്പോര്‍ട്ടുഖള്‍. മൂന്ന് ദിവസം കൊണ്ട് ചിത്രം കേരളത്തില്‍ നിന്ന് മാത്രം 61.37 കോടി കലക്ഷന്‍ നേടിയിരിക്കുന്നു എന്നാണ് റിപ്പോര്‍ട്ടുകള്‍.

നിവിന്‍ പോളിയും മമിത ബൈജുവും ഒന്നിച്ചിരിക്കുന്ന ചിത്രത്തില്‍ നിവിന്‍ അവതരിപ്പിക്കുന്ന ജസ്റ്റിന്‍ എന്ന കഥാപാത്രവും മമിതയുടെ ആഷ്ലി എന്ന കഥാപാത്രവും തമ്മിലുള്ള കെമിസ്ട്രി തിയേറ്ററുകളില്‍ വലിയ ചിരിയും വൈകാരിക മുഹൂര്‍ത്തങ്ങളും സമ്മാനിക്കുന്നു. ഫഹദ് ഫാസില്‍, ദിലീഷ് പോത്തന്‍, ശ്യാം പുഷ്‌കരന്‍ എന്നിവര്‍ ചേര്‍ന്നാണ് ചിത്രം നിര്‍മ്മിച്ചിരിക്കുന്നത്.

ഓണാഘോഷങ്ങള്‍ കഴിഞ്ഞാലും ഒട്ടും ജനത്തിരക്ക് കുറയാതെ ചിത്രം മുന്നേറുമെന്നാണ് തിയേറ്ററുകളിലെ തിരക്ക് സൂചിപ്പിക്കുന്നത്. വന്‍തോതിലുള്ള ഹൗസ്ഫുള്‍ ഷോകള്‍ കാരണം പല പ്രമുഖ കേന്ദ്രങ്ങളിലും ടിക്കറ്റുകള്‍ മുന്‍കൂട്ടി വിറ്റഴിയുകയാണ്.

കേരളത്തിന് പുറമെ ജിസിസി ഉള്‍പ്പെടെയുള്ള അന്താരാഷ്ട്ര വിപണികളിലും ഇതുവരെ ഒരു മലയാള സിനിമയ്ക്കും ലഭിക്കാത്ത രീതിയിലുള്ള വന്‍ തുക കളക്ഷനായി ചിത്രം സ്വന്തമാക്കി. 'പ്രേമലു'വിന് ശേഷം ഭാവന സ്റ്റുഡിയോസും സംവിധായകന്‍ ഗിരീഷ് എ ഡിയും ഒന്നിച്ച ഈ രണ്ടാം ചിത്രവും അതിവേഗം 100 കോടി ക്ലബ്ബിലേക്ക് എത്തും. നിലവിലെ തരംഗം തുടര്‍ന്നാല്‍ മലയാളത്തിലെ എക്കാലത്തെയും ഉയര്‍ന്ന ഇന്‍ഡസ്ട്രി ഹിറ്റ് റെക്കോര്‍ഡുകള്‍ ചിത്രം മാറ്റിമറിക്കുമെന്നാണ് കണക്കുകൂട്ടല്‍.