പ്ലാൻ ചെയ്തതല്ല ഒന്നും, ഞങ്ങളുടെ യാത്ര മാജിക് ആണ്; അല്ലു അർജുനൊപ്പമുള്ള ജീവിതത്തെ കുറിച്ച് ഭാര്യ സ്നേഹ

Authored by: അശ്വിനി പി|Samayam Malayalam•11 Oct 2025, 12:54 pm

അല്ലു അർജുൻ - സ്നേഹ റെഡ്ഡി പ്രണയത്തെ കുറിച്ചും വിവാഹത്തെ കുറിച്ചും പലപ്പോഴും സോഷ്യൽ മീഡിയയിൽ പോസ്റ്റുകൾ വന്നിട്ടുണ്ട്. തങ്ങളുടെ ബന്ധം തീർത്തും ഒരു മാജിക്കൽ സംഭവമാണ് എന്ന് പറഞ്ഞ് ഇപ്പോൾ രംഗത്ത് എത്തിയിരിക്കുന്നത് ഭാര്യ അല്ലു സ്നേഹ റെഡ്ഡി തന്നെയാണ്.

അല്ലു അർജുനൊപ്പം പ്രണയാദ്രമായ ഒരു അവധിക്കാല ആഘോഷത്തിലാണ് സ്നേഹ റെഡ്ഡി. ആംസ്റ്റർഡാമിൽ അവധി ആഘോഷിക്കുന്നതിന്റെ ചിത്രങ്ങൾ പങ്കുവച്ചുകൊണ്ടാണ് സ്നേഹ തങ്ങളുടെ സ്നേഹ ബന്ധത്തെ കുറിച്ച് പറയുന്നത്. ഇതൊന്നും പ്ലാൻ ചെയ്ത് സംഭവിച്ചതല്ല, മാജിക്കൽ ആണ് എന്ന അടിക്കുറിപ്പോടെ ചിത്രങ്ങൾ പങ്കുവയ്ക്കുകയായിരുന്നു. പോസ്റ്റിന് താഴെ സ്നേഹവും സന്തോഷവും പങ്കുവച്ച് നിരവധി കമന്റുകളാണ് വരുന്നത്.

Also Read: മമിത ബൈജുവിന്റെ ഇപ്പോഴത്തെ പ്രതിഫലം 15 കോടി? ആദ്യ ചിത്രത്തിൽ ഒരു പൈസയും കിട്ടാത്ത നടി, ഈ മാറ്റം എങ്ങനെ സംഭവിച്ചു?

സ്നേഹ - അല്ലു അർജുൻ സ്നേഹ ബന്ധത്തെ കുറിച്ച് അടുത്തിടെ ഏറ്റവും അധികം ചർച്ചയായത് ആരാധകയുടെ മരണത്തെ തുടർന്ന് അല്ലു അർജുൻ അറസ്റ്റിലായ സംഭവം നടക്കുമ്പോഴാണ്. അല്ലു അർജുൻ മുന്നറിയിപ്പില്ലാതെ പങ്കെടുത്ത തിയേറ്റർ വിസിറ്റിലെ തിക്കിലും തിരക്കിലും പെട്ട് ഒരു സ്ത്രീ മരിച്ച സംഭവത്തിൽ നടനെ അറസ്റ്റ് ചെയ്തിരുന്നു. അന്ന് വളരെ ഇമോഷണലായി അല്ലുവിനെ യാത്രയയക്കുന്ന സ്നേഹയുടെ വീഡിയോകളും, തിരിച്ചു വന്നപ്പോഴുള്ള ഇരുവരുടെയും സ്നേഹ പ്രകടനത്തിന്റെ വീഡിയോയും സോഷ്യൽ മീഡിയയിൽ വൈറലായി. ഇത്രയും മാജിക്കൽ ബന്ധമാണോ എന്ന തരത്തിൽ അന്നേ പോസ്റ്റുകൾ വന്നിരുന്നു.

2011 ൽ ആണ് അല്ലു അർജുന്റെയും സ്നേഹ റെഡ്ഡിയുടെയും വിവാഹം കഴിഞ്ഞത്. തെലുങ്കിലെ പ്രമുഖ വ്യവസായിയുടെ മകളായ സ്നേഹ പഠിച്ചതൊക്കെ വിദേശത്തായിരുന്നു. വല്ലപ്പോഴും നാട്ടിൽ വരുന്ന, തെലുങ്ക് സിനിമകൾ അധികം കാണാത്ത സ്നേഹയ്ക്ക് അല്ലു ഒരു നടനാണ് എന്നതും അറിയില്ലായിരുന്നു. ഒരു കോമൺ സുഹൃത്തിന്റെ കല്യാണത്തിനാണ് ആദ്യമായി കാണുന്നത്. ലവ് അറ്റ് ഫസ്റ്റ് സൈറ്റ് ആയിരുന്നു. തെലുങ്ക് നിർമാതാവിന്റെ മകൻ എന്ന് മാത്രമേ അപ്പോഴും അറിയുകയുള്ളൂ. പ്രണയിച്ചു തുടങ്ങിയപ്പോഴാണ് അല്ലുവിന്റെ സ്റ്റാർഡം സ്നേഹ തിരിച്ചറി‍ഞ്ഞത്.


വരൻ എന്ന ചിത്രത്തിൽ അഭിനയിച്ചതിന് ശേഷം അച്ഛനും അമ്മയും കണ്ടെത്തുന്ന പെൺകുട്ടിയെ മാത്രമേ വിവാഹം ചെയ്യൂ എന്ന് പറഞ്ഞു നടന്ന ആളാണ് അല്ലു അർജുൻ. ആ സിനിമയിൽ വിവാഹ ദിവസം വധുവിനെ കാണുന്ന വരനായിട്ടാണ് അല്ലു എത്തിയിരുന്നത്. അതാണ് ചിത്രത്തിന്റെ കഥയും. അതുപോലെ കണ്ടാൽ മതി തനിക്ക് തന്റെ വധുവിനെയും എന്നായിരുന്നു അല്ലു പറഞ്ഞത്. എന്നാൽ സ്നേഹയെ കണ്ടുമുട്ടിയതിന് ശേഷം ആ തീരുമാനം അല്ലു അർജുൻ തിരുത്തി.