ബിടിഎസിന്റെ വി എവിടെ? പാരീസിൽ നിന്ന് പിന്നെ എങ്ങോട്ടു പോയി? ആകെ ആശയക്കുഴപ്പത്തിൽ ആരാധകർ

Authored by: അശ്വിനി പി|Samayam Malayalam•12 Jul 2025, 8:55 am

കിം തെയുങ് എന്ന ബിടിഎസിൻരെ വി തന്റെ ഓരോ വിശേഷങ്ങളും, പൊതു പരിപാടികളുടെ അപ്ഡേഷനുകളും സോഷ്യൽ മീഡിയയിലൂെട ആരാധകരെ അറിയിക്കുന്നതാണ്. എന്നാൽ താരത്തിന്റെ ഏറ്റവും പുതിയ പോസ്റ്റ് ഫോളോവേഴ്സിനെ ആശയക്കുഴപ്പത്തിലാക്കുകയാണ്. ശരിക്കും ഇപ്പോൾ വി എവിടെയാണ് എന്നാണ് ആർമിയുടെ (ആരാധകർ) ചോദ്യം.

താൻ പാരീസിൽ ആയിരുന്നപ്പോൾ എടുത്ത എല്ലാ മനോഹര ചിത്രങ്ങളും വി സോഷ്യൽ മീഡിയയിലൂടെ പങ്കുവച്ചിട്ടുണ്ട്. സെലിൻ ഫാഷൻ ഷോയിൽ പങ്കെടുക്കുന്നതിനായിട്ടാണ് വി പാരീസിൽ എത്തിയത്. അവിടെ വച്ച് പാർക്ക് ബോഗത്തെ പോലുള്ള സുഹൃത്തുക്കളോടൊപ്പം വിരുന്നുകൾ ആഘോഷിക്കുന്നതിന്റെ ചിത്രങ്ങളും വീഡിയോകളും സോഷ്യൽ മീഡിയയിൽ പങ്കുവച്ചിരുന്നു.

Also Read: പ്രണയിനിയുമായുള്ള വിവാഹം എപ്പോഴാണ് എന്ന ചോദ്യത്തിന് ആർജെ അമൻ ഭൈമിയുടെ മറുപടി; ഉടനെ ഉണ്ടാവുമോ?

എല്ലാം കഴിഞ്ഞ് ജൂലൈ പത്തിന് പാരീസിൽ നിന്നുള്ള എന്റെ അവസാനത്തെ കാഴ്ചകൾ എന്ന് പറഞ്ഞ് കുറച്ചധികം ചിത്രങ്ങൾ വി ഇൻസ്റ്റഗ്രാമിൽ പോസ്റ്റ് ചെയ്തു. ഐക്കോണിക് ഐഫിൽ ടവറിന് മുന്നിൽ നിൽക്കുന്നതും മറ്റുമായ ചിത്രങ്ങളായിരുന്നു അത്. ഈ ചിത്രങ്ങൾ കണ്ടതോടെയാണ് ആരാധകർ ആശയക്കുഴപ്പത്തിലായത്. ഇത് പോസ്റ്റ് ചെയ്യുന്നതിന് ഒരു ദിവസം മുൻപ്, വി പാരീസിൽ താമസിച്ചിരുന്ന റൂം വെക്കേറ്റ് ചെയ്ത് എയർപോർട്ടിലേക്ക് എത്തുന്ന വീഡിയോ സോഷ്യൽ മീഡിയയിൽ വൈറലായിരുന്നു. പിന്നെ എങ്ങനെ പത്താം തിയ്യതി പാരീസിലെ അവസാന കാഴ്ച എന്ന് പറഞ്ഞ് വി ഫോട്ടോകൾ പോസ്റ്റ് ചെയ്യും എന്നാണ് ആരാധകരുടെ കൺഫ്യൂഷൻ.


പാരീസിൽ നിന്നുള്ള ആ ഫോട്ടോയ്ക്ക് ശേഷം വിയുടെ യാതൊരു വിവരവും ഇല്ല. വി സ്വന്തം രാജ്യമായ സോളിലേക്ക് മടങ്ങിയോ, അതോ ലോസ്ആഞ്ജൽസിലേക്ക് പോയോ എന്നാണ് ആരാധകരുടെ കൺഫ്യൂഷൻ. നിലവിൽ തങ്ങളഉടെ പുതിയ ആൽബത്തിന് വേണ്ടി ബിടിഎസിന്റെ മറ്റ് താരങ്ങളായ ജിമിനും ജങ്കൂക്കും ആർഎമ്മും സുഗയും എല്ലാം ലോസ് ആഞ്ചൽസിലാണ്. ലൊല്ലപലൂസ ബെർലിൻ ഷെഡ്യൂൾ പൂർത്തിയാക്കിയ ശേഷം ജെ -ഹോപ്പും അവർക്കൊപ്പം ചേരും. പാരീസിൽ നിന്ന് വി യും നേരെ ലോസ് ആഞ്ചൽസിലേക്കായിരിക്കാം പോയത് എന്ന് ചില ആരാധകർ ഊഹിക്കുന്നു. അല്ല, വി ഒരു പരസ്യ ചിത്രം ഷൂട്ട് ചെയ്യുന്നതിനായി സോലിലേക്ക് മടങ്ങി എന്നാണ് മറ്റ് ചിലരുടെ വാദം. താൻ എവിടെയാണ് എന്ന് വി യുടെ തന്നെ ഒരു ഔദ്യോഗിക സ്ഥിരീകരണം വരും എന്നാണ് ആരാധകർ പ്രതീക്ഷിക്കുന്നത്.