ഫോർമുല 2 കാറോട്ടത്തിൽ ഇന്ത്യൻ കുതിപ്പ്; മൊണാക്കോ ഗ്രാൻപ്രി സ്പ്രിന്റ് റേസിൽ ഖുഷ് മൈനി ചാംപ്യൻ

മൊണാക്കോ∙ ഫോർമുല 2 കാറോട്ടത്തിലെ മൊണാക്കോ ഗ്രാൻപ്രി സ്പ്രിന്റ് റേസിൽ ഇന്ത്യയുടെ ഖുഷ് മൈനി ചാംപ്യൻ. മൊണാക്കോ സർക്യൂട്ടിൽ ഈ നേട്ടം സ്വന്തമാക്കുന്ന ആദ്യ ഇന്ത്യക്കാരനാണ് ബെംഗളൂരു സ്വദേശിയായ ഇരുപത്തിനാലുകാരൻ ഖുഷ്.

ഡിഎഎംഎസ് ടീമിനു വേണ്ടിയാണ് ഖുഷ് മത്സരിച്ചത്. ഫോർമുല വണ്ണിൽ ആൽപിൻ ടീമിന്റെ റിസർവ് ഡ്രൈവറാണ്. 120 കിലോമീറ്റർ ദൂരമോ 45 മിനിറ്റിൽ താഴെ സമയനിബന്ധനയോ ഉള്ള റേസാണ് സ്പ്രിന്റ് റേസ്.