ബഹിരാകാശത്ത് വച്ചായിരിക്കുമോ കല്യാണം? സ്കൈഡൈവ് പ്ലാനുണ്ട്! 63 കാരൻ ടോം ക്രൂയിസിൻറെ 37 കാരി അന ഡി അർമാസിന്റെയും വെഡ്ഡിങ് പ്ലാൻ

Authored by: അശ്വിനി പി|Samayam Malayalam•1 Oct 2025, 5:10 pm

ഹോളിവുഡ് സിനിമാ ലോകത്ത് ഒരു ഭാഗത്ത് കല്യാണത്തിരക്കും മറുഭാഗത്ത് വേർപിരിയലുമാണ് വിശേഷം. സെലീന ഗോമസിന്റെയും ബെന്നി ബ്ലാങ്കോയുടെയും വിവാഹ വാർത്തകൾക്ക് പിന്നാലെ വന്ന, നിക്കോൾ കിഡ്മാനും കീത്ത് അർബനും 19 വർഷത്തെ ദാമ്പത്യ ജീവിതം അവസാനിപ്പിക്കാൻ പോകുന്നു എന്ന വാർത്തകളാണ്.

പ്രണയവും വിവാഹവും വേർപിരിയലും അങ്ങനെ നടന്നുകൊണ്ടിയ്ക്കുന്നു, അതിനിടയിൽ നടൻ ടോം ക്രൂയിസിന്റെ ചില വിവാഹ വിശേഷങ്ങളാണ് ഇപ്പോൾ വാർത്തകളിൽ നിറയുന്നത്. 67 കാരനായ ടോം ക്രൂയിസിന്റെ പ്രൊഫഷണൽ ജീവിതത്തെക്കാൾ ആളുകൾക്ക് അറിയാൻ താത്പര്യം സ്വകാര്യ ജീവിതത്തെ കുറിച്ചാണ് എന്ന് തിരിച്ചറിഞ്ഞപ്പോൾ, മൂന്ന് വിവാഹ ബന്ധങ്ങളുടെ പരാജയത്തിന് ശേഷം നടൻ തന്റെ സ്വകാര്യ ജീവിതം വളരെ സ്വകാര്യമാക്കിയിരുന്നു.

Also Read: പറഞ്ഞു ബുദ്ധിമുട്ടേണ്ട, എനിക്ക് കാര്യം മനസ്സിലായി; പ്രാർത്ഥനകൾക്കെല്ലാം കൈകൂപ്പി നന്ദി പറഞ്ഞ് മമ്മൂട്ടി, മുണ്ട് മടക്കിക്കുത്തി റെഡിയായി!

എന്നാൽ ഇപ്പോൾ കഴിഞ്ഞ കുറച്ചു കാലങ്ങളായി, 37 കാരി ക്യൂബൻ, സ്പാനിഷ് നടിയായ അന ഡി അർമാസുമായി ടോം ക്രൂയിസ് പ്രണയത്തിലാണ് എന്ന് വാർത്തകൾ വന്നുകൊണ്ടിരിയ്ക്കുകയാണ്. അത് സ്ഥിരീകരിക്കുന്ന പല ചിത്രങ്ങളും പുറത്തുവന്നിരുന്നു. ഇരുവരും വൈകാതെ വിവാഹിതരാകും എന്നാണ് അടുത്ത വൃത്തങ്ങളിൽ നിന്നും വരുന്ന വിവരം. ആ വിവാഹം ബഹിരാകാശത്തുവച്ചായിരിക്കും എന്ന വാർത്തകളാണ് ഇപ്പോൾ സജീവമാവുന്നത്.

Also Read: ശാലീന സുന്ദരിയായി മഡോണ സെബാസ്റ്റിൻ, ഇന്നത്തെ ദിവസത്തിന്റെ പ്രത്യേകത എന്താണെന്ന് പോലും പറഞ്ഞില്ലല്ലോ?

മിഷൻ: ഇംപോസിബിൾ സ്റ്റണ്ട് പോലെ അതിശയകരമാകായ, അമാനുഷികമായ ഒരു വിവാഹമായിരിക്കണം എന്നാണ് ടോം ക്രൂയിസിന്റെ ആഗ്രഹം. ആരും ചെയ്തിട്ടില്ലാത്ത, വ്യത്യസ്തമായ കാര്യങ്ങൾ ചെയ്യാനാണ് ടോമിനും അനയ്ക്കും താത്പര്യം. ടോം ക്രൂയിസ് ബഹിരാകാശ യാത്രയോട് വലിയ താത്പര്യമുള്ള ആളാണ്. ബഹിരാകാശത്ത് വച്ച് കല്യാണം നടത്താനാണത്രെ ഇപ്പോൾ ആഗ്രഹിക്കുന്നത്. അങ്ങനെയെങ്കിൽ അത് ലോകത്തിലെ ആദ്യത്തെ സംഭവമായിരിക്കും.


ഒരുമിച്ച് ജീവിക്കാൻ പ്രതിജ്ഞ എടുത്ത ശേഷം ഒരു സ്കൈഡൈവ് ചെയ്യാനും പദ്ധതിയുണ്ടത്രെ. എന്തു ചെയ്താലും അത് അസാധാരണമായി ചെയ്യാനുള്ള തരം വിവാഹ പ്ലാനുകളാണ് രണ്ടുപേരുടെയും മനസ്സിൽ എന്നാണ് കേൾക്കുന്നത്.