ബിടിഎസിന്റെ വിയും ഐവിഇയുടെ ജങ് വുൺയങും പ്രണയത്തിലോ? തെളിവുകൾ എണ്ണി പറഞ്ഞ് ആരാധകൻ, വൈറലാവുന്ന പോസ്റ്റ്

Authored by: അശ്വിനി പി|Samayam Malayalam•29 Sept 2025, 4:14 pm

ബിടിഎസ് താരങ്ങൾക്ക് ഇത് പ്രണയ ഗോസിപ്പുകളുടെ കാലമാണെന്ന് തോന്നുന്നു. ജിമിൻ പ്രണയത്താലായെന്നും ബ്രേക്കപ് ആയെന്നുമുള്ള വാർത്തകൾ വന്ന് ദിവസങ്ങൾക്കകമാണ് വി യെ സംബന്ധിച്ച പ്രണയ ഗോസിപ്പുകൾ ചർച്ചയായത്. അതു ഒരാളല്ല, രണ്ട് പെൺകുട്ടികളുമായുള്ള പ്രണയ ഗോസിപ്പ് ആയിരുന്നു ഏതാനും ആഴ്ചകൾക്ക് മുൻപുള്ള വൈറൽ വിശേഷം

കൊറിയയിൽ നടന്ന ക്രിയേറ്റേഴ്സ് കൺസേർട്ട് ആയ ടൈയിലറിൽ നിന്നും ബ്ലാക്ക് പിങ്കിന്റെ ജെന്നിയ്ക്കൊപ്പമുള്ള ഫോട്ടോകളും വീഡിയോകളും പുറത്തുവന്നതോടെ വിയും ജെന്നിയും പ്രണയത്തിലാണെന്ന് പറഞ്ഞു. പിന്നാലെ, കൊറിയോഗ്രാഫറായ ലീ ജങുമായുള്ള വീഡിയോകളും പുറത്തു വന്നപ്പോൾ ആരാധകർ കൺഫ്യൂഷനിലായി. ജെന്നിയാണോ ലീ ജങ് ആണോ വിയുടെ യഥാർത്ഥ കാമുകി എന്നായിരുന്നു ഡൗട്ട്.

Also Read: അവർ എന്നെ ഒഴിവാക്കിയതല്ലേ ഇനി അവർ തന്നെ വിളിക്കട്ടെ അപ്പൊ പോകാം; ടോപ് സിംഗറിൽ നിന്നും ഞാൻ ഒഴിവായതല്ലെന്നും എംജി

ആ സംശയത്തിന് ഇതുവരെ ഒരു വ്യക്തതയും വന്നിട്ടില്ല, വി യും ഒന്നിനോടും പ്രതികരിക്കുകയും ചെയ്തിട്ടില്ല. അതിനുള്ളിൽ ഇതാ മറ്റൊരു പെൺകുട്ടിയുടെ പേര് കൂടെ വിയ്ക്കൊപ്പം ചേർന്ന് വൈറലാവുന്നു. ഇത്തവണ ഐവിഇയുടെ ജങ് വുൺയങുമായി പ്രണയത്തിലാണെന്നാണ് ഗോസിപ്പുകൾ. ഇരുവരും പ്രണയത്തിലാണ് എന്ന് തെളിയിക്കുന്ന വിധം ചില തെളിവുകളുടെ ലിസ്റ്റുമായി ഒരു ആരാധകൻ രംഗത്തെത്തി.

Also Read: എന്റെ മക്കളെ ഒരിക്കലും ഞാൻ ഇതിന് വേണ്ടി നിർബന്ധിക്കില്ല; അജിത്തിന്റെ തുറന്നു പറച്ചിൽ, മകളുടെ പുതിയ ഫോട്ടോകൾ വൈറലാവുന്നു

ചൈനീസ് സോഷ്യൽ മീഡിയ പ്ലാറ്റ്ഫോമായ ഡൗബാനിലാണ് ആരാധകന്റെ പോസ്റ്റ് പ്രത്യക്ഷപ്പെട്ടത്. സിയോളിലെ സൻ റസ്റ്റോറന്റിൽ നിന്നുകൊണ്ട് വി പോസ്റ്റ് ചെയ്ത ഒരു ചിത്രത്തിൽ കാണുന്ന അതേ ഗ്ലാസ് വെയറും മെനു ഇനങ്ങളും ജങ് വുൺയങ് പോസ്റ്റ് ചെയ്ത ചിത്രത്തിലും കാണാം. ഈ രണ്ട് ചിത്രങ്ങളും ഒരു ദിവസത്തെ വ്യത്യാസത്തിലാണ് ഇരുവരും പങ്കുവച്ചത് എന്നാണ് ആരാധകന്റെ കണ്ടെത്തൽ.

ഇത്തരത്തിൽ ഇരുവരും പങ്കുവച്ച പല ഫോട്ടോകളിലെയും സമാനതകൾ ചൂണ്ടിക്കാണിച്ചാണ് പ്രണയ ഗോസിപ്പുകൾ പ്രചരിക്കുന്നത്. വളരെ രഹസ്യമായിട്ടാണ് ബന്ധം മുന്നോട്ടു പോകുന്നത്, വർഷങ്ങളായി ഇരുവരും ഡേറ്റിങിലാണ് എന്നുമൊക്കെയാണ് ഇതിന്റെ അടിസ്ഥാനത്തിൽ പുറത്തുവരുന്ന ഗോസിപ്പുകൾ