പ്ലേ ഓഫിന് മുൻപ് മുംബൈ ഇന്ത്യൻസിന് കനത്ത തിരിച്ചടി; ആ മൂന്ന് സൂപ്പർ താരങ്ങൾ സുപ്രധാന മത്സരങ്ങൾക്കില്ല?

Curated byഗോകുൽ എസ് | Samayam Malayalam | Updated: 14 May 2025, 1:40 pm

ഐപിഎല്ലിൽ തങ്ങളുടെ ആറാം കിരീടമാണ് മുംബൈ ഇന്ത്യൻസ് ഇക്കുറി ലക്ഷ്യം വെക്കുന്നത്. ഇന്ത്യ - പാക് സംഘർഷങ്ങളുടെ പശ്ചാത്തലത്തിൽ നിർത്തിവെച്ചിരിക്കുന്ന 2025 സീസൺ ഐപിഎല്ലിൽ നിലവിൽ നാലാം സ്ഥാനത്താണ് അവർ. ശേഷിക്കുന്ന രണ്ട് കളികളിലും ജയിച്ചാൽ അവർക്ക് പ്ലേ ഓഫിൽ കടക്കാം. നിലവിലെ ഫോം പരിശോധിക്കുമ്പോോ അവർക്ക് അത് എളുപ്പമായിരിക്കുമെന്നാണ് ആരാധക പ്രതീക്ഷ.അതേ സമയം ഐപിഎൽ പ്ലേ ഓഫിലെത്തിയാൽ ഒരു വമ്പൻ പണിയാണ് മുംബൈ ഇന്ത്യൻസിനെ കാത്തിരിക്കുന്നത്. ടീമിന്റെ ചില സൂപ്പർ താരങ്ങൾ പ്ലേ ഓഫിൽ സെലക്ഷന് ലഭ്യമാകില്ല എന്നതാണ്‌ ടീമിന്റെ ആശങ്ക. സ്റ്റാർ വിക്കറ്റ് കീപ്പർ ബാറ്റർ റിയാൻ റിക്കിൾട്ടൺ, ഓൾ റൗണ്ടർ കോർബിൻ ബോഷ്, വെടിക്കെട്ട് ബാറ്റർ വിൽ ജാക്സ് എന്നിവരുടെ സേവനം പ്ലേ ഓഫിൽ മുംബൈക്ക് ലഭിച്ചേക്കില്ല എന്നതാണ് ആരാധകരുടെ ചങ്കിടിപ്പ് കൂട്ടുന്നത്.


ഈ വർഷത്തെ ലോക ടെസ്റ്റ് ചാമ്പ്യൻഷിപ്പിന്റെ ഫൈനൽ മത്സരത്തിനുള്ള ദക്ഷിണാഫ്രിക്ക ടീമിനെ ഇന്നലെയാണ് ക്രിക്കറ്റ് ദക്ഷിണാഫ്രിക്ക പ്രഖ്യാപിച്ചത്. ഐപിഎല്ലിൽ കളിക്കുന്ന എട്ട് താരങ്ങളെയാണ് ഈ സ്ക്വാഡിൽ ദക്ഷിണാഫ്രിക്ക ഉൾപ്പെടുത്തിയിരിക്കുന്നത്. ഇതിൽ മുംബൈ ഇന്ത്യൻസിന്റെ രണ്ട് കളിക്കാരാണുള്ളത്. റിയാൻ റിക്കിൾട്ടണും കോർബിൻ ബോഷും.

ഐപിഎല്‍ 2025 മെയ് 17ന് പുനരാരംഭിക്കും; ഫൈനല്‍ ജൂണ്‍ മൂന്നിന്
ടെസ്റ്റ് ചാമ്പ്യൻഷിപ്പ് ഫൈനലിനുള്ള താരങ്ങളെല്ലാം ഈ മാസം 26 നോടെ നാട്ടിലേക്ക് തിരിച്ചെത്തണമെന്നാണ് ക്രിക്കറ്റ് ദക്ഷിണാഫ്രിക്കയുടെ നിർദേശം. ഐപിഎല്ലിലെ പ്ലേ ഓഫ് മത്സരങ്ങൾ ആരംഭിക്കുന്നത് ഈ മാസം 29 നാണ്. ഇത് കൊണ്ടു തന്നെ മുംബൈ പ്ലേ ഓഫിൽ എത്തിയാലും റിക്കിൾട്ടൺ, കോർബിൻ ബോഷ് എന്നീ താരങ്ങളുടെ സേവനം അവർക്ക് ലഭിച്ചേക്കില്ല.

WTC Final: ദക്ഷിണാഫ്രിക്കൻ ടീമിനെ പ്രഖ്യാപിച്ചു, പ്രധാന പണി മുംബൈ ഇന്ത്യൻസിന്; രണ്ട് സൂപ്പർ താരങ്ങളെ നഷ്ടമായേക്കും
അതേ സമയം വെസ്റ്റിൻഡീസിന് എതിരായ ഏകദിന പരമ്പരക്കുള്ള ടീമിനെ കഴിഞ്ഞ ദിവസം ഇംഗ്ലണ്ട് ആൻഡ് വെയിൽസ് ക്രിക്കറ്റ് ബോർഡ് പ്രഖ്യാപിച്ചിരുന്നു. ഐപിഎല്ലിൽ കളിക്കുന്ന അഞ്ച് താരങ്ങളാണ് ഈ ടീമിൽ ഇടം പിടിച്ചിരിക്കുന്നത്. ഇതിൽ മുംബൈ ഇന്ത്യൻസിന്റെ വിൽ ജാക്സുമുണ്ട്. ഐപിഎല്ലിലെ പ്ലേ ഓഫ് മത്സരങ്ങൾ ആരംഭിക്കുന്ന മെയ് 29 നാണ് ഇംഗ്ലണ്ടും വിൻഡീസും തമ്മിലുള്ള ആദ്യ ഏകദിനം. അതായത് മുംബൈ ഐപിഎൽ പ്ലേ ഓഫിൽ എത്തിയാൽ വിൽ ജാക്സിന്റെ സേവനവും അവർക്ക് ലഭിച്ചേക്കില്ല.